Efɛsikailu 3:5 - Alla la Kitabu Seniman

⁵ Gbundu ko ɲin ma lɛnkɛnɛmaya fɔlɔ mɔɔilu yɛ, kɔni sisen Alla ra a lɛnkɛnɛmaya a la talibidenba sɛnimanilu ni nabi sɛnimanilu yɛ Nii Sɛniman baraka rɔ.

Efɛsikailu 3:5 Referans Kwoze

Judi 1:17

Kɔni n kanintenilu, an Maari Isa Ɲenematɔmɔnin na talibidenbailu ra ko natɔ mɛnilu ko fɔ, wo ye labila ai la.

Piyɛri Filana 3:2

kosa, nabi sɛnimanilu tɛrɛ ra kuma mɛnilu fɔ, woilu ye labila ai la a ni an Maari ni an Nakisila la jamariliilu, talibidenbailu ka mɛnilu lase ai ma.

Efɛsikailu 2:20

Ai ra kɛ ikomin bon mɛn ju lani kabailu la. Wo kabailu kɛni talibidenbailu ni nabiilu le ri. Isa Ɲenematɔmɔnin jɛrɛ le bon tonkon kaba bɛrɛ ri.

Efɛsikailu 3:9

N ye a yiraka gbundu ko ɲin ye lakanbalila ɲa mɛn ma. Kɛbi waati taminninilu rɔ, gbundu ɲin dokonni tɛrɛ Alla rɔ mɛn ka fen bɛɛ dan,

Kewalilu 10:28

Piyɛri ka a fɔ ii yɛ ko: «Ka bɛn an na sariya ma, Yahudiyailu ma kan ka ii madon siya gbɛrɛ mɔɔilu la. Ai ye wo kalama. Hali ka don ii la bon na, an ma kan ka wo kɛ. Kɔni Alla ra a yiraka n na ko n kana a fɔ mɔɔ si ma ko a haramunnin, wala a kɔsɔni.

Luka 10:24

Baa ai ɲa ye mɛn yenna, a lɔɔ tɛrɛ ye nabi siyaman ni mansa siyaman na ka wo yen, kɔni ii ma fɛrɛ sɔrɔn ka ii ɲa la a kan. Ai tolo ye mɛn namɛnna, a lɔɔ tɛrɛ nabi siyaman ni mansa siyaman na ka wo mɛn. Kɔni ii ma fɛrɛ sɔrɔn ka ii tolo malɔ a la.»

Yuhana 14:26

Kɔni, Lalilila, Nii Sɛniman, N Fa ye mɛn lanala n tɔɔ rɔ, wo ye ai karanna ko bɛɛ la, aile fanan hankili ri bila a rɔ n ka mɛn fɔ ai yɛ.

Matiyu 13:17

N di tuɲa fɔ ai yɛ: ai ɲa ye mɛn yenna, a lɔɔ tɛrɛ ye nabi siyaman ni mɔɔ telenni siyaman na ka wo yen, kɔni ii ma fɛrɛ sɔrɔn ka ii ɲa la wo kan. Ai tolo ye mɛn namɛnna, a lɔɔ tɛrɛ ye ii la ka wo mɛn, kɔni ii ma fɛrɛ sɔrɔn ka ii tolo malɔ a la.»

Yuhana 16:13

Nii Sɛnimanna Tuɲa wa na tuma mɛn na wo ye ai taala tuɲa le rɔ, baa a sa kumala a jɛrɛ yɛ ɲa wo ma, kɔni a wa fen fen mɛn a ri wo fɔ. Ko mɛn ye nala a ri wo ɲafɔ ai yɛ.

Matiyu 23:34

Wo le kosɔn, n di nabiilu kelaya ai ma, a ni mɔɔ famunyaniilu ni sariya karanmɔɔilu. Ai ri doilu gbɔngbɔn jiri kan ka ii faa. Ai ri doilu gbasi gbiɲɛ la ai la salibonilu kɔndɔ. Ii wa bori ka bɔ so do la ka wa so gbɛrɛ la, ai ri ii kɔsaran.

Luka 11:49

Wo le kosɔn, Alla ka a fɔ a la hankilimaya rɔ ko: ‹N di nabiilu lawa ii ma, a ni talibidenbailu. Ii ri doilu faa ka doilu jakankata.›

Matiyu 20:7

Ii ka a jabi: ‹An ma baara kɛ ka a masɔrɔn mɔɔ si ma an ta baara la.› A ka a fɔ ii yɛ ko: ‹Ai fanan ye wa baara diya n na rɛsɛnfɛ rɔ.›