Filipikailu 4:6 - Alla la Kitabu Seniman

⁶ Ai kana hamin foyi la, kɔni ai ye ai makoilu fɔ Alla matara diya a ni baraka bila rɔ fen bɛɛ rɔ waati bɛɛ.

Filipikailu 4:6 Referans Kwoze

Piyɛri Fɔlɔ 5:7

Ai ye ai hamin koilu bɛɛ to a ma, ka a masɔrɔn a ri a janto le ai ko.

Matiyu 6:8

Ai kana wo ɲɔɔn kɛ, baa ai mako ye fen fen na, ai Fa Alla ka wo lɔn sani ai ye a tara.

Kɔlɔsikailu 4:2

Ai ye ai raja Alla matara ma, ka a to ai ɲana, ka baraka bila a yɛ.

Efɛsikailu 6:18

Ai ye Alla matara waati bɛɛ Nii Sɛniman baraka rɔ Alla matara su bɛɛ rɔ. Ai to ai ɲana wo rɔ, ka ai tunadiya waati bɛɛ Alla matara ma jama sɛniman bɛɛ la ko rɔ.

Kɔlɔsikailu 3:17

Ai ye mɛn bɛɛ kɛla wala ka a fɔ, ai ye wo bɛɛ kɛ Maari Isa tɔɔ rɔ, ai ye baraka bila Fa Alla yɛ a baraka rɔ.

Luka 18:1

Nba, wo kɔ, Isa ka kuma kɔrɔlama do fɔ ka a la karandenilu karan, ka a masɔrɔn a ye a fɛ ii ye to Alla matara tuma bɛɛ. Ii kana jiitɛɛ ka wo boloka.

Luka 12:22

Wo rɔ, Isa ka a fɔ a la karandenilu yɛ ko: «Nba, n kan de, ai kana hamin ai nii na ai la dunuɲaratɛɛ dɔɔnnin ko rɔ, wala ai la faribanku la feriyabɔ ko rɔ.

Kɔlɔsikailu 3:15

Mɔɔ Ɲenematɔmɔnin na jususuma ye sabati ai jusu rɔ. Baa Alla ka ai kili wo le fɛ, ka ai kɛ faribanku kelen di. Ai ye kɛ waliɲuma lɔnna ri.

Efɛsikailu 5:20

Ai ye baraka bila an Fa Alla yɛ fen bɛɛ la ko rɔ waati bɛɛ an Maari Isa Ɲenematɔmɔnin tɔɔ rɔ.

Luka 10:41

Maari ka a jabi: «Marita, Marita. I haminni ko siyaman na fo ka i jɛrɛ ɲagba.

Luka 18:7

Ni Alla la mɔɔ suwandiniilu ka ii kan nabɔ ale ma ka kiti ɲinin a fɛ su ni tele, a tɛ ii dɛmɛn ka ii la kititɛɛilu ɲanabɔ wa? A tɛ i ban ii rɔ.

Matiyu 10:19

Ii wa ai mira ka wa ai ri kiti diya, ai ka kan ka kuma mɛnilu fɔ ye, a ni ai ka kan ka woilu fɔ ɲa mɛn ma, ai kana hamin woilu la, baa ai ka kan ka mɛn fɔ, Alla jɛrɛ ri wo don ai da rɔ wo waati kelen na.

Luka 12:29

«Ai kana hamin ka a fɔ ko: ‹An di nfen dɔɔn ka nfen min?›

Piyɛri Fɔlɔ 4:7

Koilu bɛɛ laban ra madon. Wo rɔ, ai ye a kɛ hankili la, ka ai jɛrɛ mira kosa ai ye se Alla matarala.

Matiyu 13:22

Si mɛn bera bin wɔninma yɔrɔ rɔ, wo le mɔɔilu mɛn ka Alla la kuma lamɛn, kɔni dunuɲa koilu hamin da don ii jusukun dɔ. Nanfulu lɔɔ ri ii mira ka ii magbɛrɛnkɛ. Ko woilu bɛɛ kosɔn, Alla la kuma ri mabali ii jusukun dɔ, ka kɛ ikomin sɛnɛfen ɲatɔntan, mɛn ma den.

Matiyu 6:34

Ai kana hamin sini koilu la. Ai ye sini koilu to sini yɛ. Mɔɔilu ye tɔrɔya mɛn sɔrɔnna lon kelen kɔrɔ, wo ri lon wo bɔ.»