Yoˇhaˬ 8:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Nawmaf, yawtsaq yawdawr-anr siqnya ngae, yawtsaq yawdawr, nawmaf-anr puirpyaeq naeqlaf taef-a.”

Akha

³² Yaw tsaˬ yaw dawˇ jeˬ-ahˇ naw maꞈ siˬ nya laˇ-awˇ, yaw tsaˬ yaw dawˇ jeˬ naw maꞈ-ahˇ bi buˬ-iˇ tehꞈ-a.”

Yoˇhaˬ 8:32 Referans Kwoze

Lormav 8:2

Aqjeq mirnae aernar-aq, muiq-eu Saflar-euq zanr-aq, ngaq-anr Yeqsur Kali-euq lafkhoer daef-eu jeq bif-awr, iqbax hawr-eu shir-eu jeq-euq zanr-anr nae bibuq-ir naeqlaf-euq mae.

Yoˇhaˬ 8:36

Khoermirnae, Zaqyo, nawmaf-anr puirpyaeqnaeq nar-aq, nawmaf aqdir yabuq-ir taef-a.

Yoˇhaˬ 17:17

Nawq-euq yawtsaq yawdawr nae aqyawf maf-anr lavshawr naeq-awq. Nawq-euq dawq-aq, yawtsaq yawdawr mae.

1 Beˬtuˆluˆ 2:16

Nawmaf buq-ir-euq tsawrhaq mae. Aerkhawf, buq-ir-euq gar daeqlaef-awr maqmuiq maqjaq-eu jeq mrmr-aer maqdaefni, Miqyaer-euq kuirlaf zaqkhav lof-aer daef-awq.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Lormav 6:22

Aerkhawf, nymq-mr nawmaf iqbax-anr nae buq-ir-awr, Miqyaer-euq zaqkhav pyeuflar-euq mirnae, shawr-eu arsiq siqle luf-eu mae. Heu-euq arsaq saqduq-aq, mqmaq maqbyav yarzir daef-eu jeq za-eu mae.

Jaceuq 25:5

Ngaq-anr nawq-euq yawtsaq yawdawr-euq lafkhoer sheuqghae naeqlaf-awr, ngaq-anr maeqnaeq laf-awq; Aqjeq mirnae aernar-aq, nawr-aq, ngaq-anr bibuq-ir-eu Miqyaer mae; Nan’ga-i ngar, nawq-anr dawqluf-eu ma.

Yaˬkoˆ 1:25

Bibuq-ir-eu, byan duidui-eu zanrdawq-anr hawduq taq-euq uqtaf, aqmyanluf mrcaw-eu tsawrhaq-aq, aqyawf yagaq-awr maqngaerni mrdov shardov laf-eu mae. Khoerlof-aer ghae-eu tsawrhaq-aq, aqyawf mr-awr shar-eu yawqjeq navluf-euq lafkhoer guiqlanq baw taef-a.

Gaˬlaˬtiˆ 5:1

Aqdui buq-ir-euq tsawrhaq pyeufni, Kali, aqdui-anr bibuq-ir naeqlaf-euq mae. Khoermirnae, zifdanni jawr-awr zaqkhav-euq khavbaf taqpar baf.

Yaˬkoˆ 2:12

Aqkar, nawmaf bibuq-ir-eu zanrdawq-anr ghoe-awr yarkhaq yabi dar-eu lof-aer ngaeq-awr tmr-awr, mr-awr shar-awq.

Gaˬlaˬtiˆ 5:13

Aqyuif aqnyir deuq-or! Nawmaf buq-ir-euq tsawrhaq bipyeuf-eu laer Miqyaer, nawmaf-anr kur-euq mae. Aerkhawf, buq-ir-euq khoer-anr shiqshaq-euq nuilov gharduq taqzmq. Gaq-eu lafkhoer, tiqghaq tirghaq-euq kuirlaf zaqkhav geufnaeq-awq.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Lormav 8:15

Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

Yoˇhaˬ 16:13

Aerkhawf, yawtsaq yawdawr-euq Saflar oekeuv ngae, nawmaf yawtsaq yawdawr dawqtawv luf-anr siqnya larni aqyawf sheuqmaeq naeqlaf taef-a. Aqjeq mirnae aernar-aq, aqyawf-aq, aqyawf-euq aryaq zmq-awr maqngaeq-a. Aerkhawf, aqyawf nae kharya gaq-euq jeq aqyawf ngaeq-awr, aqkar pyeuflar-eu garkawv deuq khawf, aqyawf, nawmaf-anr aernaeqlaf taef-a.

Dawqdaq 1:23

Ngaq-euq maeqpar-eu dawq-euq baqda’nae pyawrlar-awq. Ngar, ngaq-euq saflar, nawmaf-euq khoertav aqdir shaevdav naeq-awr, Ngaq-euq dawq nawmaf-anr bi siqnya ma.

2 Tiˆmoˇseˬ 3:7

Aqyawf maf-aq, aqmyanluf dzawluf-eu khawf, yawtsaq yawdawr jeq-anr tiqjawr-iq maq siqnya lar-a.

Jaceuq 119:45

Ngar, nawq-euq maeqdawq-anr povtser-eu mirnae, Buq-ir-euq tsawrhaq lof-aer yadaef ma.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

Dawqdaq 1:29

Aqjeq mirnae aernar-aq, Aqyawfmaf, siqnya-eu tsawrganr-anr byae-awr, Ya’we Miqyaer-anr guv-eu jeq-anr maq tsergeuf-a.

Yoˇhaˬ 6:45

Miqyaer gharduq ngaeqdan-eu deuq-euq sanqbof-euq lafkhoer, ‘Miqyaer, tsawrhaq yawqghaq navluf-anr maeqnaeq taef-a,’ (Isy 54:13) laer boftaq-euq mae. Khoermirnae, Aqda Miqyaer maeq-eu dawq-anr yagaq-awr dzawgeuf-euq tsawrhaq yawqghaq navluf ngar jawr-eu gar lar taef-a.

Maꞈtehˬ 11:29

Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

1 Gawˇliˬtu 7:22

Aqjeq mirnae aernar-aq, zaqkhav geufluf ngae, Sanqpaq Miqyaer kur-euq tsawrhaq-aq, Sanqpaq Miqyaer-euq buq-ir-euq tsawrhaq pyeuf-eu mae. Khoerlof-aer durni, buq-ir-euq tsawrhaq pyeufluf ngae, Sanqpaq Miqyaer kur-euq tsawrhaq-aq, Kali-euq zaqkhav pyeuflar-euq mae.

2 Yoˇhaˬ 1:1

Ngar-aq, aqyuif aqtsu ma. Miqyaer nae tserdov taq-euq zaqmiq tiq ghaq-anr hawr-eu aqyawf-euq zaqdeuq-anr sanqbof bofanr lef-euq ma. Yawtsaq yawdawr-euq lafkhoer, ngar, nawmaf-anr gaq-eu ma. Ngar taef-aer gaq-eu maqngeur-eu, yawtsaq yawdawr jeq-anr siqnya-eu tsawrhaq dawqtawvluf khawf gaq-eu mae.