Yuhana Fɔlɔ 3:15 - Alla la Kitabu Seniman

¹⁵ Mɔɔ mɛn ka a badenma kɔn, wo tii ni mɔɔfaala bɛɛ ka kan. Ai ka a lɔn fanan ɲenemaya banbali tɛ mɔɔfaala si bolo.

Yuhana Fɔlɔ 3:15 Referans Kwoze

Yuhana 8:44

Ai fa le Ibulusa ri. Ai ye a fɛ ka mɛn kɛ, wo le duman ai fa yɛ. A tɛrɛ ye mɔɔ faala le ri kɛbi a damira waati. A ti tuɲa lamara la, ka a masɔrɔn tuɲa tɛ a la ko rɔ. A wa wuya fɔ tuma mɛn na, wo bɔni a danya le rɔ, ka a masɔrɔn a ye wuyafɔla a ni a ye wuyailu fa le ri.

Kewalilu 23:14

Ii wara Alla la sarakalasela kuntiilu ni mɔɔbakɔrɔilu tɛrɛn ye, ka a fɔ ii yɛ ko: «An ka an kali ko an tɛ dɔɔnnin kɛ fo an wa Pɔli faa.

Yakuba 1:15

Kojuu lɔɔ wa an mira tuma mɛn na a ri an kɛ kojuu kɛla ri, a ni kojuu wa fanka sɔrɔn tuma mɛn na, a ri an faa.

Kewalilu 23:12

Kɛnɛ bɔra tuma mɛn na, Yahudiya doilu ka ii ladɛn ka bɛn kan kelen ma. Ii ka ii kali ko ii tɛ dɔɔnnin kɛ, ko ii tɛ ji min fo ii wa Pɔli faa.

Yuhana 4:14

kɔni n ye ji mɛn dila, ni mɔɔ mɔɔ ka wo ji min, ji lɔɔ tɛ wo tii mira butun fewu. Baa ji wo di kɛ ikomin tenke a kɔndɔ ka ɲenemaya banbali di a ma.»

Matiyu 5:28

Kɔni n ye a fɔla ai yɛ ko ni i ka muso do ragbɛ ka kunfan a fɛ, i ra ban kaninkɛ kɛla muso wo fɛ i jusu rɔ.

A Damira 27:41

Nba, Isiyaka ka duwawu mɛn kɛ Yakuba yɛ, wo kɛra sababu ri, Yakuba gboyara Esawu yɛ. Esawu ka a miri ko: «N fa la sa waati a ra sudunya. Ni a sara, an ba ban a su don na, n di n dɔɔcɛ Yakuba faa.»

Piyɛri Fɔlɔ 1:23

Ka a masɔrɔn ai ra ai kɔsɛ, ka sɔrɔn kuraya fanan, mɛn ma fara adamaden na mɛn ye faala, kɔni ka fara Alla la kuma la mɛn ye niila, a ri to habadan.

Yuhana Fɔlɔ 2:9

Ni mɔɔ mɛn ka a fɔ ko a ye taamala kɛnɛ rɔ, ka a tɛrɛn a ye a badenma ɲenematɔmɔnin kɔnna, wo tii ye dibi le rɔ butun.

Yuhana Fɔlɔ 2:11

Kɔni mɔɔ mɛn ye a badenma kɔnna, wo ye dibi le rɔ. A ye taamala dibi rɔ fanan. A ma a lɔn a ye wala yɔrɔ mɛn na, baa dibi ra a ɲa fuyen.