Yuhana Fɔlɔ 4:7 - Alla la Kitabu Seniman

⁷ N kanintenilu, an ye an ɲɔɔn kanin, baa kaninteya farani Alla le la. Mɔɔ si wa mɔɔ kanin, woilu bɛɛ ye Alla denilu le ri. Ii ka Alla lɔn fanan.

Yuhana Fɔlɔ 4:7 Referans Kwoze

Yuhana Fɔlɔ 4:20

Ni mɔɔ mɛn ka a fɔ ko a ye Alla kaninna, ka a tɛrɛn a badenma ɲenematɔmɔnin gboman a yɛ, wo tii ye wuyafɔla le ri, baa a ɲa ye a badenma ɲenematɔmɔnin mɛn na, ni a tɛ wo kaninna, a ti se Alla kaninna, a ɲa tɛ wo mɛn na.

Yuhana Fɔlɔ 4:8

Mɔɔ mɛn tɛ a badenma ɲenematɔmɔninilu kaninna, wo tii ma Alla lɔn, baa Alla ye a la ko bɛɛ kɛla kaninteya le la.

Piyɛri Fɔlɔ 1:22

Baa ai ra ai jɛrɛ nii lasɛninya tuɲa mira fɛ, ka kaninteya bɛrɛ sɔrɔn ai nakelenɲɔɔmailu yɛ, wo rɔ, ai ye ai ɲɔɔn kanin ai fanka bɛɛ la, ai solɔmɛ sɛninya rɔ.

Yuhana Fɔlɔ 2:10

Mɔɔ mɛn ye a badenma ɲenematɔmɔnin kaninna, wo le ye taamala kɛnɛ rɔ. Foyi tɛ wo tii la, mɛn di a lafili.

Kalatikailu 5:22

Kɔni Nii Sɛniman ye a den mɛn kɛla mɔɔ jusu kɔndɔ, wo le ɲin di: kaninteya ni sɛwa ni jususuma ni muɲunnin ni mɔɔ dɛmɛnnin ni ɲumaya ni lemɛniya

Yuhana Fɔlɔ 4:12

Mɔɔ si ma Alla yen a ɲa la fɔlɔ. Kɔni ni an ka an ɲɔɔn kanin, wo ye a yirakala ko Alla sidini ye tola an ma. Ka a la wo kan, Alla ye an fɛ, a la kanintɛya dafani an dɔ.

Yuhana Fɔlɔ 2:29

Ai ka a lɔn ko Ɲenematɔmɔnin telenni le. Wo rɔ, ai ka kan ka a lɔn fanan ko mɔɔ mɛn ye taamala telenbaya kan, wo ye Alla den de ri.

Yuhana 17:3

Wo rɔ ɲenemaya banbali ye mɛn di, wo le ɲin: ka ile lɔn, ile mɛn kelen pe ye Alla jɛrɛjɛrɛ ri, a ni ka Isa Ɲenematɔmɔnin fanan lɔn, i ka mɛn kelaya.

Kalatikailu 4:9

Kɔni sisen ai ka Alla lɔn; tuɲa le Alla ka ai lɔn. Ai ye a fɛ ka wa dunuɲa ko barakatanilu le kɔ ikɔ wo rɔ wa, wo mɛnilu tɛ foyi ɲala ai ma? Ai ye a fɛ ka kɛ woilu la jɔnilu ri kokura wa?

Yuhana 13:34

«N ye jamarili kura le dila ai ma. Ai ye ai ɲɔɔn kanin. Ikomin ai diyara n yɛ ai fanan ye diya ai ɲɔɔn yɛ.

Yuhana Fɔlɔ 2:3

Ni an ye Alla la jamariilu labatola, wo ye a yirakala an na ko an ka Alla lɔn.

Yuhana Fɔlɔ 2:4

Ni mɔɔ mɛn ka a fɔ ko a ka Alla lɔn, ka a tɛrɛn a tɛ Alla la jamariliilu labatola, mɔɔ wo ye wuyafɔla le ri. A tɛ taamala ka bɛn tuɲa ma.

Yuhana Fɔlɔ 2:7

N kanintenilu, n ye jamarili mɛn sɛbɛla ka a di ai ma ɲi, jamarili kura tɛ wo ri. Jamarili kɔrɔ le, ai ka mɛn lɔn kɛbi ai lemɛniya waati. Ai ka mɛn mɛn kɔrɔman, wo ni jamarili ɲin ye kelen de ri.

Yuhana Fɔlɔ 3:9

Alla wa mɔɔ mɛnilu kɛ a denilu ri, woilu si tɛ tola kojuu kɛla butun, baa Alla la si ye to woilu ma. Ii ti se tola kojuu kɛla, baa Alla ra ii kɛ a denilu ri.

Yuhana Fɔlɔ 4:11

Nba, n kanintenilu, ni Alla ra an kanin ten, an fanan ka kan ka an ɲɔɔn kanin de!

Yuhana Fɔlɔ 4:16

An ka a lɔn ko Alla ye an kaninna. An da an na lemɛniya la wo kan. Alla ye a la ko bɛɛ kɛla kaninteya le la. Mɔɔ mɛn ye kaninteya sila taamala, wo tii sidini ye tola Alla ma. Alla sidini ye tola wo tii ma fanan.

Yuhana Fɔlɔ 5:1

Ni mɔɔ mɛnilu bɛɛ lara a la ko Isa le Ɲenematɔmɔnin di, woilu bɛɛ ye Alla denilu le ri. Ni mɔɔ mɛnilu ka Fa Alla kanin, woilu ri a denilu fanan kanin.

Yuhana Filana 1:5

Awa, n badenmuso, n ye i madiyala sisen ko an bɛɛ ye i ɲɔɔn kanin. N ye mɛn sɛbɛla ɲin, jamarili kura tɛ wo ri, baa wo fɔni an yɛ kɛbi a damira waati.