Hɔrɔya 6:9 - Alla la Kitabu Seniman

⁹ Nba, Musa wara kuma wo fɔ Isirayɛlika yɛ, kɔni woilu jiitɛɛni tɛrɛ kojuuya ii la jɔnya gbɛlɛnya bolo ma. Wo rɔ, ii ma sɔn lala a la kumakan na.

Hɔrɔya 6:9 Referans Kwoze

Hɔrɔya 5:21

Ii ka a fɔ Musa ni Haruna yɛ ko: «Ai ka ko mɛn kɛ, Allabatala ye wo ragbɛ ka wo hakɛ bɔ ai rɔ. Ai ra an magboya Ferawuna ni a la mɔɔilu ɲakɔrɔ. A kɛni ikomin ai ka fan de di Ferawuna ma ko a ye an faa fanmuru la.»

Hɔrɔya 14:12

Ka an to Misiran, an ma a fɔ i yɛ ba ko ni an bɔra ye, ko su ɲin di an sɔrɔn? An ka a fɔ i yɛ ko i ye an to ten, ko an di to Misiran ye ka kɛ Misirankailu la jɔnilu ri, baa jɔnya wo ka fisa an na saya ri wula kɔndɔ yan.»

Hɔrɔya 1:14

Ii ka ii tɔrɔ fɔɔ ka a dan natamin, ka ii bila baara gbɛlɛn bailu la. Ii ka ii lɔ diyagboya biriki gbasila, a ni bɔɔ bɔrɔnna, ka ii lɔ diyagboya sɛnɛ baara su bɛɛ kɛla. Ii ka ii lɔ diyagboya baara mɛnilu kɛla, woilu bɛɛ kɛra baara gbɛlɛn de ri.

Hɔrɔya 2:23

Nba, san siyaman taminni kɔ rɔ, Misiran mansa wo sara. Isirayɛlika tɛrɛ ye ii kule kan nabɔla fɔlɔ, baa jɔnya baara tun da ii sɛɛ fɔɔ ka a dan natamin. Ii tɛrɛ ye ii makasila Alla yɛ ko a ye ii dɛmɛn.

Hɔrɔya 6:10

Awa, Allabatala ka a fɔ Musa yɛ ikɔ tuun ko: