Iesusɨm Mbɨsevisir Gumasi 2:33 - Mak Osɨrisira Akaman Aghuuŋ ko Iesusɨm Mbɨsevisir Gumasi

³³ A guavanaŋga non Inaghavesɨn guvɨn aghara apheraghav ikha aŋn iphɨn gamgaaŋ nii. Aŋni Inaghavhes aŋm mbɨkemisi moghɨn a nonɨ Utuman aŋga anɨɨŋi. Gee thighira oraghava garir bisir kharsi, Iesus nombɨ Gotɨnɨ Utum emɨusuava ana amandasima ee aŋn gamaaŋn iphɨn bisigha amui.

Iesusɨm Mbɨsevisir Gumasi 2:33 Referans Kwoze

Iesusɨm Mbɨsevisir Gumasi 1:4

Uthughun mavɨn a men phorugha ikha, aphava mbɨŋgɨŋgɨman aghavagharan khavɨn meŋga anɨɨŋi, “Gee Jerusalemɨnɨ uŋuuni ikhɨva thaegh maŋŋa thaghɨri. Bighana aghuuŋ nan Inaghaves geera anɨɨŋmɨusua akama rɨkɨrisi thav, a zaami. Gee anaŋmba oraghi, kha aŋn gun gem mbɨkemi. Gee aŋmɨusua gan ikhɨɨ.

Iesusɨm Mbɨsevisir Gumasi 5:31

Got ana nigha nona agharan guvɨn aŋna athɨsima, ana mɨghasɨgha itir ikɨran aghuuŋ enɨ ufhuaragha zui gumagh ko gumasir akuruvaghamir gumagh ikaami. A Israeli ramuightima mee nɨghɨnɨsigh ɨraghti Got meno othevir maghatɨsi gɨna amaaŋga.

Iesusɨm Mbɨsevisir Gumasi 2:17

‘Got kamaghɨm mbɨŋgɨ kamaghɨusue, “Gɨn zaamirɨ uthusi tharsir khɨɨ nonɨ Utuman gumasi rako amisi bar mee ranɨɨŋgami. Uthughun khavɨn gen otari rako guivi Gotɨna ambuuŋn gumasir mɨn mbɨkɨmtima, gen gumasir iŋgaa irimbar mɨn bisir gantima, gen gumasir guri iriiŋmbara akuuva bisir ganaŋgami.

MAK Osɨrisira Akaman Aghuuŋ 16:19

Uthughun khavɨni Ikhɨv Iesus, bisir kharsir mem mbɨkemigha gɨvasima Got ana nigha nonɨ uŋuun guavanambo. Ana nambogha, a Gotɨna agharan guvɨn amandagha apheraghav iti.

Iesusɨm Mbɨsevisir Gumasi 10:45

Judarir akoghɨn gumasi nɨghɨnɨghana aghavaghar Iesusɨn iti tharsi, Pitan phorugha ze. Mee orasima mee uŋuimbar igharis tharsir akaa aghua Gotɨni izɨɨ ufhii. Kamagha amuisi mee rɨŋgavan maghatɨgha amuigha kamaghɨm mbɨŋgɨ kamaghɨusue, “Muna gan! Got nonɨ Utum bighana aghuuŋn mɨn igharisirɨ unuaghɨnan gumasi ivhɨra meŋga anɨɨŋi.” Mem mbɨkemisima Pita kamaghɨm mbɨŋgɨ kamaghɨusue,