Filipikailu 2:1 - Alla la Kitabu Seniman

¹ Wo rɔ, ni Ɲenematɔmɔnin ye fanka si dila ai ma, wala ni a la kaninteya ye masabarili si dila ai ma, wala ni bɛn si ye ai ni Alla la Nii Sɛniman tɛma, wala ni kaninteya ni kininkinin si ye ai rɔ,

Filipikailu 2:1 Referans Kwoze

Kɔlɔsikailu 3:12

Wo le rɔ, baa Alla ra ai ɲenematɔmɔn, ka ai kɛ a diyana jama sɛniman di, ai ye kininkinin ni juumaya ni fanmajii ni jusu ɲumaya ni sabari ta.

Yuhana Fɔlɔ 4:12

Mɔɔ si ma Alla yen a ɲa la fɔlɔ. Kɔni ni an ka an ɲɔɔn kanin, wo ye a yirakala ko Alla sidini ye tola an ma. Ka a la wo kan, Alla ye an fɛ, a la kanintɛya dafani an dɔ.

Kɔlɔsikailu 2:2

N di kɛlɛ kɛ ii yɛ kosa ii jusu ye sɛɛbɛ don, ka kɛ faribanku kelen di kaninteya rɔ, ka lɔnnin dafani sɔrɔn hankilimaya rɔ kosa ii ye Alla la gbundu ko lɔn, Mɔɔ Ɲenematɔmɔnin,

Kalatikailu 5:22

Kɔni Nii Sɛniman ye a den mɛn kɛla mɔɔ jusu kɔndɔ, wo le ɲin di: kaninteya ni sɛwa ni jususuma ni muɲunnin ni mɔɔ dɛmɛnnin ni ɲumaya ni lemɛniya

Kalatikailu 4:6

Ɔɔn, ikomin ai ye Alla denilu ri, a ka a Dencɛ Nii nana an ma. Nii Sɛniman wo ye a kɛla, an ye Alla kilila ko: «an Baba, an Fa!»

Kewalilu 4:32

Lemɛniya mɔɔilu bɛɛ bɛnni tɛrɛ ko kelen ma. Ii jusu fanan tɛrɛ kelen de ri. Wo rɔ, mɔɔ si tun tɛ a bolofenilu kɛla a kelen ta ri. Ii tɛrɛ ye ii bolofenilu bɛɛ ratala ii ni i ɲɔɔn tɛ.

Yuhana Fɔlɔ 3:24

Mɔɔ mɛn ye Alla la jamariliilu labatola, wo tii sidini ye tola Alla ma. Alla fanan sidini ye tola wo tii ma. An ka a lɔn ɲa mɛn ma ko a sidini ye tola an ma, wo le ɲin: an ye wo lɔnna Nii Sɛniman de sababu la, a ka mɛn di an ma.

Yuhana 17:13

Sisen, n natɔ i ma; n ye kumala dunuɲa rɔ, sani n na sɛwa ba ɲɔɔn di kɛ ii la fɔɔ ka kɛ sɛwa dafani ri.

Yuhana Fɔlɔ 4:16

An ka a lɔn ko Alla ye an kaninna. An da an na lemɛniya la wo kan. Alla ye a la ko bɛɛ kɛla kaninteya le la. Mɔɔ mɛn ye kaninteya sila taamala, wo tii sidini ye tola Alla ma. Alla sidini ye tola wo tii ma fanan.

Filipikailu 3:3

Adon, andeilu le ra faaninta bɛrɛ kɛ, andeilu mɛnilu ye Alla batola a la Nii Sɛniman baraka rɔ, andeilu mɛnilu ye an wasola Ɲenematɔmɔnin Isa la ko rɔ, andeilu mɛnilu lani tɛ an jɛrɛ faribanku la.

Kewalilu 2:46

Lon lon, ii tora ii ladɛnna Allabatobonba jin kɔndɔ. Ii la miriya tɛrɛ ye ikomin mɔɔ kelen ta. Ii tɛrɛ ye buru latalanna ii ɲɔɔnna ii la bonilu la. Ii ka dɔɔnnin kɛ, ka i ɲɔɔn sɔ kosɛbɛ. Ii ka wo bɛɛ kɛ jusu lasɛwa ba a ni jusu lagbɛ rɔ.

Piyɛri Fɔlɔ 1:2

Ai suwandini le ikomin An Fa Alla hankili tɛrɛ a ma ɲa mɛn ma. A ra ai lasɛninya a la Nii Sɛniman baraka rɔ kosa ai ye kolo Isa Ɲenematɔmɔnin ma, a jeli ye sadisadi ai ma ai lasɛninya kɔrɔ. Alla ye sɔlini ni jususuma sabati ai rɔ!

Filipikailu 1:8

Alla le n sere ri ko ai la lɔɔ ye n na kaninteya bɛrɛ rɔ mɛn bɔni Isa Ɲenematɔmɔnin jɛrɛ rɔ.

Efɛsikailu 4:4

Lemɛniya jama kɛnin de ikomin faribanku kelen. Nii Sɛniman kelen de ye ikomin ai kilinin jii kelen ma ɲa mɛn ma.

Yuhana 14:27

«N ye jususuma dila ai ma. Jususuma mɛn ye n na, n ye wo ɲɔɔn dila ai ma. N tɛ ai dila ikomin dunuɲa ye a dila ɲa mɛn ma. Ai jusu kana yɛrɛyɛrɛ, ai jusu kana bɔ ka silan.

Yuhana 14:18

«N ti ai bilala ikomin faratanin, kɔni n di n kɔsɛ ai ma.

Luka 2:25

Wo tuma, cɛɛ do tɛrɛ ye Jerusalɛmu ye, mɛn tɔɔ ko Simeyɔn. Mɔɔ ɲuma le tɛrɛ; a silanni Alla yɛ a ɲa jɛrɛ jɛrɛ ma. Alla tun ka kisiba lahidi mɛn ta Isirayɛlikailu yɛ, Simeyɔn tɛrɛ ye wo dafa makɔnɔla. Alla la Nii Sɛniman tɛrɛ ye Simeyɔn kan.