Kewalilu 15:2 - Alla la Kitabu Seniman

² Pɔli ni Barinabasi ma sɔn wo kuma ma. Wo le rɔ, mankan ba wulira ii ni mɔɔ woilu tɛma. Ii ka i ɲɔɔn sɔsɔ kosɛbɛ. Wo le kosɔn, lemɛniya mɔɔilu ka Pɔli ni Barinabasi suwandi, ka lemɛniya mɔɔ gbɛrɛilu la ii kan, ka ii bɛɛ lawa Jerusalɛmu. Ko ii ye wa talibidenbailu ni lemɛniya mɔɔilu la ɲɛmɔɔilu tɛrɛn ye, ka ko ɲin ɲafɔ ii yɛ.

Kewalilu 15:2 Referans Kwoze

Kalatikailu 2:5

Kɔni an ma sɔn ii rɔ hali waatini, sa kibaro ɲuma ri to ai jusu rɔ, kibaro ɲuma mɛn ye tuɲa ri.

Kewalilu 15:4

Nba, ii se mɛn kɛni Jerusalɛmu, lemɛniya jamailu ni talibidenbailu ni ɲɛmɔɔilu ka ii ramira koɲuma. Alla tun ka ko mɛnilu kɛ ka fara ii la, ii ka woilu bɛɛ ɲafɔ ye lemɛniya mɔɔilu yɛ.

Kewalilu 11:30

Ii ka wo bɛɛ ladɛn ka a don Barinabasi ni Sawuli bolo, ko ii ye wa a ri Jude lemɛniya mɔɔ mɔɔbakɔrɔilu ma.

Judi 1:3

N kanintenilu, a lɔɔ tɛrɛ ye n na kosɛbɛ n ye ɲin sɛbɛ ai ma ka bɛn an kisi ko ma, kɔni n ka a yen de fo n ye a sɛbɛ le ka bɛn ai fanka don ko ma lemɛniya makaran dɔ Alla ra mɛn karifa a la jama sɛniman ma siɲa kelen haan habadan.

Kewalilu 21:18

Wo duusa gbɛ, Pɔli ni an tɔilu wara Yakuba wara. An ka lemɛniya mɔɔilu la ɲɛmɔɔilu bɛɛ tɛrɛn ye.

Kewalilu 16:4

Wo rɔ, ii bɔra ye ka wa. Talibidenbailu ni ɲɛmɔɔilu bɛnda ko mɛnilu ma Jerusalɛmu, Pɔli ni Silasi tɛrɛ ye taminna woilu lasela lemɛniya mɔɔilu ma so bɛɛ la, ka a fɔ ii yɛ ko ii ye woilu mira.

Kewalilu 15:27

An da Judasi ni Silasi la ii kan. Wo rɔ, an ye mɛn fɔla ai yɛ sɛbɛ ɲin dɔ, ai ri wo kan kelen mɛn woilu fanan da rɔ.

Kewalilu 15:25

Wo le kosɔn andeilu bɛɛ sɔnda ka mɔɔ doilu suwandi ka ii lawa ai ma an diyana duɲɔɔnilu Barinabasi ni Pɔli kɔfɛ.

Kewalilu 11:12

Alla la Nii Sɛniman ka a fɔ n yɛ ko n ye wa ii tɔrɔfɛ, ko n kana sika. Badenma wɔɔrɔ ɲinilu wara n malɔ diya. An seni ye, an donda Kɔrinɛli la bon na.

Kewalilu 10:23

Wo rɔ, Piyɛri ka a fɔ ii yɛ ko ii ye don. A ka jiyabon di ii ma. Duusa gbɛni, a ka a rabɛn ka wa ii kɔfɛ. Jopeka lemɛniya mɔɔ doilu wara a malɔ diya.

Hɔrɔya 18:23

Alla ye i jamarila mɛn na, ni i ka wo kɛ i ri se wo baara la. Mɔɔ bɛɛ la sɔsɔliilu ri ɲanabɔ wo rɔ, ii ri kɔsɛ ii wara jususuma dɔ.»