Yuhana Fɔlɔ 3:8 - Alla la Kitabu Seniman

⁸ Mɔɔ mɛn ye kojuu kɛla, wo ye Kojuu Tii la mɔɔ le ri, baa kɛbi fɔlɔfɔlɔ Kojuu Tii ye kojuu kɛla. Alla Dencɛ nani le ka Kojuu Tii la kɛwaliilu tiɲan fewu.

Yuhana Fɔlɔ 3:8 Referans Kwoze

Yuhana 8:44

Ai fa le Ibulusa ri. Ai ye a fɛ ka mɛn kɛ, wo le duman ai fa yɛ. A tɛrɛ ye mɔɔ faala le ri kɛbi a damira waati. A ti tuɲa lamara la, ka a masɔrɔn tuɲa tɛ a la ko rɔ. A wa wuya fɔ tuma mɛn na, wo bɔni a danya le rɔ, ka a masɔrɔn a ye wuyafɔla a ni a ye wuyailu fa le ri.

Kɔlɔsikailu 2:15

Wo ɲa ma, a ra fankatiilu ni faamailu la kɛlɛkɛ fenilu bɔ ii bolo, ka lɔ ii ɲɛrɔ dunuɲa ɲakɔrɔ ikomin mɔɔ miranilu kɛlɛ rɔ, ka fanka sɔrɔn ii ma a la saya baraka rɔ a faa jiri kan.

Yuhana 16:11

Ii filini kiti tɛɛ ko rɔ, ka a masɔrɔn, dunuɲa ɲin kuntii a ra jalaki.

Yuhana 12:31

Nba, sisen dunuɲa la kiti le; dunuɲa kuntii juu ri gbɛn sisen.

Piyɛri Filana 2:4

Mɛlɛka mɛnilu ka julumun kɛ waati taminin dɔ, Alla tɛ woilu latankala, kɔni a ka ii lafili jahanama rɔ, ka ii kɛ jɔlɔkɔ la dibi rɔ ii kiti lon ɲɛrɔ.

Efɛsikailu 2:2

ai tɛrɛ ye taamala mɛnilu rɔ ai tɛrɛ ye dunuɲa ɲin koilu rɔ waati mɛn na, a ni duu ni sankolo tɛmala jinailu kuntii, wo nii juu mɛn ye baarala Alla masɔsɔ mɔɔilu rɔ ten.

Luka 10:18

Isa ka jabili kɛ ko: «N da Setana betɔ yen ka bɔ sankolo rɔ ikomin sanmɛlɛnmɛlɛn ye jiila ɲa mɛn ma.

Yuhana Fɔlɔ 3:10

Alla denilu ni Kojuu Tii la denilu ye faranfaasila ɲa mɛn ma ka bɔ i ɲɔɔn na, wo le ɲin. Mɔɔ mɛn tɛ telenbaya sila taamala, wo tii tɛ Alla ta ri. Mɔɔ mɛn tɛ a badenma ɲenematɔmɔnin kaninna, wo tii tɛ Alla ta ri.

Matiyu 13:38

Sɛnɛ wo le ye dunuɲa ri. Suman si ɲuma, wo ye mansaya denilu ri. Bin juuilu ye Kojuu Tii la mɔɔilu le ri.

Yuhana Fɔlɔ 5:19

An ka a lɔn ko an ye Alla ta le ri, kɔni dunuɲa mɔɔilu bɛɛ ye Ko Juu Tii fanka le kɔrɔ.

Yuhana Fɔlɔ 3:5

Ai ka a lɔn ko Isa Ɲenematɔmɔnin nara sa a ri mɔɔilu la kojuu bɔ ii ma. Kojuu si tɛ ale ma.

Judi 1:6

Mɛlɛka doilu fanan ma ii jɛrɛ to ii wara, ka ii ban ii lɔdiya la, Alla ka woilu bila dibi ba rɔ, ii sidini habadan jɔlɔkɔilu la haan kiti la lon ba.

A Damira 3:15

N di juuya ladon i ni muso tɛ, ka a ladon i bɔnsɔn ni a bɔnsɔn tɛ. A ri i kun gbasi. I fanan di a sen tintiri cin.»

Matiyu 4:3

Majuuwalila ka a madon a la, ka a fɔ a yɛ ko: «Ni ile le ye Alla Dencɛ ri, i ye a fɔ kabakurun woilu yɛ ko ii ye yɛlɛman ka kɛ buru ri.»

Matiyu 12:28

Kɔni ni n ye jinailu gbɛnna Alla Nii Sɛniman baraka le rɔ, wo ra a yiraka ko Alla la Mansaya ra se ai tɛma.

Yuhana Fɔlɔ 1:2

Ɲenemaya wo lɛnkɛnɛmayara, an da a yen, an ye a sere ri, a ni an ye ɲenemaya banbali ko fɔla ai yɛ. Fɔlɔ, a tɛrɛ ye Fa Alla dafɛ, kɔni a lɛnkɛnɛmayara an ɲana.