Filipikailu 3:18 - Alla la Kitabu Seniman

¹⁸ N tɛrɛ ra ɲin fɔ ai yɛ siɲa siyaman, n kasitɔla ye a fɔla ai yɛ sisen fanan. Mɔɔ siyaman taamaɲa ka ii kɛ juuilu ri Ɲenematɔmɔnin na gbɔngbɔn jiri kan.

Filipikailu 3:18 Referans Kwoze

Efɛsikailu 4:17

Nba, n ye lalili kuma ɲin fɔ ai yɛ Maari tɔɔ rɔ: Ai kana taama butun ikomin lemɛniyabaliilu. Ii miriyailu bilani fufafu koilu le kɔfɛ.

Kalatikailu 6:12

Mɔɔ mɛnilu ye a fɛ ka ai diyagboya ko ai ye faaninta kɛ, ii bɛɛ ye a ɲininna ka diya mɔɔilu yɛ tuun, baa ii tɛ a fɛ mɔɔilu ye ii tɔrɔ Ɲenematɔmɔnin faa gbɔngbɔn jiri kan wo kosɔn.

Kalatikailu 2:14

N ka a yen tuma mɛn na ko ii tɛ taamala ka telen kibaro ɲuma sila kan, mɛn ye tuɲa ri, n ka a fɔ Sefasi yɛ ai bɛɛ ɲana ko: «A ye di? Ile mɛn ye Yahudiya ri, ni ile ka Yahudiyailu la landailu bila ka i kɛ ikomin siya gbɛrɛilu, nfen de kosɔn i ye siya gbɛrɛilu diyagboyala ko ii ye Yahudiyailu la landa latelen?»

Kalatikailu 1:7

Kɔni kela gbɛrɛ tɛ wo ri de! Mɔɔ doilu le ye ai kɔndafilila ten. Ii ye a fɛ ka Ɲenematɔmɔnin na kibaro ɲuma yɛlɛman.

Piyɛri Filana 2:10

katarabi wo mɔɔilu ma, mɛnilu bilani ko kɔsɔniilu kɔfɛ, ii faribanku diyana koilu, ka murunti fanka bɛɛ kɔrɔ. Wuya karanmɔɔ ɲinilu wakalini, ii wasoni. Ii tɛ silanna gbiliya tiilu lafɛya la.

Filipikailu 1:4

N ye Alla matarala ai yɛ sɛwa le rɔ waati bɛɛ,

Kalatikailu 5:21

ni nata ni dɔlɔmin ni manamana ko dan natamin mɔɔilu, a ni wo ɲɔɔn gbɛrɛ. N ye ai lalɔninna sisen ikomin n ka ai lalɔnin ɲa mɛn fɔlɔ ko mɔɔ mɛnilu ye ko su woilu kɛla, woilu tɛ niiyɔrɔ sɔrɔn Alla la Mansaya rɔ.

Kalatikailu 2:21

N ti sɔn ka n ban Alla la ɲumaya rɔ. Baa ni mɔɔ ri se kɛla mɔɔ telenni ri ka fara sariya labatoli la, Ɲenematɔmɔnin sani le wo rɔ gbansan!

Luka 19:41

Isa nara ka a ɲa la Jerusalɛmu kan tuma mɛn, a kasira a la ko la.

Judi 1:13

Ii kɛni le ikomin ji wunwannailu, ii ye malobaliya koilu lajɛnsɛnna ikomin kɔɔji kanfa, ikomin lolo tununnin mɛnilu ye wala sunna habadan mɛn lamarani dun dibi ba rɔ.

Kewalilu 20:19

Yahudiyailu ka janfailu don n ma ka n tɔrɔ kosɛbɛ fo ka n kasi. N ka wo bɛɛ muɲun ka n fanmajii ka baara kɛ Maari yɛ.

Kalatikailu 6:14

Nde kɔni, n tɛna n jɛrɛbonyala ko si ma, fo an na Maari Isa Ɲenematɔmɔnin faa ko gbɔngbɔn jiri kan. A la saya kosɔn gbɔngbɔn jiri wo kan, dunuɲa koilu ye n ɲana ikomin fen mɛnilu faani. N fanan ye dunuɲa ɲana ikomin fen mɛn faani.