Yoˇhaˬ 9:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoernar-aq, aqyawfmaf, myavbaef baefhaw-euq khoerghaq-anr parkur-awr aqyawf-anr aernaeq-eu, “Yawshaef khanqsaer Miqyaer-anr damq-awq, tsawrhaq khoerghaq-aq, iqbaxzaq mae laer nga’maf siqnya ma.”

Akha

²⁴ Dehꞈ le ngeh neh myaˆ behꞈ behꞈ-euˬ tsawˇ haˬ kʼoeˇ gʼaˬ-ahˇ aˬ yawꞈ maꞈ tiˬ poˆ paˇ kuˇ-awˇ ehˇ nehˬ-eu, “Nawˇ dawˇ coe ni ehˇ ma lehˇ Miˬyehˇ mehˬ shi kamˬ-awˬ. Nawˬ-ahˇ myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ iˬ baˇ zaˬ meh lehˇ nga maꞈ siˬ nya ma.”

Yoˇhaˬ 9:24 Referans Kwoze

Yoˇhaˬ 9:16

Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.” Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?” Khoerngae, aqyawf maf-euq yawkaq armur pav-ir-euq mae.

Yoˇhaˬ 19:6

Pirma aqyuif deuq hawr-eu lofpir-eu kuirlaf deuq, Yeqsur-anr ya’mawr ngae gur-awr aer-eu, “Aqyawf-anr lafyaq-euq khoertav tafsaef-awq, aqyawf-anr lafyaq-euq khoertav tafsaef-awq!” Pirlav, aqyawf maf-anr aernaeq-eu, “Nawmaf, aqyawf-anr sheuqghae-awr tafsaef-ir-awq. Ngar-aq, aqyawf-euq lafkhoer yawlaeq tiqjeq-iq maq povmawrnya nya.”

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

Lormav 8:3

Shiqshaq-euq baqda’nae zanrdawq ghaq byaev-eu mirnae, maq mrnya-eu jeq-anr Miqyaer nae mr-euq mae. Iqbax bi shadzae-eu laer Miqyaer, aqyawf-euq Zaqyo-anr iqbaxzaq lof-aer shiqshaq pi-awr bi’oe-awr, shiqshaq-euq lafkhoer anr-eu iqbax-anr yarkhaq darnaeq-euq mae.

Yoˇhaˬ 18:30

Aqyawfmaf aerkhof naeq-eu, “Tsawrhaq teughaq yawdoer jeq maqmr-euq lawnmr-aq, nga’maf, nawr jawr-eu gar maq sheuqha lar-ar.”

Yoˇhaˬ 16:2

Aqcawq, nawmaf-anr zanrdawq khawqnymr-anr nae taedov naeqlaf taef-a. Khoeruqtaf, nawmaf-anr saef-eu aqsur ghaq maqkaq, aqyawf, Miqyaer-euq gar mr-eu ma laer noeq-eu aryamq keuvle luf-eu mae.

Yoˇhaˬ 14:30

Aqkar nar-aq, ngar, nawmaf naeq-aer dawq ghawqmya’ni maqpar ngaeq ma. Aqjeq mirnae aernar-aq, mirtsaq heu-anr uvlanr luf-eu ghaq larluf-eu mae. Aqyawf, ngaq-euq khoertav baoq tiqpawf-iq maqjav-a.

Yoˇhaˬ 8:49

Khoerngae, Yeqsur heulof-aer aerkhof naeq-euq mae: “Ngaq-euq lafkhoer naef maqur. Ngar, ngaqDa-anr taqhuiq taqmanr ma. Aerkhawf, nawmaf, ngaq-anr maq taqhuiq maq taqmanr nga.

Yoˇhaˬ 8:46

Nawmaf, aqsur ghaq, ngar-aq, iqbax anr-eu nga laer toeqmaeq nya-eu le? Ngar yawtsaq yawdawr jeq ngaeq-eu ngeur nar-aq, aqjeq mirnae nawmaf, ngaq-anr maqjan-eu le?

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Luˇkaꞈ 19:7

Tsawrhaq dawqtawvluf khoer-anr ya’mawr ngae jabu jadoer-awr aer-eu, “Aqyawf, iqbaxzaq-euq daqyan geuf-ir-eu nga.”

Luˇkaꞈ 15:2

Khoerngae, Paqliqsaer deuq hawr-eu zanr maeq-eu deuq tor-eu, “Tsawrhaq heughaq-aq, iqbaxzaq-anr hageuf-awr, aqyawfmaf naeq-aer tiqkawv lof-aer hawq par dzaqtaf-eu nga siq.”

Luˇkaꞈ 7:39

Khoerngae, Yeqsur-anr kur-euq Paqliqsaer khoerghaq khoer-anr ya’mawr ngae, nuima-euq lafkhoer noeq-eu, “Tsawrhaq heughaq, Miqyaer gharduq ngaeqdan-eu tsawrhaq ngeur-eu law nar-aq, aqyawf-anr toeqciv luf-eu aqsur ghaq la? Aqjox-aer ghae-eu zaqmiq aqbur tiq ghaq la laer khawf siqnya taef-a. Teughaq-aq, iqbaxzaq tiq ghaq beu nae.”

Maˬkuˆ 15:27

Khoerngae, tanrjoe nyiq ghaq-anr khawf, aqyawf naeq-aer tiqkawv lof-aer armar paw tiq ghaq, arcar paw tiq ghaq laer lafyaq-euq khoertav taftaeq taq-euq mae.

Yoˇhaˬ 9:25

Khoerngae, aqyawf aerkhof naeq-eu, “Aqyawf iqbaxzaq ngeur-eu maqngeur-eu, ngar maqsiq. Ngar siqnya-eu tiqjeq-aq, ngar myavbaef baefhaw-euq khawf, nymq-mr ngar mawrnya lar-euq ma.”

Panmaeq 11:13

Khoerngae yamq-anr, mirluvluv duidui lar-awr, meuq heumeuq tser bymr-anr nae tiq bymr gabyav-euq mae. Mirluv luv-euq baqda’nae, tsawrhaq 7,000 ghaq shir-euq mae. Nuideuq-aq, guv duidui-ir-awr, mq-euq khoertav jawr-eu Miqyaer-anr ciqhuiq ciqmanr-eu mae.