Hɔrɔya 13:16 - Alla la Kitabu Seniman

¹⁶ Musa ka a fɔ ii yɛ ikɔ tuun ko: «Sali ɲin ye tɔɔmasere le ri, ikomin mɔɔ ye mɛn bilala a bolo la a ni a tin na sa a kana ɲina. Sali ɲin sababu la, an tɛ ɲinala ko Allabatala ka an nabɔ Misiran jamana rɔ a la sebaya bolo la.»

Hɔrɔya 13:16 Referans Kwoze

Hɔrɔya 13:9

A ri kɛ i la tɔɔmasere ri ikomin bololafen mɛn bilani i bolo la wala mɛn sidinin i tin na ka kɛ hankili bila fen di, ka ban ka Allabatala a la sariya kuma a ye to i da rɔ waati bɛɛ, ka a masɔrɔn Allabatala ka i labɔ Misiran a la sebaya bolo la.

Hɔrɔya 13:14

«Ai dencɛilu ri ai maɲininka lon do rɔ ko ai ye ko mɛn kɛla ɲin, ko wo kɛ kun a ye nfen di? Ii wa ai maɲininka wo ma, ai ye a fɔ ii yɛ ko: ‹Allabatala ka an nabɔ jɔnya rɔ Misiran jamana rɔ a la sebaya bolo la.

Matiyu 23:5

Wo rɔ, ii ye ko bɛɛ kɛla kosa mɔɔilu ye ii yen. Ka a masɔrɔn, ii ye Kitabu kumailu sɛbɛla, ii ye ii sidila ii tindailu la a ni ii boloilu la haan a bonyara ka dan natamin, ka ii la durukiilu masidini julu denni janilu la.

Hɔrɔya 12:13

Kɔni jeli mɛn susani bondailu la, wo ri kɛ tɔɔmasere ri ka a yiraka n na ko ai ye bon woilu le kɔndɔ. N wa jeli wo yen, n di tamin ai kun na. Wo rɔ, ka n to Misirankailu gbasila, kojuu si ti nala sela ai ma.

Kewalilu 13:17

Isirayɛlikailu Maari Alla le ka an benbailu suwandi. A ka ii siyaya ii la londanya waati rɔ Misiran jamana rɔ, ka ban ka ii labɔ jamana wo rɔ a la sebaya la.

Hɔrɔya 6:1

Allabatala ka a fɔ Musa yɛ ko: «N kɛtɔ mɛn kɛla Ferawuna la, i jɛrɛ ri wo yen i ɲa la sisen. N di a diyagboya n na sebaya a la fɔɔ a ri Isirayɛlika bila. Ɔɔn, n di a diyagboya n na sebaya a la fɔɔ a ri ii gbɛn ka ii labɔ a la jamana kɔndɔ.»

Hɔrɔya 6:6

«Wo le rɔ, i ye wa a fɔ Isirayɛlika yɛ ko: ‹Nde le Allabatala ri. Misirankailu ra diyagboya baara mɛn la ai kan, ko n kɛtɔ ai bɔla wo rɔ. Ko n di ai labɔ Misirankailu bolo, sa ai kana to woilu la jɔnya wo rɔ butun. Ko n di ai kunka n na sebaya ba la, ka Misirankailu la kɛwaliilu hakɛ bɔ ii rɔ.

Hɔrɔya 12:41

San kɛmɛ naanin ni san bisawa wo dafara lon mɛn na, wo lon kelen Allabatala a la mɔɔilu bɔra Misiran ikomin kɛlɛden kuru.