Iesusɨm Mbɨsevisir Gumasi 13:49 - Mak Osɨrisira Akaman Aghuuŋ ko Iesusɨm Mbɨsevisir Gumasi

⁴⁹ Gumughun mee Ikhɨvan akam nigha uŋuimba bar andar gue.

Iesusɨm Mbɨsevisir Gumasi 13:49 Referans Kwoze

Iesusɨm Mbɨsevisir Gumasi 19:10

Pol ombaran phuninin avhen othɨvhan khavɨra amui. Kamagha amuisima Esian distrighɨn iti Judarii rako Grighiiŋa, mee bar Ikhɨvana akamam mbarasi.

Iesusɨm Mbɨsevisir Gumasi 12:24

Uthughun khavɨn Gotɨna akam bar ikhevigha barɨ uŋuimbar gue.

Iesusɨm Mbɨsevisir Gumasi 19:26

Gee Pol amuisi bisir garava aŋm mbɨŋgheer akaav oraesire. A Efesusɨnɨ uŋuu koma Esian distrigh gumasi rako amisi bar men nɨghɨnɨsi ighaghɨusue. A kamaghɨm mbɨŋgɨ kamaghɨusue, ‘Gumasi amuir marvir gua, anda guisimbaaŋra goti phatɨ.’

Iesusɨm Mbɨsevisir Gumasi 9:42

Kamagha amuisima Jopan iti gumasi rako amisi niaghaghan khavɨ oraegha men avhɨrara nɨghɨnɨghana aghavaghar Ikhɨvan iti.

Iesusɨm Mbɨsevisir Gumasi 6:7

Uthughun khavɨn Gotɨna akam bar ikhevigha barɨ uŋuimbar gue. Akaman khav Jerusalemɨni itir suren gumasigha amuima mee rɨmbombonɨ uzuamɨra guavanambo. Gotɨna aphuraphurava aghae rako bisir aŋga anɨndi gumasira avhɨrara Gotɨn akamam mbaraegha nɨghɨnɨghana aghavaghar aŋni ikha ivhɨra aŋn gɨn zui.

Iesusɨm Mbɨsevisir Gumasi 13:12

Uthughun khavɨn gavmanɨn gumaghan aphanan akamamba oraegha rɨŋgavan maghatɨgha amui. Ana othuivisi bisir kharsir ganighava kamagha amuigha nɨghɨnɨghana aghavaghar Ikhɨvan iti.