Efɛsikailu 6:20 - Alla la Kitabu Seniman

²⁰ n kɛni lasiiden di mɛn na ko rɔ hali n sidini jɔlɔkɔ la sisen. Ai ye Alla matara, kosa n ye n wakila kuma fɔla ikomin n dahani ɲa mɛn ma.

Efɛsikailu 6:20 Referans Kwoze

Kɔlɔsikailu 4:4

Ai ye a madiya, n ye a fɔ a gbɛ rɔ ikomin a bɛnni n ma ɲa mɛn ma.

Filipikailu 1:7

A bɛnni ai bɛɛ la diyaɲɛ ye to n dɔ ɲa kelen dɔ, ka a masɔrɔn ai la ko lamarani n jusu rɔ. Baa ni n sidini jɔlɔkɔ la, wala ni n ye Isa la ko Kibaro Ɲuma kɛlɛ kɛla, ka a ɲabɔ, an bɛɛ ye Alla la sɔli rɔ.

Kewalilu 26:29

Pɔli ka a jabi: «Ni a kɛra sisen wala lon gbɛrɛ, n ye Alla madiyala ko wo ye kɛ. Kɔni i kelen tɛ. Mɛn bɛɛ ye n kan namɛnna yan bi, n ye Alla madiyala ko woilu ye la i kan ka kɛ n ɲɔɔn di, mɛn ni jɔlɔkɔ labila tɛ kelen di.»

Yuhana Fɔlɔ 3:16

Isa Ɲenematɔmɔnin ka a jɛrɛ di ka sa an yɛ. An ka kaninteya lɔn wo le fɛ. An fanan ka kan ka an jɛrɛ di ka sa an badenma ɲenematɔmɔninilu nɔ rɔ.

Filipikailu 1:20

N ye mɛn makɔnɔla, ka n jii la a rɔ ko n kana maloya ko si sɔrɔn muumɛ. Kɔni n ye lala a la ten ikomin waati taminniilu rɔ kosa Ɲenematɔmɔnin di gbiliya n faribanku rɔ, ni n tora n nii la, wala ni n faara.

Efɛsikailu 6:19

Ai ye Alla matara n fanan yɛ, kosa n wa wuli kuma diya waati mɛn na, Alla ye kuma di n ma, ka n wakali Kibaro Ɲuma gbundu ko lase diya jama ma,

Efɛsikailu 4:1

Wo rɔ, nde mɛn kɛni kasolamɔɔ ri Maari la ko rɔ, n ye ai madiyala, Alla ra ai kili mɛn kɛ ko ma, ai taama ɲa ye bɛn wo ma.

Efɛsikailu 3:1

Wo le rɔ, nde Pɔli, Isa Ɲenematɔmɔnin na kasoden, aile siya gbɛrɛilu la ko rɔ.

Kewalilu 28:31

A tun ye Alla la Mansaya ko lasela ii ma jusulatɛɛ rɔ, ka ii karan ka Maari Isa Ɲenematɔmɔnin la koilu yiraka ii la. Mɔɔ si ma a bali fanan.

Kewalilu 28:20

Wo le rɔ, n ka ai kili ka kuma wo di ai ma, baa Isirayɛlikailu jii ye mɛn kan, wo ra kɛ sababu ri n sidini jɔlɔkɔ ɲin na bi.»

Kewalilu 5:29

Piyɛri ni talibidenba tɔilu ka ii jabi: «An ka kan ka Alla kumakan gbiliya ka tamin mɔɔilu ta la.

Judi 1:3

N kanintenilu, a lɔɔ tɛrɛ ye n na kosɛbɛ n ye ɲin sɛbɛ ai ma ka bɛn an kisi ko ma, kɔni n ka a yen de fo n ye a sɛbɛ le ka bɛn ai fanka don ko ma lemɛniya makaran dɔ Alla ra mɛn karifa a la jama sɛniman ma siɲa kelen haan habadan.

Kewalilu 21:33

Kɛlɛden kuntiiba nara ka Pɔli mira. A ka a fɔ kɛlɛdenilu yɛ ko ii ye Pɔli sidi nɛɛ jɔlɔkɔ fila la. A ka jama maɲininka ko cɛɛ ɲin ye yon di, a ka nfen kɛ?

Kɔlɔsikailu 4:3

Ai ye Alla matara an yɛ fanan, kosa Alla ye an na kuma lasɔnɔya kosa n ye se Mɔɔ Ɲenematɔmɔnin na gbundu ko lasela, n ye kaso la mɛn na ko rɔ.