Yoˇhaˬ 8:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aqyawfmaf Yeqsur-anr aerkhof naeq-eu, “Aqbyaqhaq-aq, nga’maf-euq aqda ma.” Yeqsur, aqyawf maf-anr heulof-aer aernaeq-euq mae, “Nawmaf, Aqbyaqhaq-euq zaq ngeur nar-aq, nawmaf, Aqbyaqhaq-euq gardeuq mr taef-a.

Akha

³⁹ Aˬ yawꞈ maꞈ Yeˬsuˇ-ahˇ ehˇ-eu, “Nga maꞈ-euˬ aˬ da-aˬ, Aˬbyaˬhaˬ ma.” Yeˬsuˇ ehˇ-eu, “Naw maꞈ maˇ maˇ ni Aˬbyaˬhaˬ-euˬ zaˬ ma lehˇ ngeuˇ naˇ, aˬ yawꞈ neh mˇ-euˬ jeˬ naw maꞈ mˇ tehꞈ-a.

Yoˇhaˬ 8:39 Referans Kwoze

Gaˬlaˬtiˆ 3:7

Khoermirnae, jan-eu jeq anr-eu tsawrhaq deuq-aq, Aqbyaqhaq-euq zaqdeuq mae laer nawmaf siqnya-awq.

Lormav 9:7

Aqbyaqhaq-euq aryoeq pyeuf-eu khawf, dawqtawvluf, aqyawf-euq zaq pyeuf-eu maqngeur-a. “Irtsav-euq aryoeq taef-aer nawq-euq zaq laer sawxnya-eu mae,” (Adb 21:12) laer aertaq-euq mae.

Yoˇhaˬ 8:37

“Nawmaf-aq, Aqbyaqhaq-euq zaqdeuq uvdeuq mae laer ngar siqnya ma. Aerkhawf, ngaq-euq dawq nawmaf-euq lafkhoer jawrkhar maqza-eu mirnae, nawmaf, ngaq-anr saef-eu laer jawqluf-eu mae.

Maꞈtehˬ 5:45

Khoerlof-aer mr nar-aq, nawmaf-aq, mq-euq khoertav jawr-eu Aqda-euq zaqdeuq pyeuf-eu mae. Aqjeq mirnae aernar-aq, aqyawf-aq, tsawrmuiq-euq gharduq khawf tsawrdoer-euq gharduq khawf nanrma bi dovlar-awr, tsaq-awr dawr-eu tsawrhaq-euq khoertav khawf, maqtsaq maqdawr-eu tsawrhaq-euq khoertav khawf uqyaer bi yaerle-eu mae.

Maꞈtehˬ 3:9

‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq zaq bi pyeuflar nya-eu mae.

Gaˬlaˬtiˆ 3:29

Nawmaf Kali-anr taf-eu tsawrhaq ngeur nar-aq, Aqbyaqhaq-euq aryoeq pyeuf-awr, dawqma sarjax aertaq-euq lof-aer jeqbir of-eu tsawrhaq mae.

Lormav 4:16

Khoermirnae, jan-eu baqda’nae jeqbir za-eu mae. Jan-eu lafkhoer sarjax aertaq-euq lof-aer aryoeq dawqtawvluf za’nya-eu khoer-aq, guiqlanq yawdzanr baqda’nae nga laer bi dovlar-eu gharduq mae. Zanrdawq-anr ghoe-eu tsawrhaq taef-aer sarjax za-eu maqngeur-aer, aqdui dawqtawv luf-euq aqda yawdzanr Aqbyaqhaq jan-eu lof-aer kharjan-eu tsawrhaq yawqghaq navluf za-eu mae.

Lormav 4:12

Khoeruqtaf, bawkhov maeqdzaq yaeq-euq tsawrhaq-euq aqda yawdzanr khawf pyeuf-eu mae. Aqyawf maf-aq, bawkhov maeqdzaq yaeq-euq taef-aer maqngeur-aer, aqdui-euq aqda Aqbyaqhaq bawkhov maeqdzaq maqyaeq-euq minav-aer, jan-eu lof-aer jan-awr, aqyawf-euq aqkuir paeqzar maeqnan cantae-eu tsawrhaq mae.

Yoˇhaˬ 8:33

Aqyawfmaf, aqyawf-anr aerkhof naeq-eu, “Nga’maf-aq, Aqbyaqhaq-euq zaqdeuq uvdeuq ma. Tiqjawr-iq, aqcawq-euq zaqkhav maq geufhaw-aq. ‘Nawmaf-anr puirpyaeq naeqlaf taef-a’ laer nawr aqjox-aer aernya-eu le?”

Yoˇhaˬ 8:43

Ngar aer-eu dawq-anr nawmaf aqjeq mirnae maq ghovshaw nya-eu nya? Ngaq-euq dawq nawmaf maq narhaq coer-eu mirnae mae.

Yoˇhaˬ 8:56

Nawmaf-euq aqda Aqbyaqhaq-aq, ngaq-euq arnan-anr ya’mawr taef-a laer laqkhaq caer-eu mae. Aqyawf khoer-anr ya’mawr-awr laqkhaq caer-eu mae.”