Yoˇhaˬ 8:55 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁵ Nawmaf, aqyawf-anr maq siqnya-aq. Aerkhawf, ngar, aqyawf-anr siqnya ma. ‘Ngar, aqyawf-anr maq siqnya nya’ laer aer lawnmr-aq, ngar khawf nawmaf lof-aer jaqmyawf myawf-eu tsawrhaq pyeuf-eu mae. Ngar, aqyawf-anr siqnya-awr, aqyawf-euq dawq-anr mrcaw-eu ma.

Akha

⁵⁵ Naw maꞈ aˬ yawꞈ-ahˇ maˬ siˬ nya-a. Ehˇ kʼawꞈ, ngaˇ aˬ yawꞈ-ahˇ siˬ nya ma. Aˬ yawꞈ-ahˇ maˬ siˬ nya nya lehˇ ngaˇ ehˇ naˇ, ngaˇ kʼawꞈ naw maꞈ loꞈ-ehˇ jaˬ myawꞈ myawꞈ-eu tsawˇ haˬ-ahˇ duˇ tehꞈ-a. Ngaˇ aˬ yawꞈ-ahˇ a diˇ siˬ nya-awˇ, aˬ yawꞈ-euˬ dawˬ-ahˇ naˇ haˬ geuꞈ luꞈ-eu ma.

Yoˇhaˬ 8:55 Referans Kwoze

Yoˇhaˬ 8:19

Khoerngae, aqyawfmaf, aqyawf-anr aernaeq-eu, “NawqDa aqgeugar jawr-eu la?” Yeqsur aerkhof naeq-eu, “Nawmaf, ngaq-anr maq siqnya-a, ngaqDa-anr khawf maq siqnya-a. Nawmaf, ngaq-anr siqnya lawnmr-aq, ngaqDa-anr khawf siqnya taef-a.”

Yoˇhaˬ 8:44

Nawmaf-aq, nawmaf-euq aqda, naef sanqpaq-anr nae dovle-awr, nawmaf-euq aqda-euq nuikhanr nawmaf mrmawf-eu mae. Aqyawf-aq, yawbae ngae nae tsawrhaq-anr saef-awr, yawtsaq yawdawr-euq lafkhoer maqjawr-a. Aqjeq mirnae aernar-aq, aqyawf-euq lafkhoer yawtsaq yawdawr jeq maqanr-a. Aqyawf jaqmyawf myawf-eu-aq, aqyawf-euq lafkhoer pyeufluf-eu lof-aer myawf-eu mae. Aqjeq mirnae aernar-aq, aqyawf-aq, jaqmyawf myawf-eu ghaq pyeuf-awr, jaqmyawf-euq aqda mae.

Panmaeq 3:9

Aqdir Yurdav tsawrhaq maqngeur-eu gar, Yurdav tsawrhaq ma laer jaqmyawf myawf-eu, naef Saqdaq-euq zanrdawq khawqnymr-anr gawf-eu deuq, nawq-euq aqkuir-euq dawqpae lar-awr awbyavni ngar janr ma. Khoerngae, ngar, nawq-anr gaq-eu ngar-a laer aqyawfmaf yasiq taef-a.

Yoˇhaˬ 8:51

Ngar, nawmaf-anr aqdir aqmar aernaeq nyar, ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya mawr-ar.”

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

1 Yoˇhaˬ 5:10

Miqyaer-euq Zaqyo-anr kharjan-eu tsawrhaq-aq, yawqha-euq lafkhoer sarkir heu anr-eu mae. Miqyaer-anr maqjan-eu tsawrhaq-aq, Miqyaer-anr jaqmyawf myawf-eu ghaq bipyeuf-ir-euq mae. Aqjeq mirnae aernar-aq, Miqyaer, aqyawf-euq Zaqyo-euq garkawv sarkirkamq gar maqjan-a.

Yoˇhaˬ 15:21

Aerkhawf, ngaq-euq tsawrmyanr baqda’nae, khoerdeuq dawqtawvluf, aqyawfmaf, nawmaf-anr janrlar taef-a. Aqjeq mirnae aernar-aq, aqyawfmaf, ngaq-anr khaerghae lef-euq ghaq-anr maq siqnya-a.

1 Yoˇhaˬ 2:22

Jaqmyawf myawf-eu ghaq aqsur ghaq la? Yeqsur-aq, Kali mae laer maq hageuf-eu khoerghaq maqngeur-a lor? Aqda Miqyaer hawr-eu Zaqyo-anr maq hageuf-eu ghaq-aq, Kali-anr muir-eu ghaq mae.

1 Yoˇhaˬ 2:4

“Ngar, aqyawf-anr siqnya ma” laer tiqghaqnav aer-eu khawf, aqyawf nae biftaq-euq dawq-anr maq narhaqgeuf nar-aq, aqyawf-aq, jaqmyawf myawf-eu tsawrhaq pyeuf-awr, aqyawf-euq lafkhoer yawtsaq yawdawr jeq maqanr-a.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Gʼaˬkʼehˇ 17:23

Aqjeq mirnae aernar-aq, ngar doedoe-aer can-awr, nawmaf uqduq tanq-eu jeq-anr haw ngae: NGA’MAF MAQ SIQNYA-EU MIQYAER-EUQ GHARDUQ laer bofmyanq taq-euq lawrduq tiq tsanr-anr ngar mawr-euq ma. Khoermirnae, nawmaf maq siqnya-eu khawf uqduq tanqluf-eu Miqyaer heughaq-euq garkawv, ngar, nawmaf-anr ja’maeqnaeq mawf mir-a:

Yoˇhaˬ 17:25

Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Yoˇhaˬ 16:3

Aqyawfmaf, Aqda-anr maq siqnya-aer, ngaq-anr khawf maq siqnya-euq mirnae, nawmaf-anr khoerlof-aer janrlar taef-a.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Yoˇhaˬ 10:15

Khoerlof-aer durni, Aqda, ngaq-anr siqnya-awr, ngar khawf Aqda-anr siqnya-eu ma. Ngar, ngaq-euq daefzir yawrdeuq-euq gharduq shirdan peuq-eu ma.

Yoˇhaˬ 8:29

“Ngaq-anr khaerghae lef-euq ghaq, ngaq naeq-aer jawrluf-eu mae. Aqda Miqyaer, ngaq-anr byaerdzae-awr, ngar tiq ghaq taef-aer maqbi jawrnaeq laf-a. Aqjeq mirnae aernar-aq, ngar aqmyanluf aqyawf nuima tsaq-eu heudeuq mrluf-eu ma.”

Yoˇhaˬ 6:46

Tsawrhaq tiqghaq-iq Aqda Miqyaer-anr maq mawrhaw-aq, Miqyaer jawr-eu gar nae oe-euq ghaq taef-aer Aqda Miqyaer-anr mawrhaw-euq mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Luˇkaꞈ 10:22

Heudeuq dawqtawvluf ngaqDa nae, ngaq-anr bifnaeq laf-euq mae. Aqda maqngeur nar-aq, Zaqyo aqsur ghaq-a laer tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda aqsur ghaq-a laer tiqghaq-iq maq siqnya-a.”

Yoˇhaˬ 8:52

Khoerngae, Yurdav tsawrhaq, Yeqsur-anr heulof-aer aernaeq-euq mae: “Nymq-mr pov-aq, nawq-euq lafkhoer naef ur-eu nga laer, nga’maf siqnya ma. Aqbyaqhaq shir-awr, Miqyaer gharduq ngaeqdan-eu tsawrhaq deuq khawf shirjir-euq mae. Nawr, ‘Ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya myeufhaw-ar’ laer aer-eu beu.

1 Yoˇhaˬ 1:6

Aqdui, Miqyaer naeq-aer cawq cawqluf ma laer aer-eu gar nae, yawzanr-euq lafkhoer daefluf nar-aq, aqdui jaqmyawf myawf-awr, yawtsaq yawdawr-euq lafkhoer daefluf-eu maqngeur-a.