Kewalilu 1:8 - Alla la Kitabu Seniman

⁸ Kɔni Alla la Nii Sɛniman wa jii ai kan, ai ri sebaya sɔrɔn. Ai ri kɛ n sereilu ri Jerusalɛmu, a ni Jude fan bɛɛ a ni Samari mara fan bɛɛ a ni dunuɲa duukolo fan bɛɛ rɔ.»

Kewalilu 1:8 Referans Kwoze

Matiyu 28:19

Wo le rɔ, ai ye wa mɔɔilu kɛ n na karandenilu ri siyailu bɛɛ tɛma. Ai ye ii sun ji rɔ Fa Alla tɔɔ ni Dencɛ tɔɔ ni Nii Sɛniman tɔɔ rɔ.

Kewalilu 5:32

Andeilu le kɛra ko woilu bɛɛ sereilu ri. Alla ka a la Nii Sɛniman mɛn di a kan mirabailu ma, wo fanan ye wo sere le ri.»

Kewalilu 4:33

Talibidenbailu tɛrɛ ye sereya kɛla sebaya ba la, ka a fɔ mɔɔilu yɛ ko Maari Isa ra wuli ka bɔ saya rɔ. Alla la ɲumaya ba tɛrɛ ye lemɛniya mɔɔilu bɛɛ ka a fɔ kosɛbɛ.

Kewalilu 6:8

Alla la ɲumaya tɛrɛ ye Etiyɛn ka a fɔ kosɛbɛ. Alla la sebaya fanan tɛrɛ ye a fɛ. A ka kabannako ba ni tɔɔmasereilu kɛ mɔɔilu tɛma.

Yuhana 15:27

Aile fanan di kɛ n na sereya ri, baa an da mɛn i ɲɔɔn fɛ kɛbi n na baara damira waati.»

Luka 10:19

A ragbɛ, n da sebaya di ai ma, sa ai ri sailu ni kɔsɔilu radɔn, ka se ai juu Setana ni a fanka bɛɛ la. Foyi ti se ai la.

Kewalilu 1:5

Yaya ka mɔɔilu sun ji rɔ, kɔni a tɛ mɛn bakɛ butun, ai ri sun Alla la Nii Sɛniman na.»

Matiyu 24:14

Kibaro ɲuma mɛn ye Harijeene Mansaya ko fɔla, wo ri kawandi dunuɲa yɔrɔ bɛɛ rɔ, sa siyailu bɛɛ ri a sereya mɛn. Wo kɔ rɔ, dunuɲa laban di se.

Kewalilu 2:32

«Alla ka Isa wo le lawuli ka a bɔ saya rɔ. Andeilu bɛɛ ye sereya le ri.

Kewalilu 22:15

I ri kɛ a sere ri, baa i ka ko mɛnilu yen a ni i ka ko mɛnilu mɛn, i ri woilu lase mɔɔilu bɛɛ ma.

Kewalilu 13:31

A wuli kɔ, a ka a jɛrɛ yiraka a duɲɔɔnilu la, mɛnilu tun nara a fɛ Jerusalɛmu ka bɔ Kalile. Ii ka a yen tele siyaman kɔrɔ. Mɔɔ woilu le a sere ri Isirayɛli mɔɔilu rɔ sisen.

Luka 1:35

Mɛlɛka ka a jabi: «Alla la Nii Sɛniman di jii i ma. Alla Kɔrɔtaninba sebaya ri birin i kun na. Wo bolo ma, i ye dencɛ mɛn sɔrɔnna a ye den sɛniman de ri, a ri kili ko Alla Dencɛ.

Kewalilu 3:15

Mɛn ye ɲenemaya dila, ai ka wo faa. Kɔni Alla ka a lawuli ka a bɔ saya rɔ. An ye wo sereya le ri.

Kɔlɔsikailu 1:23

Kɔni, fɔɔ ai ye to lemɛniya kan fewu, kosa ai kana mataa Kibaro Ɲuma jii la ai ka mɛn mɛn mɛn naseni dalifen bɛɛ ma a ni nde Pɔli kɛni mɛn na baaraden di.

Kewalilu 1:22

kɛbi Isa sun waati ji rɔ Yaya bolo haan a kɔrɔtara waati mɛn na ka yɛlɛ harijeene rɔ, a bɔra an tɛma lon mɛn na. Mɔɔ wo ye kɛ mɔɔ ri an tɛma mɛn di a sereya ko Maari Isa ra wuli ka bɔ saya rɔ.»

Kewalilu 8:1

Sawuli sɔnda Etiyɛn faa ko ma. Wo lon kelen, mɔɔilu wulira ka lemɛniya jama tɔrɔya kojuuya Jerusalɛmu. Wo rɔ, lemɛniya mɔɔilu bɛɛ ka ibori ka wa Jude mara ni Samari mara fan bɛɛ rɔ. Talibidenbailu dɔrɔn de ma bɔ Jerusalɛmu.

Luka 24:29

Kɔni ii ka a madiya kosɛbɛ, ka a fɔ a yɛ ko: «I jaandi, i ye to an fɛ yan. Su kotɔ le, dibi ri don sisen.» Wo rɔ, a ni ii donda so kɔndɔ i ɲɔɔn fɛ.