Kewalilu 17:3 - Alla la Kitabu Seniman

³ Pɔli tɛrɛ ye wo kɔrɔ fɔla ii yɛ ka a gbɛ, ko a fɛrɛ tɛ fo Mɔɔ Ɲenematɔmɔnin tɛrɛ ye tɔrɔ ka faa, ka ban ka wuli ka a bɔ saya rɔ. A ka a fɔ ko: «N ye Isa mɛn na ko lasela ai ma ɲi, ale le Mɔɔ Ɲenematɔmɔnin di.»

Kewalilu 17:3 Referans Kwoze

Kewalilu 18:28

A tɛrɛ ye Yahudiyailu la kuma lakadila mɔɔ bɛɛ ɲana, ka a yiraka ii la Alla la kuma rɔ ko Mɔɔ Ɲenematɔmɔnin ye Isa le ri.

Kewalilu 9:22

Kɔni Sawuli tɛrɛ ye mɔɔilu kawandila se mɛn na, do tɛrɛ ye lala wo kan waati bɛɛ. A tɛrɛ ye a yirakala Damasi Yahudiyailu la ka a gbɛ ko Mɔɔ Ɲenematɔmɔnin de Isa ri. Ii ma se a jabila muumɛ.

Luka 24:32

Ii fila ka i ɲɔɔn maɲininka ko: «A ka Alla la kuma fɔ an yɛ sila kan tuma mɛn, an jusu ma bɔ wa?»

Kewalilu 3:18

Kɔni Alla ka a la kuma le dafa wo ɲa ma, a la nabiilu bɛɛ tun ka kuma mɛn fɔ, ko a la Mɔɔ Ɲenematɔmɔnin ri tɔrɔ.

Luka 24:46

A ka a fɔ ii yɛ ikɔ tuun ko: «A sɛbɛni Alla la kuma rɔ ko Mɔɔ Ɲenematɔmɔnin di jakankata ka faa. Kɔni a faa tele sawana, a ri wuli ikɔ tuun.

Kalatikailu 3:1

Ai Kalatikailu, ai ye kɔmɔɔilu ri! Yon de ka ai lafili? Isa Ɲenematɔmɔnin ka saya mɛn kɛ gbɔngbɔn jiri kan, nde ka wo yiraka ai la ka a gbɛ.

Kewalilu 1:4

Lon do rɔ, ka a tɛrɛn a ye dɔɔnninna ii ɲɔɔn fɛ, a ka a fɔ ii yɛ ko: «Ai kana bɔ Jerusalɛmu yan haan n Fa la lahidi ye dafa, n ka mɛn na ko fɔ ai yɛ kɔrɔman. Ai ye wo dafa makɔnɔ so kɔndɔ yan.

Yuhana 20:9

Baa ii tɛrɛ ma sɛbɛli kuma wo ɲayen fɔlɔ, ikomin a tɛrɛ ye sɛbɛni ɲa mɛn dɔ ko Isa ri wuli ka bɔ suilu tɛma.

Luka 24:44

Wo kɔ, a ka a fɔ ii yɛ ko: «Waati taminni, n tɛrɛ ye a fɔla ai yɛ ko fen fen sɛbɛni n na ko rɔ, wo bɛɛ ri dafa. Mɛnilu sɛbɛni Nabi Musa la sariya rɔ, a ni mɛnilu sɛbɛni nabi tɔilu la kuma rɔ, a ni mɛnilu sɛbɛni Jaburi kitabu rɔ, woilu bɛɛ ri dafa fewu.»

Kewalilu 18:5

Nba, Silasi ni Timote nara ka bɔ Masedoni tuma mɛn na, Pɔli ma baara gbɛrɛ si kɛ butun fo ka kawandili kɛ. A tɛrɛ ye sereya bɔla Yahudiyailu yɛ ko Isa ye Mɔɔ Ɲenematɔmɔnin de ri.