Hɔrɔya 32:13 - Alla la Kitabu Seniman

¹³ I ye i hankili to i la jɔnilu rɔ, an benbailu Iburahima ni Isiyaka ni Isirayɛli kɔnin. I ka i kali i jɛrɛ tɔɔ rɔ woilu yɛ ko i ri ii bɔnsɔnilu siyaya ikomin sankolo loloilu. Ko i ri jamana di ii bɔnsɔn woilu ma ka a kɛ ii cɛ ri kadawu.»

Hɔrɔya 32:13 Referans Kwoze

A Damira 22:16

ka a fɔ a yɛ ko: «Allabatala ka a fɔ ko: ‹I ma i ban i dencɛ kelen pe faala ka a kɛ saraka ri ka a di n ma. Ikomin i ra wo kɛ, n da n kali n jɛrɛ tɔɔ la, ko

A Damira 12:7

Awa Allabatala ka a jɛrɛ yiraka Iburama la, ka a fɔ a yɛ ko: «N di duu ɲin bɛɛ di i bɔnsɔn ma.» Wo le rɔ, Iburama ka saraka janin diya lɔ Allabatala bato kanma, Allabatala mɛn ka a jɛrɛ yiraka a la.

A Damira 15:5

Allabatala ka Iburama labɔ kɛnɛma ka a fɔ a yɛ ko: «Iburama, i ɲa lɔ san dɔ, ka lolo bɛɛ jate, ni i ri se wo dan lɔnna.» Allabatala ka a fɔ ko: «Loloilu siyaman ɲa mɛn ma, i bɔnsɔn di siyaya wo ɲa.»

A Damira 15:18

Wo lon jɛrɛ rɔ, teriya donda Allabatala ni Iburama tɛma. A ka a fɔ a yɛ ko: «N di duu ɲin di i bɔnsɔn ma, ka bɔ Misiran Ba ma, ka wa haan ba belebele ba ma, mɛn ye Efirati Ba ri kɔnin.

A Damira 48:16

Alla mɛn nara n ma ikomin mɛlɛka, ka n kisi kojuu bɛɛ ma, Wo ye ɲumaya kɛ den ɲinilu yɛ. Denilu sababu la n tɔɔ kana tunun, A ni n benba Iburahima tɔɔ ni n fa Isiyaka tɔɔ. Ka ii bɔnsɔn siyaya a ɲa jɛrɛ jɛrɛ ma duukolo kan, Alla ma wo kɛra.»

A Damira 15:7

Allabatala ka a fɔ a yɛ ko: «Nde le Allabatala ri, mɛn ka lɔ i ɲɔrɔ ka i labɔ Uri so kɔndɔ Kalide jamana rɔ. N ka i lana yan de, ka jamana ɲin di i ma ka a kɛ i cɛtala ri.»

A Damira 12:2

N di i bɔnsɔn kɛ jamana ba ri ye. N di baraka don i rɔ, ka i tɔɔ bonya. Mɔɔilu ri baraka sɔrɔn i la sababu rɔ.

A Damira 17:8

I ye londanya la jamana mɛn dɔ bi, n di jamana wo di ile ni i bɔnsɔn bɛɛ ma. Kanaan jamana wo ri kɛ ile ni i bɔnsɔn ta ri habadan. N di kɛ i bɔnsɔn na Maari Alla ri.»

A Damira 24:7

Allabatala Alla, mɛn ye sankolo tii ri, wo ka n nabɔ n fa so la, ka n nabɔ n sɔrɔn jamana rɔ. A kumara ka a kali n yɛ ko a ri jamana ɲin di n bɔnsɔn ma. Ale le jɛrɛ kɛtɔ a la mɛlɛka bilala i ɲɛ ka wa n fa jamana rɔ, sa i ri muso do sɔrɔn n dencɛ yɛ ye.

Hɔrɔya 13:5

Allabatala ka a kali ai benbailu yɛ ale jɛrɛ tɔɔ la ko a ri jamana do di ii ma, dɔɔnninta duman ye bɔla jamana wo rɔ a ɲa jɛrɛ jɛrɛ ma, li ni nɔnɔ a bɛɛ ye bɔla ye. Kanaankailu siini jamana wo kɔndɔ, a ni Hɛtikailu ni Amɔrikailu ni Hifikailu ni Jebusikailu. Allabatala wa ai ladon ye tuma mɛn na, karo ɲin ɲɔɔn wa se san san ai ye sali ɲin kɛ.

Hɔrɔya 13:11

Musa ka a fɔ Isirayɛlikailu yɛ ikɔ tuun ko: «Allabatala ka a kali ai benbailu yɛ ko a ri ai ladon Kanaan na duu kɔndɔ. A wa jamana wo kɛ ai ta ri tuma mɛn na,

Hɔrɔya 33:1

Allabatala ka a fɔ Musa yɛ ko: «I ye wuli ka bɔ yan, i ni jama mɛn nara i bolo ka bɔ Misiran. N ka n kali Iburahima ni Isiyaka ni Yakuba yɛ ko n di jamana mɛn di ii bɔnsɔnilu ma, i ye wa ye.

A Damira 22:17

i ri baraka. N di i bɔnsɔn siyaya ikomin lolo ye sankolo rɔ ɲa mɛn ma, wala kɔɔji da la kiɲɛ siyaman yɛ ɲa mɛn dɔ. I bɔnsɔn di se ii juuilu la, fɔɔ ka woilu la soilu mira ii la.