Kewalilu 18:5 - Alla la Kitabu Seniman

⁵ Nba, Silasi ni Timote nara ka bɔ Masedoni tuma mɛn na, Pɔli ma baara gbɛrɛ si kɛ butun fo ka kawandili kɛ. A tɛrɛ ye sereya bɔla Yahudiyailu yɛ ko Isa ye Mɔɔ Ɲenematɔmɔnin de ri.

Kewalilu 18:5 Referans Kwoze

Kewalilu 18:28

A tɛrɛ ye Yahudiyailu la kuma lakadila mɔɔ bɛɛ ɲana, ka a yiraka ii la Alla la kuma rɔ ko Mɔɔ Ɲenematɔmɔnin ye Isa le ri.

Kewalilu 20:21

N da a fɔ Yahudiyailu ni siya gbɛrɛ tɔilu yɛ ka a magbɛlɛya ko ii ye kojuu kɛ boloka ka na Alla ma, ka lemɛniya an na Maari Isa ma.

Kewalilu 17:3

Pɔli tɛrɛ ye wo kɔrɔ fɔla ii yɛ ka a gbɛ, ko a fɛrɛ tɛ fo Mɔɔ Ɲenematɔmɔnin tɛrɛ ye tɔrɔ ka faa, ka ban ka wuli ka a bɔ saya rɔ. A ka a fɔ ko: «N ye Isa mɛn na ko lasela ai ma ɲi, ale le Mɔɔ Ɲenematɔmɔnin di.»

Kewalilu 9:22

Kɔni Sawuli tɛrɛ ye mɔɔilu kawandila se mɛn na, do tɛrɛ ye lala wo kan waati bɛɛ. A tɛrɛ ye a yirakala Damasi Yahudiyailu la ka a gbɛ ko Mɔɔ Ɲenematɔmɔnin de Isa ri. Ii ma se a jabila muumɛ.

Filipikailu 1:23

N gbɛrɛnni ko fila ɲin bɛɛ la: N ye a fɛ ka bɔ dunuɲa ɲin dɔ, ka wa to Ɲenematɔmɔnin tɔrɔfɛ, wo le ka fisa kosɛbɛ.

Kewalilu 2:36

«Ai, Isirayɛlika bɛɛ ka kan ka lɔn ka a lala ɲa mɛn ma ko Isa mɛn ii ka gbɔngbɔn jiri kan, Alla ra kɛ Maari ri a ni Mɔɔ Ɲenematɔmɔnin.»

Piyɛri Fɔlɔ 5:12

Silasi, n ye mɛn jatela nakelenɲɔɔ kɔnɔrɔdi ri, wo le ka n dɛmɛn bataki kundunyanin ɲin sɛbɛla ai ma, kosa n ye ai lalemɛniya, ka sereya bɔ ai yɛ, ko Alla la sɔlini tuɲa le ɲin di, ai ye mɛn dɔ gben!

Kewalilu 16:9

Su wo rɔ, Pɔli ka koyen lɔ ikomin sibo. A ka Masedonika cɛɛ do lɔni yen mɛn ye a madiyala ko: «I ye na an dɛmɛn Masedoni jamana rɔ.»

Kewalilu 16:1

A sera Dɛribɛ, ka bɔ ye ka wa Lisitiri. Cɛɛ do tɛrɛ ye karandenilu tɛma mɛn tɔɔ ko Timote. A na tɛrɛ Yahudiya le ri, kɔni a fa tɛrɛ Kirɛkika le ri. A na tɛrɛ lemɛniya mɔɔ le ri.

Kewalilu 15:22

Talibidenbailu ni ɲɛmɔɔilu ni lemɛniya jamailu bɛɛ ka a latɛɛ ko ii ye mɔɔ doilu suwandi ka woilu lɔ Pɔli ni Barinabasi malɔla Antiyɔki. Ii ka Judasi, mɛn fanan tɔɔ ko Barisabasi, a ni Silasi suwandi. Mɔɔ fila woilu tɛrɛ ɲɛmɔɔilu le ri lemɛniya mɔɔilu tɛma.

Kewalilu 10:42

A ka an jamari ko an ye mɔɔilu bɛɛ kawandi, ka sereya bɔ ko Alla ra ale lasii ka a kɛ fureilu ni kɛndɛmailu bɛɛ la kititɛɛla ri.

Kewalilu 4:20

Kɔni an ti se ka an makun. An ka mɛn yen Isa la a ni an ka mɛn mɛn a la, fo an ye wo bɛɛ lase mɔɔilu ma.»

Yuhana 15:27

Aile fanan di kɛ n na sereya ri, baa an da mɛn i ɲɔɔn fɛ kɛbi n na baara damira waati.»

Yuhana 10:24

A tɛrɛ lamininni Yahudiyailu bolo, woilu ka a fɔ ko: «I ye sika bɔla an dɔ waati ɲuman? Ni i ye Ɲenematɔmɔnin de ri, i ka kan ka wo fɔ an yɛ gbɛ rɔ.»

Yuhana 3:28

Aile mɛn ye yan, ai ri kɛ n na sereya ri ko n ka kuma wo fɔ ko: ‹Mɔɔ Ɲenematɔmɔnin tɛ n di›, kɔni ‹n ye mɔɔ le ri mɛn na nani a ɲɛfɛ.›

Yuhana 1:41

A ka a yen waati mɛn na, a ka dantɛɛli wo bɛɛ kɛ a kɔrɔ Simɔn yɛ. A ka a fɔ a yɛ ko: «An da Mɔɔ Suwandinin yen, mɛn kɔrɔ ye ko Mɔɔ Ɲenematɔmɔnin.»

Luka 12:50

Kɔni a fɛrɛ tɛ fo n ye n na jakankatayɛ dafa. Yani n ye ban wo kɛla, n tɛ jususuma sɔrɔn.

Luka 16:28

N badenma mɔɔ loolu ye ye. I ye diɲɛ Lasari ye wa ii lali. Kosa ii kana na jakankata diya yan.›

Kewalilu 16:12

An bɔra ye ka wa Filipi, mɛn ye Masedoni jamana fan kelen so ba do ri, Rɔmu so do le. An ka tele dando kɛ ye.

Kewalilu 20:23

Kɔni n ka mɛn lɔn, wo le ɲin di. N wa se so so ma, Alla la Nii Sɛniman ye a fɔla n yɛ ko mɔɔilu ri n bila kaso la, ko tɔrɔya ye n yɛ.

Kewalilu 20:24

Ni n balora, wo tɛ foyi ri n ɲakɔrɔ. Mɛn tɔnɔ ye n ma, wo le n na baara ri, Maari Isa ka mɛn karifa n na. Fo n ye baara wo le ban ka Alla la kibaro ɲuma lase mɔɔilu ma, kibaro mɛn ye Alla la ɲumaya ko fɔla.