6 Wo duu sa gbɛ, Allabatala ka a kɛ ikomin a tun ka a fɔ ɲa mɛn ma. Misirankailu la kolofenilu bɛɛ faara, kɔni foyi ma faa Isirayɛlika la kolofenilu rɔ.
Sancikoloilu ka mɔɔilu ni kolofenilu halaki Misiran jamana fan bɛɛ rɔ, mɔɔ ni kolofen mɛnilu tora gbɛ ma sɛnɛilu rɔ kɔnin. A ka sɛnɛfenilu bɛɛ tiɲan fanan, ka jiriilu bɛɛ kadi kadi.
Musa ka a fɔ ko: «Wo ti se kɛla, baa an di saraka mɛnilu bɔ an Maari Allabatala yɛ, saraka woilu ye Misirankailu tana le ri. Fen mɛn ye ii tana do ri, ni an ka wo kɛ saraka di ii ɲana, ii ti an mabon kaba la wa?
Nba, duu talaman, Allabatala ka dencɛ fɔlɔilu bɛɛ faa Misiran jamana rɔ. Ka a damira Ferawuna jɛrɛ dencɛ fɔlɔ ma ka wa se fɔɔ kasodenilu dencɛ fɔlɔ ma, dencɛ fɔlɔ bɛɛ faara. Kolofenilu den fɔlɔ cɛmanilu bɛɛ faara fanan.
«‹Baa n di tamin Misiran jamana yɔrɔ bɛɛ rɔ su wo jɛrɛ rɔ ka Misiran jamana dencɛ fɔlɔilu ni kolofen den cɛmanta fɔlɔilu bɛɛ faa. N di jahadi la Misirankailu la batofenilu bɛɛ kan. Allabatala le nde ri.