Hɔrɔya 14:4 - Alla la Kitabu Seniman

⁴ N di a kɛ Ferawuna jusu ri a ragbɛlɛya. A ri wuli wo rɔ ka ii kɔsaran, kɔni n di se Ferawuna ni a la kɛlɛdenilu la. Mɔɔilu ri n tando wo rɔ. N wa se woilu la, Misirankailu ri a lɔn ko nde le Allabatala ri.» Isirayɛlikailu ka a kɛ ikomin Allabatala ka a fɔ ii yɛ ɲa mɛn ma.

Hɔrɔya 14:4 Referans Kwoze

Hɔrɔya 7:5

N wa n wuli Misirankailu kanma ka n na sebaya yiraka ii la, ka ban ka Isirayɛlika labɔ ii tɛma, Misirankailu ri a lɔn ko nde le ye Allabatala ri.»

Hɔrɔya 7:3

kɔni nde le a kɛla Ferawuna jusu ri a ragbɛlɛya. N di n na tɔɔmasere ni kabannakoilu siyaya Misiran jamana rɔ.

Hɔrɔya 9:16

Ko kɔni n da i kɛndɛ to kosa n di n na sebaya yiraka i la. Ko ka a la wo kan, ko n da i kɛndɛ to sa n tɔɔ ri bonya dunuɲa fan bɛɛ rɔ fanan.

Hɔrɔya 7:17

Ko Allabatala ka a fɔ ko: «I ye i ɲa lɔ! Ko n di Nili Ba ji gbasi n na gbeleke la, gbeleke mɛn ye n bolo. Ko ba ri yɛlɛman ka kɛ jeli ri wo rɔ. Ko jɛɛ mɛnilu ye ba ji rɔ, ko woilu ri faa. Ko ba ri toli ka a suma bɔ. Ko Misirankailu ti nala sela Nili Ba ji minna. Ko ka a la wo kan, ko ale Ferawuna ri a lɔn ko nde le Allabatala ri.»›»

Hɔrɔya 18:11

N ka a lɔn sisen ko Allabatala ka bon batofen tɔilu bɛɛ ri, baa Misirankailu tɛrɛ jɛrɛdabayani Isirayɛlikailu ma; wo le kosɔn Alla ka Misirankailu halaki.»

Hɔrɔya 14:8

Allabatala ka a kɛ Ferawuna jusu a ragbɛlɛyanin de tɛrɛ. Wo rɔ, a ka Isirayɛlikailu kɔsaran. Wo tuma, ii ye bɔla Misiran jusulatɛɛ rɔ.

Hɔrɔya 10:27

Allabatala kɔnin ka a kɛ Ferawuna jusu a ragbɛlɛyanin de tɛrɛ. Ferawuna ma sɔn ka Isirayɛlika bila, sa ii ri wa.

Hɔrɔya 14:3

Ni ii ka wo kɛ, Ferawuna ri a fɔ ko: ‹Ii ra kɔndafili wula kɔndɔ, wadiya tɛ ii la wo kɔ.›

Hɔrɔya 14:5

Awa, a fɔra Ferawuna yɛ tuma mɛn na ko Isirayɛlikailu ra wa, a ni a la ɲɛmɔɔilu miriya yɛlɛmanda. Ii ka a fɔ i ɲɔɔn yɛ ko: «An da nfen de kɛ ɲin di? Nfenna an sɔnda ii ye wa? Ii tɛ an bolo jɔnya la butun wo rɔ.»

Hɔrɔya 14:23

Misirankailu ka ii kɔsaran. Ferawuna a la sofadenilu ni a la sowontoroilu bɛɛ donda kɔɔji tɛfaranin tɛma ka wa Isirayɛlikailu kɔ.

Hɔrɔya 14:25

A ka ii la sowontoroilu sen bɔla. Ii wa ko gbɛlɛyara wo rɔ. Misirankailu ka wo yen tuma mɛn na, ii ka a fɔ i ɲɔɔn yɛ ko: «Allabatala ye an kɛlɛla Isirayɛlikailu yɛ. An ye an bori ka an bɔ yan, an ye ii to ye.»

Hɔrɔya 6:7

Ko n di Isirayɛlika kɛ n na mɔɔilu ri. Ko n di kɛ ai Maari Alla ri. Ko ai ri a lɔn ko n ye ai Maari Allabatala de ri, mɛn ye ai labɔla diyagboya baara rɔ Misirankailu bolo.

Hɔrɔya 10:2

Ka a la wo kan, nde le ka wo kɛ sa ai ri a fɔ ai denilu ni ai mamarenilu yɛ n ka tɔɔmasere kabannako mɛnilu kɛ Misirankailu tɛma ka ii dɔɔya ɲa mɛn ma. Ai bɛɛ ri a lɔn ko Allabatala le nde ri.»

Hɔrɔya 12:28

Wo kɔ rɔ, ii bɔra ye ka wa a kɛ ikomin Allabatala tun ka a fɔ Musa ni Haruna yɛ ɲa mɛn ma.

Yosuwe 11:20

baa Allabatala le ka a kɛ so woilu mɔɔilu kun gbɛlɛyara, fo ii ka Isirayɛlikailu kɛlɛ. Allabatala ka wo kɛ le sa Isirayɛlikailu ri ii halaki fewu ka ii bɛɛ faa hinabaliya rɔ ikomin a tun ka a fɔ Musa yɛ ɲa mɛn ma.