Yoˇhaˬ 8:37 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ “Nawmaf-aq, Aqbyaqhaq-euq zaqdeuq uvdeuq mae laer ngar siqnya ma. Aerkhawf, ngaq-euq dawq nawmaf-euq lafkhoer jawrkhar maqza-eu mirnae, nawmaf, ngaq-anr saef-eu laer jawqluf-eu mae.

Akha

³⁷ Naw maꞈ-aˬ, Aˬbyaˬhaˬ-euˬ zaˬ deuˬ uˆ deuˬ meh lehˇ ngaˇ siˬ nya ma. Ehˇ kʼawꞈ, naw maꞈ ngaˬ-ahˇ sehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ ha geuꞈ-a.

Yoˇhaˬ 8:37 Referans Kwoze

1 Gawˇliˬtu 2:14

Aerkhawf, Miqyaer-euq Saflar-anr taf-eu deuq-anr maq daefpov-euq tsawrhaq maq hageuf nya-a. Khoerdeuq-aq, aqyawf-euq gharduq aqdzawq argan-euq dawq lof-aer pyeuf-awr aqyawfmaf, garkawv heudeuq-anr maq ghovshaw nya-a. Aqjeq mirnae aernar-aq, saflar paw tserpav birpav nya-eu tsawrhaq taef-aer heudeuq-anr ghovshaw nya-eu mae.

Lormav 9:7

Aqbyaqhaq-euq aryoeq pyeuf-eu khawf, dawqtawvluf, aqyawf-euq zaq pyeuf-eu maqngeur-a. “Irtsav-euq aryoeq taef-aer nawq-euq zaq laer sawxnya-eu mae,” (Adb 21:12) laer aertaq-euq mae.

Yoˇhaˬ 7:1

Khoernar-aq, Yeqsur, Gaqliqlaer mirkhanq doedoe-aer can-euq mae. Yurdav tsawrhaq, aqyawf-anr saef-eu laer jawq-eu mirnae, aqyawf, Yurdav mirkhanq-anr maq canmawf-a.

Yoˇhaˬ 8:59

Khoer baqda’nae, aqyawfmaf khaqlo ghov-awr, aqyawf-anr biq-eu laer ghae-eu mae. Aerkhawf, Yeqsur, aqyawf maf-anr maqbi mawrni, aqyawf maf-euq ghanrcae nae irpav-awr irdzeur ghae-awr nae, uqduq tanqnymr nymrma-anr nae dov-ir-euq mae.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Yoˇhaˬ 8:43

Ngar aer-eu dawq-anr nawmaf aqjeq mirnae maq ghovshaw nya-eu nya? Ngaq-euq dawq nawmaf maq narhaq coer-eu mirnae mae.

Yoˇhaˬ 11:53

Khoerngae nan-anr nae nar-aq, aqyawfmaf, Yeqsur-anr saef ma laer bawqdzaq tsaev-euq mae.

Yoˇhaˬ 7:19

Morseq, nawmaf-anr zanrdawq bif-euq maqngeur-a lor? Aerkhawf, nawmaf tiqghaq-iq zanrdawq-euq maeqnan maq cantae-a. Ngaq-anr aqjeq mirnae saef-eu laer jawq-eu le?”

Yoˇhaˬ 10:31

Khoerngae, Yurdav tsawrhaq khaqlo parghov-awr, aqyawf-anr biqsaef-eu laer ghae-eu mae.

Yoˇhaˬ 8:6

Aqyawfmaf khoerlof-aer aer-eu-aq, aqyawfmaf tiqjeqnav zmq-awr, Yeqsur-anr iqbax taqnya’ni tsermr haw-eu jeq pyeuf-eu mae. Aerkhawf, Yeqsur maqgaq-euq geuf-awr, awkhof-awr nae, aqyawf-euq lafnoer nae mirtsa bof-euq mae.

Yoˇhaˬ 7:25

Yeqlursaqlaeq-anr jawr-eu tsawrhaq tiqpavnav deuq heulof-aer aer-eu mae, “Aqyawfmaf saef-eu laer jawqluf-eu khoerghaq, teughaq maqngeur-a lor?

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

Maꞈtehˬ 13:15

Aqjeq mirnae aernar-aq, Tsawrhaq heudeuq-euq nuima ghanr-ir-awr, Naqbawr naqbar bar-ir-awr, Myavnuiv mivtaeq taq-euq mae. Khoerlof-aer maqghae lawnmr-aq, Aqyawfmaf, ngar jawr-eu paw pyawrlar taef-a. Ngar, aqyawf maf-anr bi taqler-eu ma. Khoerngae, aqyawf maf-euq myavnuiv mawrlar-awr, naqbawr coerlar taef-a. Nuima khawf noeqsiq nyalar taef-a.’ (Isy 6:9-10)

Yoˇhaˬ 8:33

Aqyawfmaf, aqyawf-anr aerkhof naeq-eu, “Nga’maf-aq, Aqbyaqhaq-euq zaqdeuq uvdeuq ma. Tiqjawr-iq, aqcawq-euq zaqkhav maq geufhaw-aq. ‘Nawmaf-anr puirpyaeq naeqlaf taef-a’ laer nawr aqjox-aer aernya-eu le?”

Maꞈtehˬ 3:9

‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq zaq bi pyeuflar nya-eu mae.

Yoˇhaˬ 8:56

Nawmaf-euq aqda Aqbyaqhaq-aq, ngaq-euq arnan-anr ya’mawr taef-a laer laqkhaq caer-eu mae. Aqyawf khoer-anr ya’mawr-awr laqkhaq caer-eu mae.”

1 Yoˇhaˬ 2:14

Aqda deuq-or! Nawmaf ardanqbae ngae nae daefluf-eu ghaq-anr siqnya-euq mirnae, ngar, nawmaf-anr sanqbof bofanr lef-euq ma. Zaqguq deuq-or! Nawmaf ghaq khav-eu mirnae, ngar, nawmaf-anr sanqbof bofanr lef-euq ma. Miqyaer-euq dawq aqmyanluf nawmaf-euq lafkhoer anr-awr, nawmaf yawcawv ghaq-anr ghaqler-euq mae.