Kalatikailu 5:13 - Alla la Kitabu Seniman

¹³ N badenmailu, Alla ka ai kili sa ai ri kɛ mɔɔ hɔrɔyanilu ri. Kɔni ai kana hɔrɔya ko wo kɛ sababu ri ka ai faribanku diyana koilu kɛ. Ɛɛn! Ai ye ai ɲɔɔn dɛmɛn, kaninteya kosɔn.

Kalatikailu 5:13 Referans Kwoze

Piyɛri Fɔlɔ 2:16

Ai ye kɛ mɔɔ hɔrɔniilu ri, kɔni ai kana ai la hɔrɔya kɛ kojuu dokon fen di, ai ye kɛ Alla la jɔn ɲumailu ri.

Kalatikailu 5:14

Baa Alla la sariya bɛɛ ye sɔrɔnna ɲin kuma kelen de kɔndɔ ko: «I ye i mɔɔɲɔɔ kanin ikomin i jɛrɛ.»

Efɛsikailu 5:21

Ai ye kolo ai ɲɔɔn ma Ɲenematɔmɔnin ɲakɔrɔsilan dɔ.

Kalatikailu 6:2

Ai ye i ɲɔɔn dɛmɛn ai la doninilu tala sa ai ri Ɲenematɔmɔnin na sariya labato a ɲa ma.

Judi 1:4

Ka a masɔrɔn mɔɔ doilu ra don ai tɛma gbundu rɔ mɛnilu jalaki ko tɛrɛ ra sɛbɛ kɛbi a waati jan. Alla lɔnbaliilu le woilu ri, mɛnilu ye Alla la sɔlini kɛla ko haramuninilu kɛ kun di, ka ii ban Isa Ɲenematɔmɔnin na, an tii kelen pe, an Maari.

Piyɛri Filana 2:19

Ii ye mɔɔilu lahidila hɔrɔya la, adon, ii le jɛrɛ ye kɔsɔ koilu jɔnya rɔ. Ka a masɔrɔn foyi wa se mɔɔ la, a ri kɛ wo jɔn di.

Kewalilu 20:35

N ka a yiraka ai la ɲa bɛɛ ma ko an ka kan ka baara ba kɛ ten de, sa an di se dɛsɛbatɔilu dɛmɛnna, baa Maari Isa ka a fɔ ko: ‹Sɛwa ye sɔli rɔ ka tamin sɔrɔnni kan.› An ye an hankili to kuma wo rɔ.»

Kalatikailu 5:22

Kɔni Nii Sɛniman ye a den mɛn kɛla mɔɔ jusu kɔndɔ, wo le ɲin di: kaninteya ni sɛwa ni jususuma ni muɲunnin ni mɔɔ dɛmɛnnin ni ɲumaya ni lemɛniya

Luka 4:18

«Maari Alla la Nii Sɛniman ye n kan, ka a masɔrɔn a ra nde ɲenematɔmɔn ko n ye wa kibaro ɲuma fɔ fantanilu yɛ. A ra n kelaya ko n ye a lasɛ kasodenilu ma ko ii ra kanhɔrɔya, ko n ye a fɔ ɲa fuyen yɛ ko ii ɲa ri laka. A ka n kelaya ko n ye mɔɔ tɔrɔnilu kanhɔrɔya,

Kalatikailu 4:22

Nba a sɛbɛni ko Iburahima ka dencɛ fila sɔrɔn. Jɔnmuso ka kelen sɔrɔn a yɛ, hɔrɔnmuso ka a tɔ kelen sɔrɔn a yɛ.

Kalatikailu 2:4

Kuma wo kɛra ka a masɔrɔn wuyafɔla doilu tun ka ii jɛrɛ kɛ ikomin lemɛniya mɔɔilu, ka ii dokon ka don an tɛma. Baa Isa Ɲenematɔmɔnin ka an kanhɔrɔya ɲa mɛn ma, ii tɛrɛ ye a fɛ ka wo lakɔrɔsi bundu le rɔ. Ii tɛrɛ ye a fɛ ka an kɛ jɔnilu ri ikɔ tuun.

Kalatikailu 5:1

Ɲenematɔmɔnin ka an hɔrɔya, sa an di kɛ mɔɔ hɔrɔyani jɛrɛ jɛrɛ ri. Wo le rɔ, ai ye ai rajala. Ai kana sɔn mɔɔilu ye ai bila sariya jɔnya rɔ kokura.