Yuhana Fɔlɔ 2:1 - Alla la Kitabu Seniman

¹ N den mɛsɛnilu, n ye ko ɲinilu sɛbɛla ka a di ai ma, sa ai kana kojuu kɛ. Kɔni ni do ka kojuu kɛ, lalilila ye an bolo an Fa dafɛ mɛn di an na sɔlɔnali kɛ: wo ye Isa Ɲenematɔmɔnin de ri, mɛn telenni.

Yuhana Fɔlɔ 2:1 Referans Kwoze

Yuhana 14:6

Isa ka a jabi: «Nde, n ye sila le ri, a ni tuɲa, a ni ɲenemaya. Mɔɔ ti se wala Fa ma, ni a ma se nde ma.

Yuhana Fɔlɔ 4:4

N denmisɛnilu, ai ye Alla ta le ri. Ai ra se wuya kelailu la, baa Alla Nii ye ai fɛ. Wo fanka ka bon Kojuu Tii ta ri, wo mɛn ye dunuɲa mɔɔilu fɛ.

Yuhana Fɔlɔ 3:18

Nba, n denilu, an ye kaninteya mɛn yirakala an badenma ɲenematɔmɔninilu la, wo kana kɛ da rɔ kuma gbansan di. Kaninteya wo ye kɛ kaninteya jɛrɛ jɛrɛ le ri, mɛn ye yirakala an badenma ɲenematɔmɔninilu la an na kɛwaliilu fɛ.

Yuhana Fɔlɔ 3:7

N den mɛsɛnilu, ai kana sɔn mɔɔ si ye ai lafili: mɔɔ mɛn ye taamala telenbaaya kan, wo telenni le ikomin Isa Ɲenematɔmɔnin telenni ɲa mɛn ma.

Yuhana 8:11

Muso ka a fɔ a yɛ ko: «Mɔɔ si, n maari.» Wo rɔ Isa ka a fɔ a yɛ ko: «N fanan ti kiti labela i kan. I ye wa ka hakɛ boloka butun.»

Yuhana Fɔlɔ 3:5

Ai ka a lɔn ko Isa Ɲenematɔmɔnin nara sa a ri mɔɔilu la kojuu bɔ ii ma. Kojuu si tɛ ale ma.

Efɛsikailu 2:18

Isa le sila lakala andeilu jama fila bɛɛ yɛ, ka wa Fa Alla ɲakɔrɔ Nii Sɛniman kelen baraka rɔ.

Yuhana 6:27

Nba, ai kana baara kɛ dɔɔnninta mɛn ye banna, kɔni ai ye baara dɔɔnninta mɛn ye mɛnna a ni mɛn di ɲenemaya banbali di ai ma. Damununta wo, Mɔɔ Dencɛ ye a dila ai ma, baa Fa Alla ka a la ɲanɔɔ kɛ a Dencɛ kan.»

Piyɛri Fɔlɔ 3:18

Baa Ɲenematɔmɔnin faara le an julumunilu la ko rɔ siɲa kelen haan habadan, ale mɔɔ telennin telenbaliilu yɛ, kosa a ye na ai ri Alla ma. Mɔɔilu ra a faa ten faribanku rɔ, kɔni Alla ka a lakɛndɛya, Nii Sɛniman na baraka le rɔ.

Efɛsikailu 4:26

Ni ai mɔnɛra, ai kana hakɛ kɛ. Ai kana to duɲani haan tele be waati.

Kalatikailu 4:19

N denilu, n ye tɔrɔla ai la ko rɔ kokura ikomin muso mɛn ye tin ma. N di tɔrɔ ten haan Ɲenematɔmɔnin ye don ai rɔ tuma mɛn na.

Yuhana 10:15

ikomin n Fa ka n lɔn a ni n fanan ka n Fa lɔn. N ye n nii dila n na saailu le kosɔn.

Yuhana 5:36

«Kɔni sereya gbɛrɛ ye nde bolo mɛn ka bon ka tamin Yaya ta la. Nba, baara mɛn donda n bolo n Fa bolo ko ka a kɛ, n na baara wo le ye n na sereya ri. Wo le ye yirakala ko n Fa le ka n nana.

Luka 10:22

Isa ka a fɔ mɔɔilu yɛ ko: «N Fa ra fen bɛɛ karifa n na. Mɔɔ si ma Dencɛ lɔn fo n Fa Alla. Mɔɔ si fanan ma n Fa Alla lɔn fo Dencɛ kelen, mɛn bɔra Alla rɔ. N wa n Fa yiraka mɛnilu la, woilu fanan di se a lɔnna.»

Piyɛri Fɔlɔ 2:22

«A ma julumun si kɛ, a ma janfa kuma si fɔ fanan.»

Yuhana 5:14

Kɔ fɛ, Isa ka cɛɛ wo yen Allabatobonba kɔndɔ ka a fɔ a yɛ ko: «I ɲa lɔ! I ra lakɛndɛya sisen. I ye hakɛ kɛ boloka fewu, sa ko gbɛrɛ kana i sɔrɔn, mɛn ka juu ka tamin jankarɔ wo kan.»

Yakuba 1:27

Ka faratanniilu ni cɛsamusoilu dɛmɛn ii la tɔrɔya waati, a ni ka an jɛrɛ mabɔ dunuɲa ko nɔɔilu bɛɛ la, wo ye Alla la dina sɛniman ba le ri an Fa Alla ɲakɔrɔ.

Yuhana Fɔlɔ 5:21

N na den mɛsɛnilu, ai ye mataa joo koilu ma.

Yakuba 3:9

Maari mɛn ye an fa Alla ri, an ye wo tandola an nɛn de la, kɔni Alla ka mɔɔ mɛnilu dan ka ii kɛ a jɛrɛ munuɲa ri, an ye woilu dankala nɛn kelen wo le la.

Yuhana 13:33

Den mɛsɛnilu n ye ai fɛ waati nin ɲin dɔ. Ai ri n ɲinin, kɔni ikomin n da a fɔ Yahudiyailu yɛ ɲa mɛn ma: ‹N wala yɔrɔ mɛn, ai ti se wala ye.› N ye a fɔla ai fanan yɛ sisen.

Yuhana 21:5

Isa ka a fɔ ii yɛ ko: «N denilu, ai ra jɛɛ do sɔrɔn wa?» Ii ka a jabi: «Ɛɛn.»

Yuhana 14:16

Wo rɔ nde ri n Fa madiya, a ni a ri Lalilila gbɛrɛ di ai ma mɛn di to ai fɛ habadan.

Kewalilu 7:52

Ai benbailu ka nabiilu bɛɛ tɔrɔ. Nabiɲuma mɛnilu ka Alla la Mɔɔ Suwandini la ko fɔ ii yɛ, ii ka woilu faa. Sisen ai ra Mɔɔ Telenni wo janfa ka a faa.

Yuhana Fɔlɔ 5:17

Telenbaliya ko bɛɛ ye julumun de ri. Kɔni julumun do ye ye, mɛn tɛ kɛla mɔɔ sa kun di.

Yuhana Sabana 1:4

baa ni n ka a mɛn ko n denilu ye taamala ka bɛn Alla la tuɲa ma, foyi tɛ n sɛwala ka tamin wo kan.