Hɔrɔya 23:12 - Alla la Kitabu Seniman

¹² «Baara kɛta mɛn wa kɛ ai ma, ai ye wo kɛ tele wɔɔrɔ kɔrɔ. Kɔni tele wɔrɔnwulana lon, ai kana baara si kɛ. Wo rɔ, ai la nisi ni ai la faliilu ri ii ɲɔɲɔ, a ni i la jɔnmuso la dencɛ ni londan mɛnilu siini ai wara.

Hɔrɔya 23:12 Referans Kwoze

Luka 13:14

Kɔni salibon kuntii ka wo bɛɛ lakɔrɔsi ka diminya. A monɛra Isa ma ka a masɔrɔn a ka lakɛndɛyali kɛ Ɲɔɲɔ lon. Kuntii wulira ka a fɔ jama yɛ ko: «Tele wɔɔrɔ ye an bolo ka baara kɛ. Ai ye na kɛndɛya ɲinin tele wɔɔrɔ wo kɔrɔ. Ai kana na Ɲɔɲɔ lon fewu!»

Hɔrɔya 35:3

Hali ka ta ladɛn ai la bon do kɔndɔ Ɲɔɲɔ lon, ai kana wo kɛ.»

Hɔrɔya 34:21

Ai ye baara kɛ tele wɔɔrɔ kɔrɔ, kɔni tele wɔrɔnwulana lon, ai ye baara lalɔ ka i ɲɔɲɔ. Hali sɛnɛkɛ waati ni sumanka waati, ni tele wɔrɔnwulana lon sera, ai ye baara lalɔ ka i ɲɔɲɔ.

Hɔrɔya 16:23

Musa ka ii jabi: «Allabatala ka wo le fɔ. Sini, ai ye baara bila fewu. Ɲɔɲɔ lon de wo ri, mɛn bilani a dan na Allabatala yɛ. Ni ai ye a fɛ ka dɔɔnninfen mɛn wusu, ai ye woilu wusu bi. Ni ai ye a fɛ ka mɛn tibi, ai ye woilu tibi bi. Ai ye bi ta bɔ a la ka a tɔ kɛ sinin ta a ri.»

Hɔrɔya 23:11

Kɔni a san wɔrɔnwulana, ai ye ai la duu wo to ye, ai kana a sɛnɛ. Bolokolon mɛnilu ye ai tɛma, woilu ri balo do sɔrɔn ye, baa suman doilu ri fɛrɛn a jɛrɛ ma. Bolokolonilu fanan wa mɛn to ye, waa rɔ soboilu ri wo dɔɔn. Ai ye wo ɲɔɔn kɛ ai la rɛsɛnfɛilu fanan dɔ, a ni ai la olibiye fɛilu rɔ.

Hɔrɔya 35:2

Ai ye baara kɛ tele wɔɔrɔ kɔrɔ, kɔni tele wɔrɔnwulana lon ye kɛ ai yɛ lon sɛniman di. Ɲɔɲɔ lon de wo ri, mɛn bilani a dan na Allabatala bonya kanma. Ni mɔɔ mɛn ka baara kɛ wo lon, ai ye wo tii faa.