Yoˇhaˬ 8:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, Yurdav tsawrhaq aer-eu, “Aqyawf, yawqhar yawqha saef-eu laer ghae-eu mirnae, ‘Ngar ir-eu gar nawmaf maqoe nya-ar’ laer aer-eu nga lor?”

Akha

²² Kʼoeˇ ngeh, Yuˇdaˆ tsawˇ haˬ aˬ yuiꞈ aˬ tsu deuˬ ehˇ-eu, “Aˬ yawꞈ le-eu jawˇ duˬ-ahˇ aˬ dui maˬ le nya-aˇ lehˇ ehˇ-eu teu, aˬ yawꞈ yawˬ haˇ yawˬ ha sehꞈ ma lehˇ ehˇ mawꞈ law hawˇ maˬ siˬ.”

Yoˇhaˬ 8:22 Referans Kwoze

Yoˇhaˬ 8:52

Khoerngae, Yurdav tsawrhaq, Yeqsur-anr heulof-aer aernaeq-euq mae: “Nymq-mr pov-aq, nawq-euq lafkhoer naef ur-eu nga laer, nga’maf siqnya ma. Aqbyaqhaq shir-awr, Miqyaer gharduq ngaeqdan-eu tsawrhaq deuq khawf shirjir-euq mae. Nawr, ‘Ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya myeufhaw-ar’ laer aer-eu beu.

Yoˇhaˬ 8:48

Khoerngae, Yurdav tsawrhaq, aqyawf-anr aerkhof naeq-eu, nga’maf, “Nawr-aq, Saqmaqliv tsawrhaq pyeuf-eu uqtaf, naef ur-eu nga laer aer-eu khoer, tsaq-eu maqngeur-a lor?”

Jaceuq 22:6

Aerkhawf, ngar-aq, tsawrhaq baqmaf hawdoer-awr, tsawrhaqzaq aerdoerduq pyeuf-eu; Tsawrhaq maqngeur-eu aqjuq tiq mawr-anr dur-eu taef mir-a.

HeˬByehˇ 13:13

Khoermirnae, aqdui khawf, saeqghawv-euq lafnyir paw aqyawf jawr-eu gar ir-awr, aqcawq yaeqbawq-aer ghaelar-eu gar Yeqsur daq-euq lof-aer, aqdui khawf daq-ir kar-eur.

HeˬByehˇ 12:3

Nawmaf-euq nuima ghaq maqya baq-ir-aer, nuima maqya cawv-ir ni, Kali, aqyawfghaq khawf iqbaxzaq muir-awr janrnaeq-eu gar daqdzeur nya-euq garkawv-anr sharnoeqhaw sher-eq.

Yoˇhaˬ 10:20

Aqyawfmaf ghawqmya ghaq aer-eu, “Aqyawf-aq, naef ur-awr uqtsaev-euq nga. Nawmaf, aqyawf-euq dawq-anr aqjeq mirnae narhaq-eu le?”

Yoˇhaˬ 7:35

Khoerngae, Yurdav tsawrhaq-euq yawkaq heulof-aer aer-eu mae, “Aqduimaf, aqyawf-anr maq povmawr nya’ni, aqyawf aqgeugar ir-eu laer aer-eu nga? Heqlaqsar tsawrhaq-euq ghanrcae jawrbyav taq-euq deuq jawr-eu gar ir-awr, Heqlaqsar tsawrhaq deuq-anr maeqnaeq tsovnaeq-ir-eu laer aer-eu nga lor?

Yoˇhaˬ 7:20

Tsawrhaq khoerdeuq aerkhof naeq-eu, “Nawr-aq, naef ur-eu ngar-a. Aqsur ghaq, nawq-anr saef-eu laer jawqluf-eu la?”

Jaceuq 123:4

Nuima huiq-eu tsawrhaq hawteq hawdoer lar-awr, Sarsuqni daef-eu deuq dawqdoer ngaeq-eu gar, Nga’maf-euq nuima saflar maq daqcoerni, ardzaeq dzeurlar taq-euq nya.

Jaceuq 31:18

Nuima huiq-awr janrghae-eu lafkhoer, Tsaq-awr dawr-eu tsawrhaq-anr hawdoer-awr khanqsaer jaevjaev-aer, Jaqmyawf myawf-eu maeqluq deuq, ciqcur savni bipyeuf-ir-awq.

Yoˇhaˬ 1:19

Heu-aq, Yorhaq nae kamq-euq sarkir deuq mae. Khoerngae, Yeqlursaqlaeq-anr jawr-eu Yurdav tsawrhaq nae, Yorhaq jawr-eu gar pirma deuq hawr-eu Leqbir tsawrhaq deuq-anr khaerghae-awr, aqyawf-anr heulof-aer bi narhaq-ir-euq mae, “Nawr aqsur ghaq le?”