Yuhana Fɔlɔ 2:9 - Alla la Kitabu Seniman

⁹ Ni mɔɔ mɛn ka a fɔ ko a ye taamala kɛnɛ rɔ, ka a tɛrɛn a ye a badenma ɲenematɔmɔnin kɔnna, wo tii ye dibi le rɔ butun.

Yuhana Fɔlɔ 2:9 Referans Kwoze

Yuhana Fɔlɔ 4:20

Ni mɔɔ mɛn ka a fɔ ko a ye Alla kaninna, ka a tɛrɛn a badenma ɲenematɔmɔnin gboman a yɛ, wo tii ye wuyafɔla le ri, baa a ɲa ye a badenma ɲenematɔmɔnin mɛn na, ni a tɛ wo kaninna, a ti se Alla kaninna, a ɲa tɛ wo mɛn na.

Yuhana Fɔlɔ 2:11

Kɔni mɔɔ mɛn ye a badenma kɔnna, wo ye dibi le rɔ. A ye taamala dibi rɔ fanan. A ma a lɔn a ye wala yɔrɔ mɛn na, baa dibi ra a ɲa fuyen.

Piyɛri Filana 1:9

Kɔni ni woilu tɛ mɔɔ mɛn dɔ, wo tii ɲa tɛ ko ragbɛla, a totɔ le ikomin ɲa fuyen, ka ɲina ko Alla ra a julumun kɔrɔilu kafari.

Yuhana Fɔlɔ 2:4

Ni mɔɔ mɛn ka a fɔ ko a ka Alla lɔn, ka a tɛrɛn a tɛ Alla la jamariliilu labatola, mɔɔ wo ye wuyafɔla le ri. A tɛ taamala ka bɛn tuɲa ma.

Yuhana Fɔlɔ 1:6

Ni an ka a fɔ ko an ye Alla la duɲɔɔnya rɔ, ka a tɛrɛn an ye taamala kojuu dibi rɔ, an ye wuya fɔla. An tɛ an na koilu kɛla ka bɛn tuɲa ma.

Yuhana 9:41

Isa ka ii jabi: «Ni ɲa fuyen ye ai ri, ai tɛ jatɛla julumuntɔ ri. Kɔni sisen ai ye a fɔla ko ai ye yenni kɛla. Wo le kosɔn, ai la julumun da to ai kan fɔlɔ.»

Kewalilu 1:15

Nba, lon do rɔ, Piyɛri ka i lɔ a badenmailu tɛma ka kuma. Wo ka mɛnilu tɛrɛn ye, woilu ri mɔɔ kɛmɛ ni mɔɔ muwan bɔ.

Yuhana Fɔlɔ 3:10

Alla denilu ni Kojuu Tii la denilu ye faranfaasila ɲa mɛn ma ka bɔ i ɲɔɔn na, wo le ɲin. Mɔɔ mɛn tɛ telenbaya sila taamala, wo tii tɛ Alla ta ri. Mɔɔ mɛn tɛ a badenma ɲenematɔmɔnin kaninna, wo tii tɛ Alla ta ri.