Hɔrɔya 12:41 - Alla la Kitabu Seniman

⁴¹ San kɛmɛ naanin ni san bisawa wo dafara lon mɛn na, wo lon kelen Allabatala a la mɔɔilu bɔra Misiran ikomin kɛlɛden kuru.

Hɔrɔya 12:41 Referans Kwoze

Kewalilu 1:7

A ka ii jabi: «Wo ko ri kɛ waati mɛn na, N Fa kelen pe le ri se wo latɛɛla.

Yuhana 7:8

Ai ye wa sali rɔ. Nde ti wala sali ɲin dɔ ka a masɔrɔn nde la waati ma se fɔlɔ.»

Yosuwe 5:14

Cɛɛ ka a fɔ ko: «Nde ni ai si tɛ. N ye Allabatala la kɛlɛjama la kuntii le ri. N natɔ le ɲin.» Josuwe ka a be wo sen kɔrɔ ka a ɲa birin duu ma ka a bonya. Josuwe ka a fɔ ko: «I la jɔn ye nde ri. I ye a fɛ n ye nfen de kɛ sa?»

Hɔrɔya 12:51

Wo lon kelen, Allabatala ka Isirayɛlikailu labɔ Misiran ikomin kɛlɛden kuru.

Hɔrɔya 12:17

«Ai ye Buru Fununbali Sali wo kɛ san san, baa wo lon jɛrɛ le rɔ, n ka ai labɔ Misiran ikomin kɛlɛden kuru. Wo le rɔ, ni wo lon sera san san, ai ye sali wo kɛ. Sali ko wo ye kɛ sariya banbali ri ai bolo, a ni ai bɔnsɔnilu bolo, mɛnilu natɔ ai kɔ.

Hɔrɔya 7:4

Hali wo, Ferawuna tɛ sɔn ai la kuma ma. Wo rɔ, n di n wuli Misirankailu kanma ka n na sebaya ba yiraka ii la, ka ko latɔn ii la kojuuya. N di n na jama Isirayɛlika labɔ Misiran ikomin kɛlɛden kuru.

Hɔrɔya 3:10

Nba, sisen n ye i lawala ka kuma Ferawuna yɛ. Wa! I ye i lɔ n na mɔɔilu ɲɔrɔ ka ii labɔ Misiran jamana kɔndɔ.»

Kewalilu 7:36

Musa ka tɔɔmasereilu ni kabannako bailu kɛ Misiran, ka doilu kɛ Kɔɔji Fararɔbin da la, ka doilu fanan kɛ wula kɔndɔ san binaanin kɔrɔ.

Hɔrɔya 3:8

N da jii ka ii bɔ Misirankailu bolo, ka ii labɔ Misiran jamana rɔ, ka wa ii ri jamana ba do rɔ, mɛn ka ɲi, a duman kosɛbɛ. Damununta duman ye bɔla jamana wo rɔ a ɲa jɛrɛ jɛrɛ ma, li ni nɔnɔ a ni jiri denta su bɛɛ ye bɔla ye. Kanaanka siini ye le, a ni Hɛtika ni Amɔrikailu ni Peresikailu ni Hifikailu ni Jebusikailu.

Hɔrɔya 6:6

«Wo le rɔ, i ye wa a fɔ Isirayɛlika yɛ ko: ‹Nde le Allabatala ri. Misirankailu ra diyagboya baara mɛn la ai kan, ko n kɛtɔ ai bɔla wo rɔ. Ko n di ai labɔ Misirankailu bolo, sa ai kana to woilu la jɔnya wo rɔ butun. Ko n di ai kunka n na sebaya ba la, ka Misirankailu la kɛwaliilu hakɛ bɔ ii rɔ.

A Damira 50:24

Lon do rɔ, Yusufu ka a fɔ a badenmailu yɛ ko: «N satɔla le, kɔni Alla ri a janto ai rɔ ka ai ta ka bɔ jamana ɲin dɔ ka wa ai ri lahidi jamana rɔ, baa a ka kali an benba Iburahima ni an benba Isiyaka ni an fa Yakuba yɛ ko jamana wo ri kɛ ii ta ri.»

Hɔrɔya 6:26

Allabatala kumara Haruna ni Musa woilu le yɛ, ka a fɔ ii yɛ ko ii ye Isirayɛlika labɔ Misiran ikomin kɛlɛden dɛkuru.

Hɔrɔya 13:3

Nba, Musa ka a fɔ Isirayɛlikailu yɛ ko: «Ai ye ai hankili to lon ɲin dɔ, ai bɔra Misiran jɔnya rɔ lon mɛn dɔ, baa Allabatala ka ai labɔ yɔrɔ wo rɔ a la sebaya ba la. Wo le kosɔn, ai kana buru lɛbɛnman dɔɔn wo lon.

Hɔrɔya 13:9

A ri kɛ i la tɔɔmasere ri ikomin bololafen mɛn bilani i bolo la wala mɛn sidinin i tin na ka kɛ hankili bila fen di, ka ban ka Allabatala a la sariya kuma a ye to i da rɔ waati bɛɛ, ka a masɔrɔn Allabatala ka i labɔ Misiran a la sebaya bolo la.

Hɔrɔya 13:14

«Ai dencɛilu ri ai maɲininka lon do rɔ ko ai ye ko mɛn kɛla ɲin, ko wo kɛ kun a ye nfen di? Ii wa ai maɲininka wo ma, ai ye a fɔ ii yɛ ko: ‹Allabatala ka an nabɔ jɔnya rɔ Misiran jamana rɔ a la sebaya bolo la.

Hɔrɔya 13:16

Musa ka a fɔ ii yɛ ikɔ tuun ko: «Sali ɲin ye tɔɔmasere le ri, ikomin mɔɔ ye mɛn bilala a bolo la a ni a tin na sa a kana ɲina. Sali ɲin sababu la, an tɛ ɲinala ko Allabatala ka an nabɔ Misiran jamana rɔ a la sebaya bolo la.»

Yosuwe 24:5

Wo kɛ mɛn ɲin, n ka Musa ni Haruna lawa ai benbailu ma Misiran. N ka Misirankailu gbasi tɔrɔya siyaman na ye, ka ban ka ai labɔ jamana wo kɔndɔ.