Yuhana Fɔlɔ 3:10 - Alla la Kitabu Seniman

¹⁰ Alla denilu ni Kojuu Tii la denilu ye faranfaasila ɲa mɛn ma ka bɔ i ɲɔɔn na, wo le ɲin. Mɔɔ mɛn tɛ telenbaya sila taamala, wo tii tɛ Alla ta ri. Mɔɔ mɛn tɛ a badenma ɲenematɔmɔnin kaninna, wo tii tɛ Alla ta ri.

Yuhana Fɔlɔ 3:10 Referans Kwoze

Yuhana Fɔlɔ 4:8

Mɔɔ mɛn tɛ a badenma ɲenematɔmɔninilu kaninna, wo tii ma Alla lɔn, baa Alla ye a la ko bɛɛ kɛla kaninteya le la.

Yuhana Sabana 1:11

N kaninba, i kana mɔɔ la kojuu ladɛn. Ɛɛn de, i ye mɔɔ la koɲuma ladɛn. Mɔɔ mɛnilu ye koɲuma kɛla, woilu ye Alla la mɔɔilu le ri. Kɔni mɔɔ mɛnilu ye kojuu kɛla, woilu ma Alla yen.

Yuhana Fɔlɔ 4:21

Alla ka jamarili mɛn fɔ an yɛ, wo le ɲin: a ka a fɔ ko ni mɔɔ mɛn ye Alla kaninna, fo wo tii ye a badenma ɲenematɔmɔnin fanan kanin.

Yuhana 8:44

Ai fa le Ibulusa ri. Ai ye a fɛ ka mɛn kɛ, wo le duman ai fa yɛ. A tɛrɛ ye mɔɔ faala le ri kɛbi a damira waati. A ti tuɲa lamara la, ka a masɔrɔn tuɲa tɛ a la ko rɔ. A wa wuya fɔ tuma mɛn na, wo bɔni a danya le rɔ, ka a masɔrɔn a ye wuyafɔla a ni a ye wuyailu fa le ri.

Matiyu 13:38

Sɛnɛ wo le ye dunuɲa ri. Suman si ɲuma, wo ye mansaya denilu ri. Bin juuilu ye Kojuu Tii la mɔɔilu le ri.

Yuhana 8:47

Mɛn ye Alla fɛ, wo ye a tolo malɔla Alla la kuma la. Ai tɛ ai tolo malɔla baa ai tɛ Alla fɛ.»

Luka 6:35

Ai kɔni ye ai juuilu kanin, ka koɲuma kɛ ai yɛ. Ai ye julu don ii la, ka ban ka a sara ko to ye. Ni ai ka a kɛ ten, ai barayi ri wara; ai ri kɛ Alla Kɔrɔtaninba denilu jɛrɛ jɛrɛ ri. Ka a masɔrɔn ale ka ɲi mɔɔ bɛɛ ma, hali fisiriwali ni mɔɔ juuilu.

Yuhana Fɔlɔ 4:6

Kɔni andeilu ye Alla ta le ri. Mɔɔ mɛn ka Alla lɔn, wo tii ri sɔn an na kuma ma. Kɔni mɔɔ mɛn tɛ Alla ta ri, wo tii ti sɔn an na kuma ma. An di a lɔn wo rɔ Alla Nii Sɛniman ye mɛnilu fɛ, Nii Sɛniman mɛn ye tuɲa yirakala mɔɔilu la. An di a lɔn fanan Kojuu Tii ye mɛnilu fɛ, Kojuu Tii mɛn ye mɔɔilu lafilila.

Efɛsikailu 5:1

Wo le rɔ, ai ye Alla ladɛn, ikomin ai kɛnin a den kaninninilu ri ɲa mɛn ma,

Yuhana Fɔlɔ 5:2

Ni an ka Alla kanin ka a la jamariliilu labato, an di a lɔn wo rɔ ko an ye a denilu kaninna.

Yuhana Fɔlɔ 2:29

Ai ka a lɔn ko Ɲenematɔmɔnin telenni le. Wo rɔ, ai ka kan ka a lɔn fanan ko mɔɔ mɛn ye taamala telenbaya kan, wo ye Alla den de ri.

Kewalilu 13:10

Pɔli ka a fɔ ko: «Ile, Ibulusa la den. Nanbara ni juuya ye i rɔ kojuuya. I bilani telenbaya ko bɛɛ la. I tɛ Maari la sila telenniilu tiɲan boloka wa?

Yuhana Fɔlɔ 5:19

An ka a lɔn ko an ye Alla ta le ri, kɔni dunuɲa mɔɔilu bɛɛ ye Ko Juu Tii fanka le kɔrɔ.

Yuhana 1:12

Kɔni mɔɔ mɛnilu sɔnda a ma, mɛnilu kɔnin lemɛniyara a ma, a ka se di woilu bɛɛ ma ka kɛ Alla denilu ri.

Yuhana 11:52

Kɔni Isa ri sa mɛnilu nɔ rɔ, Yahudiya siya kelen ko tɛ. A ri sa ka Alla denilu bɛɛ ladɛn denbaya kelen di mɛnilu siini dunuɲa bɛɛ rɔ.

Kɔlɔsikailu 3:14

Ai ye kaninteya la woilu kan, mɛn ye ii bɛɛ dafala.

Yuhana Fɔlɔ 3:1

A ragbɛ! An Fa ye an kaninna ɲa mɛn ma, wo ka bon fewu! Fo a ye a fɔla an ma ko a denilu. An ye a denilu le ri jɔ. Dunuɲa mɔɔilu ma Alla lɔn. Wo le ka a kɛ, ii ti se a lɔnna ko andeilu ye a denilu le ri!

Yuhana Fɔlɔ 3:2

N kanintenilu, an ye Alla denilu le ri sisen! Kɔni an di kɛ ɲa mɛn ma, wo ma gbɛ fɔlɔ. Kɔni an ka a lɔn ko Isa Ɲenematɔmɔnin na ko wa lɛnkɛnɛmaya, an bɛɛ ri kɛ ikomin a jɛrɛ ye ɲa mɛn ma, baa a ye ɲa mɛn ma, an di a yen ten.