Yoˇhaˬ 8:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoermirnae, ngar, nawmaf-anr, ‘Nawmaf-aq, nawmaf-euq iqbax-euq lafkhoer yashir taef-a’ laer aernaeq-euq ma. Ngaq-anr khoerghaq ngar-a laer nawmaf maqjan nar-aq, nawmaf-aq, nawmaf-euq iqbax-euq lafkhoer yashir taef-a.”

Akha

²⁴ Kʼoeˇ miˇ neh, naw maꞈ-euˬ iˬ baˇ laꞈ kʼoeˇ naw maꞈ ya shiˇ meh lehˇ ngaˇ ehˇ-eu ma. ‘Ngaˇ ehˇ luꞈ-eu kʼoeˇ gʼaˬ ngaˇ meh’ lehˇ naw maꞈ maˬ jah naˇ, naw maꞈ yawˬ ha-euˬ iˬ baˇ laꞈ kʼoeˇ ya shiˇ tehꞈ-a.”

Yoˇhaˬ 8:24 Referans Kwoze

Yoˇhaˬ 3:36

Zaqyo-anr jan-eu tsawrhaq-aq, mqmaq maqbyav yarzir daef-eu jeq za-eu mae. Zaqyo-anr maqjan-eu tsawrhaq-aq, daef-eu jeq-anr maqya mawr-eu uqtaf, Miqyaer nuima paer-eu jeq, yawqjawr navluf aqyawf-euq khoertav javluf-eu mae.”

Yoˇhaˬ 3:18

“Aqyawf-anr kharjan-eu tsawrhaq-aq, yarkhaq dar-eu gar maqya daq-a. Aerkhawf, maqjan-eu tsawrhaq-aq, yarkhaq dar-eu gar daqluf-eu mae. Aqjeq mirnae aernar-aq, aqyawf, Miqyaer-euq Zaqyo tiq ghaq taef-euq tsawrmyanr-anr maqjan-a.

Maˬkuˆ 16:16

Jan-awr bartirsaq hageuf-eu tsawrhaq-aq, kakhof-eu jeq za taef-a. Aerkhawf, maqjan-eu tsawrhaq-aq, yarkhaq dar-eu gar yadaq taef-a.

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?

Dawqdaq 8:36

Aerkhawf, ngaq-anr iqbax mr-eu tsawrhaq-aq, Yawqha-euq nuima saflar-anr yawqha mrbanq-euq mae. Ngaq-anr kharbyae-eu tsawrhaq-aq, shir-eu jeq-anr gaq-eu mae.”

Yoˇhaˬ 13:19

Garkawv heudeuq pyeuflar ngae, ngar-aq, khoerghaq ngar-a laer nawmaf janni, nymq-mr maq pyeuflar-euq minav-aer, ngar, nawmaf-anr aernaeq-eu ma.

Yoˇhaˬ 4:26

Yeqsur, aqyawf-anr aernaeq-eu, “Nawq naeq-aer dawq ngaeqcawq luf-eu ngar-aq, Meqsirya ma.”

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

Yoˇhaˬ 8:21

Khoerngae, Yeqsur, aqyawf maf-anr par aernaeq-eu, “Ngar dov-ir luf-eu ma. Nawmaf, ngaq-anr sharpov taef-a. Aerkhawf, nawmaf-aq, nawmaf-euq iqbax-euq lafkhoer yashir taef-a. Ngar ir-eu gar nawmaf maqoe nya-ar.”

Gʼaˬkʼehˇ 4:12

Aqyawf-euq lafkhoer maqngeur nar-aq, nuighaq tiqghaq-iq kakhof-eu jeq maqanr-a. Aqjeq mirnae aernar-aq, mq-euq uqmov, aqdui-anr bibuq-ir nya-eu tsawrmyanr yawqmyanryawq maqbif taq-aq.”

Maˬkuˆ 13:6

Tsawrhaq ghawqmya’ni ngaq-euq tsawrmyanr zmqzmq-aer, ‘Ngar-aq, Kali ma’ laer aeraer-aer, tsawrhaq ghawqmya ni-anr sheuqbanqghae taef-a.

Luˇkaꞈ 21:8

Yeqsur heulof-aer aernaeq-euq mae, “Aqcawq nae nawmaf-anr maershuir maqya bi shuirtawvni yanr-awq. Aqjeq mirnae aernar-aq, tsawrhaq ghawqmya’ni ngaq-euq tsawrmyanr-anr ghoeghoe-aer, ‘Ngar-aq, Kali ma’ laer aer-awr, ‘Aryamq dawqpae paele-euq mae’ laer aer taef-a. Khoermirnae, aqyawf maf-euq maeqnan taqcan taeghae.

Maꞈtehˬ 24:5

Aqjeq mirnae aernar-aq, tsawrhaq ghawqmya’ni, ngaq-euq tsawrmyanr-euq lafkhoer oe-awr, ‘Ngar-aq, Kali ma’ laer aeraer-aer, tsawrhaq ghawqmya ni-anr sheuqbanqghae taef-a.

Yoˇhaˬ 8:25

Khoerngae, aqyawfmaf, Yeqsur-anr aernaeq-eu, “Nawr aqsur ghaq le?” Yeqsur heulof-aer aer-eu mae, “Yawbae ngae nae, ngar, nawmaf-anr aernaeq luf-eu lof-aer ma.

Yoˇhaˬ 8:28

Khoermirnae, Yeqsur, aqyawf maf-anr heulof-aer aernaeq-euq mae: “Nawmaf, Tsawrhaq-euq Zaqyo-anr khanqtur ngae, ngar-aq, khoerghaq ngar-a laer siqnya-eu uqtaf, ngar-aq, yawqha yawqha taef-aer tiqjeq-iq maqmr-aer, ngaqDa nae ngaq-anr maeq-euq lof-aer ngar heudeuq aer-eu ngar-a laer nawmaf yasiq taef-a.

Yoˇhaˬ 8:58

Yeqsur, aqyawf maf-anr aernaeq-eu, “Ngar, nawmaf-anr aqdir aqmar aernaeq nyar, Aqbyaqhaq maq daefle-euq minav-aer ngar-aq, jawrluf-eu ma.”