Hɔrɔya 2:11 - Alla la Kitabu Seniman

¹¹ Nba, Musa kunbayara. Lon do rɔ, a wara bɔ a badenma Heburuilu fɛ. A ka a yen ko Misirankailu tɛrɛ ye ii diyagboyala baara gbɛlɛnilu la. A ka Misiranka cɛɛ do yen Heburu cɛɛ do gbasila, mɛn ye Musa badenma do ri.

Hɔrɔya 2:11 Referans Kwoze

Hɔrɔya 1:11

Wo le rɔ, ii ka baara kuntiilu lasii Isirayɛlika kun na, ka ii tɔrɔ baara gbɛlɛn na. Wo bolo ma, Isirayɛlika ka Pitɔn so ni Ramɛsisi so lɔ. So woilu kɛra Ferawuna la fen namara dinkirailu ri.

Luka 4:18

«Maari Alla la Nii Sɛniman ye n kan, ka a masɔrɔn a ra nde ɲenematɔmɔn ko n ye wa kibaro ɲuma fɔ fantanilu yɛ. A ra n kelaya ko n ye a lasɛ kasodenilu ma ko ii ra kanhɔrɔya, ko n ye a fɔ ɲa fuyen yɛ ko ii ɲa ri laka. A ka n kelaya ko n ye mɔɔ tɔrɔnilu kanhɔrɔya,

Matiyu 11:28

«Ai mɛnilu sɛɛni ai la donin ba kɔrɔ, ai ye na n ma. N di lafɔɲɔ di ai ma.

Hɔrɔya 3:7

Allabatala ka a fɔ ko: «Misirankailu ye n na mɔɔilu tɔrɔla ɲa mɛn ma Misiran, n da wo yen. Ii la baara kuntiilu ye mɛn kɛla ii la, n da wo fanan yen ka ii kasi kan mɛn. N ka ii la tɔrɔya lɔn.

Hɔrɔya 5:14

Ferawuna la baara kuntiilu wulira ka baara Isirayɛlika kɔrɔsibailu gbasi, baara kuntiilu tun ka Isirayɛlika mɛnilu lasii mɔɔ tɔilu kun na baara kɔrɔsi kanma kɔnin. Baara kuntiilu ka a fɔ ii yɛ ko: «Ai darini tɛrɛ biriki jate mɛn gbasila, nfenna ai ma wo ɲɔɔn jate gbasi kunun ni bi?»

Hɔrɔya 5:9

Ai ye baarala siyaya ii ma, ka ii ɲagba kosɛbɛ. Wo wa kɛ, ii tɛ ii tolo malɔ wuyafɔla kuma la butun.»

Hɔrɔya 5:4

Ferawuna ka a fɔ ko: «Ai, Musa ni Haruna, nfenna ai ye mɔɔilu labanna ii la baara ma? Ai ye i kɔsɛ baara diya!

Hɔrɔya 5:5

Heburuilu ra siyaya bakɛ sisen jamana kɔndɔ yan. Nfenna ai ye ii la baara lalɔla?»

Hɔrɔya 6:6

«Wo le rɔ, i ye wa a fɔ Isirayɛlika yɛ ko: ‹Nde le Allabatala ri. Misirankailu ra diyagboya baara mɛn la ai kan, ko n kɛtɔ ai bɔla wo rɔ. Ko n di ai labɔ Misirankailu bolo, sa ai kana to woilu la jɔnya wo rɔ butun. Ko n di ai kunka n na sebaya ba la, ka Misirankailu la kɛwaliilu hakɛ bɔ ii rɔ.

Hɔrɔya 6:7

Ko n di Isirayɛlika kɛ n na mɔɔilu ri. Ko n di kɛ ai Maari Alla ri. Ko ai ri a lɔn ko n ye ai Maari Allabatala de ri, mɛn ye ai labɔla diyagboya baara rɔ Misirankailu bolo.