Allabatala ka a fɔ ko: «N di tamin i ɲakɔrɔ ka n na ɲumaya yiraka i la, ka n tɔɔ fɔ i yɛ ko Allabatala. N ye a fɛ ka ɲumaya kɛ mɔɔ mɛn yɛ, n di ɲumaya kɛ wo yɛ. N ye a fɛ ka hina mɔɔ mɛn na, n di hina wo la.
Sinayi koyinkɛ fan bɛɛ kɛra sisi ri, baa Allabatala tun ni ta le jiira i ɲɔɔn fɛ koyinkɛ kun tɛma. Sisi ba tɛrɛ ye yɛlɛla ikomin fuuru. Koyinkɛ yɔrɔ bɛɛ yɛrɛyɛrɛra kojuuya.
Allabatala ka a fɔ Musa yɛ ko: «N di na i ma banda do rɔ, sa n wa kuma i yɛ tuma mɛn na, mɔɔilu ri n kumakan mɛn ka la i la tuma bɛɛ.» Jama tun ka mɛn fɔ, Musa ka wo dantɛɛ Allabatala yɛ.
Ai ye ai tolo malɔ mɛlɛka wo la ka a kumakan mira ka wo kɛ, baa a ye ko bɛɛ kɛla n tɔɔ le rɔ. Ai kana a masɔsɔ. Ni ai ka a sɔsɔ a ti nala yafala ai ma.