Yuˇdaˆ 1:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawf, tsawrhaq yawqghaq navluf-anr yarkhaq darle-eu mae. Aqyawf maf-euq ghanrcae, Miqyaer-anr yawzeu maqbaw-eu tsawrhaq deuq nae, Miqyaer-anr yawzeu maqbaw-eu lafkhoer, Miqyaer-anr yawzeu maqbaw-eu jeq mr-euq uqtaf, Miqyaer-anr yawzeu maqbaw-eu iqbaxzaq nae, Miqyaer-anr muir-eu lafkhoer, yaeqbawq-aer ngaeq-euq jeq-euq gharduq yarkhaq darle-eu mae.”

Akha

¹⁵ Tsawˇ haˬ dawˬ tawˆ luꞈ-ahˇ yaˇ kʼaˬ daˇ-eu lehˇ oe-awˇ, aˬ yawꞈ maꞈ Miˬyehˇ-ahˇ yaw zeu maˬ baw ni mˇ taˬ shaˇ taˬ-euˬ miˇ neh maˬ ehˇ, Miˬyehˇ-ahˇ yaw zeu maˬ baw-eu iˬ baˇ zaˬ deuˬ neh aˬ yawꞈ-ahˇ ngehˬ doeˇ ehˇ doeˇ-euˬ miˇ neh maˬ ehˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.”

Yuˇdaˆ 1:15 Referans Kwoze

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

1 Tiˆmoˇseˬ 1:9

Aqjeq mirnae aernar-aq, zanrdawq-aq, tsaq-awr dawr-eu tsawrhaq-euq gharduq bijav-euq maqngeur-a. Zanrdawq-anr leur-eu deuq, maq narhaq geuf-eu tsawrhaq, Miqyaer-anr yawzeu maqbaw-eu tsawrhaq, iqbaxzaq deuq, maqshawr-eu tsawrhaq, lavjawf-eu tsawrhaq, aqma aqda-anr saef-eu tsawrhaq, aqcawq-anr saef-eu tsawrhaq,

Lormav 14:10

Aerkhawf, nawr aqjeq mirnae nawq-euq maernmr-anr yarkhaq dar-eu le? Nawr aqjeq mirnae nawq-euq maernmr-anr hawdoer-eu le? Aqdui yawqghaq navluf Kali yarkhaq dar-eu nuirmanq-euq maeqshi ya yawfler-eu mae.

Lormav 2:5

Nawr nuima ghanr-awr nuima maq noeqpov maq noeqpar-eu mirnae, Miqyaer nuima paer-eu arnan khoernan-euq gharduq aqyawf nuima paer-eu jeq-anr nawr povuiq luf-eu mae. Khoernan keuvle ngae, Miqyaer tsaq-awr dawr-eu lafkhoer byacaevni yarkhaq dar-eu gar ya’mawr taef-a.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

Yoˇhaˬ 5:27

Khoeruqtaf, aqyawf-aq, Tsawrhaq-euq Zaqyo pyeuf-eu mirnae, aqyawf-anr yarkhaq dar-eu aryaq biftaq-euq mae.

Jaceuq 98:9

Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer dar-awr, Tsawrhaqzaq-anr tiqkawv dini dar taef-a.

Panmaeq 22:20

Garkawv heudeuq sarkir kamq-eu ghaq aer-eu, “Ngar aqdir yawkawr-aer oe ma.” Aqmeq. Sanqpaq Yeqsur-or! Nawr aer-eu lof-aer oe-awq.

Panmaeq 13:11

Khoernar-aq, ngar, mirtsaq-anr nae jeqzaq yawghae yawqmawryawq dovlar-eu gar ya’mawr-euq ma. Jeqzaq heumawr-aq, yawrzaq-euq uqcoer-anr dur-eu uqcoer nyiq coer tsof-awr, dawq-aq, byavyanq lof-aer ngaeq-eu mae.

Yuˇdaˆ 1:16

Tsawrhaq heudeuq-aq, dawqghof dovcoer-awr, aqgeu jeq-anr khawf aerkhar za-eu uqtaf, yawqha kharnoeq kharlov-eu lof-aer daef-eu tsawrhaq mae. Aqyawfmaf dawqma ngaeq-awr jasae-eu lafkhoer khanqsaer jaev-awr, yawqha-anr muiqni aqcawq-anr jaceuq-eu tsawrhaq mae.

1 Gawˇliˬtu 5:13

Aerkhawf, lafnyir paw jawr-eu deuq-anr-aq, Miqyaer yarkhaqdar taef-a. Khoermirnae, “Nawmaf-euq lafkhoer nae tsawrdoer-anr taedzae-awq.” (Dm 17:7)

Jaceuq 149:9

Aqyawf maf-anr boftaq-euq yarkhaq dar-eu jeq bi pyeuflar-eu gharduq; Heu-aq, aqyawf-euq tsawrshawr dawqtawv luf-anr taqhuiq-eu jeq pyeuf-eu mae. Haleluya!

Jaceuq 94:4

Aqyawfmaf dawq ngaeq ngae, janrghae-eu jeq ngaeqdov lef-awr; Yawlaeq yawca kharmr-eu deuq, yawhar yawqha khanqsaer jaev-eu mae.

Jaceuq 73:9

Aqyawf maf-euq khaqmae, mqtav mirkhanq-anr muirni zmq-awr; Aqyawf maf-euq maeqlar-aq, mirtsaq doeni can-eu mae.

Jaceuq 37:6

Aqyawf, nawq-euq tsaq-awr dawr-eu jeq-euq yawshaef bi byalar-awr; Nawq-euq dawr-awr tsaq-eu jeq nan’ghanr lof-aer bi pyeuflar taef-a.

Jaceuq 31:18

Nuima huiq-awr janrghae-eu lafkhoer, Tsaq-awr dawr-eu tsawrhaq-anr hawdoer-awr khanqsaer jaevjaev-aer, Jaqmyawf myawf-eu maeqluq deuq, ciqcur savni bipyeuf-ir-awq.

Jaceuq 139:20

Aqjeq mirnae aernar-aq, Aqyawfmaf, nawq-euq garkawv jadoer jacawv-awr, Nawq-anr muir-eu deuq, nawq-euq tsawrmyanr zmqcawv-eu mae.