Yuhana Fɔlɔ 3:18 - Alla la Kitabu Seniman

¹⁸ Nba, n denilu, an ye kaninteya mɛn yirakala an badenma ɲenematɔmɔninilu la, wo kana kɛ da rɔ kuma gbansan di. Kaninteya wo ye kɛ kaninteya jɛrɛ jɛrɛ le ri, mɛn ye yirakala an badenma ɲenematɔmɔninilu la an na kɛwaliilu fɛ.

Yuhana Fɔlɔ 3:18 Referans Kwoze

Piyɛri Fɔlɔ 1:22

Baa ai ra ai jɛrɛ nii lasɛninya tuɲa mira fɛ, ka kaninteya bɛrɛ sɔrɔn ai nakelenɲɔɔmailu yɛ, wo rɔ, ai ye ai ɲɔɔn kanin ai fanka bɛɛ la, ai solɔmɛ sɛninya rɔ.

Kalatikailu 5:13

N badenmailu, Alla ka ai kili sa ai ri kɛ mɔɔ hɔrɔyanilu ri. Kɔni ai kana hɔrɔya ko wo kɛ sababu ri ka ai faribanku diyana koilu kɛ. Ɛɛn! Ai ye ai ɲɔɔn dɛmɛn, kaninteya kosɔn.

Efɛsikailu 4:15

Kɔni an ka tuɲa fɔ kaninteya rɔ, an di kɔɔ, ka kɛ Ɲenematɔmɔnin munuɲailu ri ko bɛɛ rɔ, ale mɛn kɛni an kun di.

Yuhana Fɔlɔ 2:1

N den mɛsɛnilu, n ye ko ɲinilu sɛbɛla ka a di ai ma, sa ai kana kojuu kɛ. Kɔni ni do ka kojuu kɛ, lalilila ye an bolo an Fa dafɛ mɛn di an na sɔlɔnali kɛ: wo ye Isa Ɲenematɔmɔnin de ri, mɛn telenni.

Yuhana Filana 1:1

Sɛbɛ ɲin farani lemɛniya mɔɔilu la dɛkuru mɔɔbakɔrɔ le la. N ye a lawala n badenmuso ma, Alla ka mɛn suwandi, a ni a denilu. Ai bɛɛ duman n yɛ, baa an bɛɛ ye taamala ka bɛn Alla la tuɲa ma. Kɔni n kelen tɛ. Mɛnilu ka tuɲa wo lɔn, ai duman woilu bɛɛ yɛ.

Hɔrɔya 33:21

Yɔrɔ do ye n tɔrɔfɛ yan. I ri se i lɔla farakolo kan ye.

Yuhana 17:19

N ye n jɛrɛ bilala a dan na i yɛ ii kosɔn, sa ii fanan di bila a dan na bɛrɛbɛrɛ kɛ i yɛ.

Yuhana Fɔlɔ 3:7

N den mɛsɛnilu, ai kana sɔn mɔɔ si ye ai lafili: mɔɔ mɛn ye taamala telenbaaya kan, wo telenni le ikomin Isa Ɲenematɔmɔnin telenni ɲa mɛn ma.

Yuhana Sabana 1:1

Sɛbɛ ɲin farani lemɛniya mɔɔilu la dɛkuru mɔɔbakɔrɔ le la. N ye a lawala n kaninba Kayusi ma. I duman n yɛ, baa an bɛɛ ye taamala ka bɛn Alla la tuɲa ma.

Luka 7:5

baa an na jamana mɔɔilu duman a yɛ kosɛbɛ. A jɛrɛ ka an na salibon lɔ an yɛ.»