Hɔrɔya 18:4 - Alla la Kitabu Seniman

⁴ A ka dencɛ do fanan tɔɔ la ko Eliyɛsɛri, baa a ka a fɔ ko: «N fa Maari Alla ra n dɛmɛn ka n bɔ Ferawuna bolo, mɛn tɛrɛ ye fɛrɛ ɲininna n ma ka n faa fanmuru la.»

Hɔrɔya 18:4 Referans Kwoze

Kewalilu 12:11

Mɛlɛka wani kɔ, Piyɛri hankili sɛra a ma. A ka a fɔ ko: «N da a lɔn sisen ko Maari le ka a la mɛlɛka lana n ma. A ra n bɔ Herodi bolo, ka n kisi kojuu bɛɛ ma, Yahudiyailu tɛrɛ ye a fɛ ka mɛn kɛ n na kɔnin.»

Hɔrɔya 2:15

Musa la mɔɔfaa ko fɔra Ferawuna yɛ tuma mɛn na, a tɛrɛ ye Musa ɲininna fɔɔ ka a faa, kɔni Musa ka i bori a kɔrɔ ka wa Madiyan bɔnsɔn na jamana rɔ. A se mɛn kɛni ye, a ka a sii kɔlɔn do tɔrɔfɛ ye.

Kewalilu 7:29

Musa ka wo mɛn tuma mɛn na, a ka ibori ka wa a sii londanya rɔ Madiyana jamana rɔ. A mɛnda ye ka dencɛ fila sɔrɔn.

A Damira 49:25

I fa Maari ye i dɛmɛnna. Alla Sebɛɛtii ye ɲumaya kɛla i yɛ. A ri fen ɲumailu di i ma ka bɔ san ma. A ri ji di i ma ka bɔ duu kɔrɔ. A ri i denilu ni i la kolofenilu siyaya.

Hɔrɔya 2:22

Sefora ka kɔnɔ ta ka dencɛ sɔrɔn Musa yɛ. Musa ka den tɔɔ la ko Kerisɔn, baa a ka a fɔ ko a ye londan de ri jamana wo rɔ.

Hɔrɔya 4:20

Wo rɔ, Musa ka a muso ni a dencɛilu ta, ka ii layɛlɛ fali do kan, ka Misiran sila mira. Alla la gbeleke tɛrɛ ye a bolo.

Hɔrɔya 10:28

Ferawuna ka a fɔ Musa yɛ ko: «Bɔ n ɲakɔrɔ! I kana i lɔ n ɲakɔrɔ butun. I wa na i lɔ n ɲakɔrɔ lon lon, i ri faa wo lon!»