Yoˇhaˬ 9:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.” Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?” Khoerngae, aqyawf maf-euq yawkaq armur pav-ir-euq mae.

Akha

¹⁶ Paˬliˬsehˇ tsawˇ haˬ tiˬ paˆ na deuˬ ehˇ-eu, “Myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ Miˬyehˇ jawˇ gaˇ neh oe-euˬ tsawˇ haˬ maˬ ngeuˇ luꞈ-a. Aˬ jeˬ miˇ neh ehˇ naˇ, Jawˇ nah-ahˇ ya lah ya daw-eu zahˇ sahˇ kʼoꞈ-ahˇ maˬ caw teh ni, maˬ mˇ kʼmˬ-eu jeˬ aˬ yawꞈ mˇ-euˬ nga.” Ehˇ kʼawꞈ, tiˬ paˆ na deuˬ ehˇ-eu, “Iˬ baˇ zaˬ tiˬ gʼaˬ heu naˆ naˆ-ehˇ zahˬ lehˇ paˬ-ehˇ gʼeh-eu jeˬ aˬ joˆ-ehˇ mˇ nya ta.” Aˬ yawꞈ maꞈ kʼoeˇ loꞈ-ehˇ tiˬ gʼaˬ tiˬ jeˬ noeˬ-eu meh.

Yoˇhaˬ 9:16 Referans Kwoze

Yoˇhaˬ 10:19

Khoerngae, dawq khoerdeuq-euq baqda’nae, Yurdav tsawrhaq-euq yawkaq parpav-ir-euq mae.

Yoˇhaˬ 7:43

Khoerngae, Yeqsur-euq baqda’nae, aqyawf maf-euq yawkaq pav-ir-euq mae.

Yoˇhaˬ 7:12

Tsawrhaq armaf deuq-euq yawkaq, aqyawf-euq garkawv lawflawf-aer jaluf-eu mae. Tiqpavnav deuq aer-eu, “Aqyawf-aq, yawmuiq mae.” Yawqdeuqyawq aer-eu, “Maqngeur-a, aqyawf-aq, tsawrhaq-anr sheuqbanq-eu tsawrhaq mae.”

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Maꞈtehˬ 12:2

Paqliqsaer deuq khoer-anr mawr-awr Yeqsur-anr aernaeq-eu, “Hawsher-eq. Nawq-euq zaqlanr deuq landaw jawrnan-anr maq janrkhmq-eu jeq janrluf-eu nga.”

Yoˇhaˬ 15:24

Tsawrhaq tiqghaq nae-iq maq mrhaw-euq gardeuq, ngar, aqyawf maf-euq ghanrcae maqmr-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf gar khoerdeuq-anr ya’mawr-awr, ngaq-anr khawf, ngaqDa-anr khawf byae-eu mae.

Yoˇhaˬ 14:11

Ngar, Aqda-euq lafkhoer jawr-awr, Aqda, ngaq-euq lafkhoer jawr mae laer jan-awq. Maqngeur nar-aq, gar khoerdeuq-euq baqda’nae taef-aer khawf ngaq-anr jan-awq.

Yoˇhaˬ 9:24

Khoernar-aq, aqyawfmaf, myavbaef baefhaw-euq khoerghaq-anr parkur-awr aqyawf-anr aernaeq-eu, “Yawshaef khanqsaer Miqyaer-anr damq-awq, tsawrhaq khoerghaq-aq, iqbaxzaq mae laer nga’maf siqnya ma.”

Yoˇhaˬ 6:52

Khoerngae, Yurdav tsawrhaq, aqyawf maf-euq yawkaq pyaer-eu, “Tsawrhaq teughaq, aqdui maf-anr aqyawf-euq shaqjir aqjox-aer bi dzaqnya-eu gar aer-eu nga?”

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Gʼaˬkʼehˇ 14:4

Aerkhawf, meuq khoermeuq-anr jawr-eu tsawrhaq armaf deuq nyiq mur pav-ir-euq mae. Tiqpav-aq, Yurdav tsawrhaq jawr-eu paw pyawq-awr, tiqpav-aq, ghaqkhaer deuq jawr-eu paw pyawq-euq mae.

Maꞈtehˬ 12:10

Khoergar, aqlaf tiq pyawq shir-euq zaqyo aqli tiq ghaq jawr-eu mae. Tsawrhaq tiqpavnav deuq, Yeqsur-euq yawlaeq pov-awr daqler nya’ni aqyawf-anr narhaq-eu, “Landaw jawrnan ngae nan, nargawr lavsavkhmq mae laq?”

Luˇkaꞈ 13:14

Landaw jawrnan ngae nan, Yeqsur nargawr lavtaq naeq-euq mirnae, zanrdawq khawqnymr-euq aqyuif ghaq nuima paer duidui lar-awr, tsawrhaq armaf mafma-anr aernaeq-eu, “Gar mrnya-eu kof nan jav-eu mae. Khoer kof nan-euq lafkhoer nargawr bi lavtaq lar-awq. Aerkhawf, landaw jawrnan ngae nan mardir-aq taqlar.”

Yoˇhaˬ 2:11

Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.

Yoˇhaˬ 5:10

Khoermirnae, Yurdav tsawrhaq, taqler-euq khoerghaq-anr aernaeq-eu, “Iqnan-aq, landaw jawrnan mae. Nawr yufzar baf-awr maq cankhmq-a.”

Yoˇhaˬ 7:23

Landaw jawrnan ngae nan, tsawrhaq tiq ghaq bawkhov maeqdzaq yaeq-eu khoer, Morseq-euq zanrdawq-anr maqbanqni mrkhmq-eu ngeur nar-aq, landaw jawrnan ngae nan, ngar, tsawrhaq tiq ghaq-euq mawrdo dolan-aer bi taqler jir-euq gar, nawmaf, ngaq-anr nuima paer-eu le lor?