Efɛsikailu 6:13 - Alla la Kitabu Seniman

¹³ Wo le rɔ, sisen ai ye ai masidi Alla la kɛlɛkɛ fenilu bɛɛ rɔ kosa waati juu wa se, ai ye se lɔla wo juuilu ɲɛrɔ, Ai wa ban a bɛɛ kɛla waati mɛn na, ai ye to ai nɔ rɔ gben!

Efɛsikailu 6:13 Referans Kwoze

Luka 21:36

Wo rɔ, ai ye to iɲɛna, ka Alla matara tuma bɛɛ; sa ai ri fanka sɔrɔn kojuu ɲin kan, mɛn kɛtɔ kɔnin; sa ai ri bɔ wo bolo; sa ai ri se ka i lɔ Mɔɔ Dencɛ ɲana.»

Efɛsikailu 5:16

Ai ye fɛrɛ ɲinin waatiilu ma, ka a masɔrɔn waati ɲinilu juuman de.

Luka 8:13

Si do mɛn bera farakoloma yɔrɔ kan, wo fanan ye mɔɔ doilu munuɲa le ri. Mɔɔ woilu ka Alla la kuma mɛn ka a mira sɛwa rɔ. Kɔni kuma wo ma don ii jusu rɔ bɛrɛ bɛrɛ kɛ. Ii ri to lemɛniya rɔ dooni. Gbɛliya waati wa se ii ma, ii ri sila ɲuma bila.

Kɔlɔsikailu 4:12

Ai la mɔɔ do ye ai fola, Epafirasi, Isa Ɲenematɔmɔnin na baaraden. A ye kɛlɛ kɛla ai yɛ Alla matara rɔ waati bɛɛ, kosa ai rajanin di to, ka sabati, ka to hankili latɛɛ rɔ ka dafa Alla sawo bɛɛ rɔ.

Efɛsikailu 5:6

Ai kana sɔn mɔɔ si ye ai majuuwaya kuma fuuilu fɛ, ka a masɔrɔn Alla la mɔnɛ ye nala kuma mirabaliilu le kanma wo ko suilu le la ko rɔ.

Yakuba 4:7

Wo le rɔ, ai ye ai fanmajii Alla yɛ ka a kan mira. Ai ye ai ban Sɛtana rɔ. Wo rɔ, a ri a bori ka a mabɔ ai la.

Piyɛri Fɔlɔ 4:1

Wo le rɔ, ikomin Ɲenematɔmɔnin da tɔrɔ a faribanku la, ai fanan ye ai rabɛn wo hankili kelen na, ka a masɔrɔn mɛn da tɔrɔ faribanku la, wo ni julumun da fara.