Yoˇhaˬ 8:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Yeqsur, uqduq tanqnymr nymrma-euq lafkhoer pyurdamq bawqkeuv baftaq-euq tsanr-anr jawr-awr, dawq heudeuq maeqnaeq tsovnaeq-eu lafkhoer ngaeq-euq mae. Aqyawf-euq aryamq maq tsaqlar-euq mirnae, tsawrhaq tiqghaq-iq aqyawf-anr maqnyaef-a.

Akha

²⁰ Yeˬsuˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ daˬ bahˬ keuˆ deuˬ baꞈ taˬ-euˬ lawˆ-ahˇ jawˇ-awˇ, gaˇ kawˆ kʼoeˇ deuˬ mehˬ nehˬ tsoˆ nehˬ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ aˬ yawꞈ-ahˇ maˬ nyehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˇ yamˬ maˬ keuˆ laˇ-euˬ miˇ neh meh.

Yoˇhaˬ 8:20 Referans Kwoze

Yoˇhaˬ 7:30

Khoer-euq baqda’nae, aqyawfmaf, aqyawf-anr nyaef-eu laer jawq-eu mae. Aerkhawf, aqyawf-euq aryamq maq tsaqlar-euq mirnae, aqyawf-anr tiqghaq-iq maqnyaef-a.

Yoˇhaˬ 7:8

Nawmaf yawbui bui-eu gar le-awq. Ngaq-euq aryamq yawmuiq-aer maq tsaqlar-euq mirnae, ngar yawbui bui-eu gar maqle siq.”

Maˬkuˆ 12:41

Khoerngae, Yeqsur pyurdamq dawvduq-euq dawrnaq-aer nuir-awr, pyur damqlar-eu tsawrhaq deuq pyurdamq aqjox-aer damq-eu nga laer hawluf-eu mae. Smrmuiq smrbaw ghawqmya ghaq pyur ghawqmya’ni dawvanr-eu mae.

Yoˇhaˬ 7:44

Tiqpavnav deuq, aqyawf-anr nyaefmawf-eu mae. Aerkhawf, tiqghaq-iq aqyawf-anr maqnyaef-a.

Maˬkuˆ 12:43

Yeqsur, aqyawf-euq zaqlanr deuq-anr kurlaf-awr heulof-aer aernaeq-euq mae, “Ngar, nawmaf-anr aqdirma-aer aernaeq nyar, irshaq irtaw miqcoeq miqma heughaq-aq, pyurdamq khar dawvlar-euq tsawrhaq dawqtawv luf-euq myavmaqtser dawv-euq mae.

Maꞈtehˬ 27:6

Aerkhawf, Pirma aqyuif deuq, pyur khoer ghovkhof-awr aer-eu, “Pyur heu-aq, shiq-euq arpoeq mirnae, uqduq tanqnymr nymrma-euq pyur naeq-aer maq dawvkeuq khmq-a.”

Yoˇhaˬ 10:39

Khoerngae, aqyawfmaf, aqyawf-anr nyaef-eu laer parghae-eu mae. Aerkhawf, aqyawf, aqyawf maf-euq aqlaf-anr nae dzeur-ir-euq mae.

Yoˇhaˬ 8:59

Khoer baqda’nae, aqyawfmaf khaqlo ghov-awr, aqyawf-anr biq-eu laer ghae-eu mae. Aerkhawf, Yeqsur, aqyawf maf-anr maqbi mawrni, aqyawf maf-euq ghanrcae nae irpav-awr irdzeur ghae-awr nae, uqduq tanqnymr nymrma-anr nae dov-ir-euq mae.

Luˇkaꞈ 20:19

Zanr maeq-eu deuq hawr-eu pirma aqyuif deuq, Yeqsur-aq, yawjeq majeq dawq-anr nae maeq-eu heu, aqyawf maf-anr ngaeqcoeq mawf-eu nga laer siqnya-eu mirnae, khoerngae yamq-anr nae nar-aq, Yeqsur-anr nyaefmawf-eu mae. Aerkhawf, aqyawfmaf, tsawrhaq baqmaf-anr guv-eu mae.

Maꞈtehˬ 26:55

Khoerngae yamq-anr, Yeqsur, tsawrhaq-euq baqmaf khoermaf-anr heulof-aer aernaeq-euq mae, “Nawmaf, tanrjoe-anr nyaef-ir-eu lof-aer micaer baf-awr darkawq gheu-awr ngaq-anr nyaefle-euq le lor? Ngar yawqnan navluf uqduq tanqnymr nymrma-euq lafkhoer nuir-awr maeqnaeq tsovnaeq-eu khawf, nawmaf, ngaq-anr maqnyaef-a.

Luˇkaꞈ 21:1

Yeqsur hawghae ngae, smrmuiq smrbaw deuq pyurdamq dawvduq-anr pyur dawvanr luf-eu gar ya’mawr-euq mae.

Yoˇhaˬ 2:4

Yeqsur, aqyawf-anr aernaeq-eu, “Zaqmiq aqbur-or! Nawr, ngaq-anr aqjeq taf-eu le? Ngaq-euq aryamq maq tsaqlar-aq siq.”

Yoˇhaˬ 7:14

Yawbui bui-eu tiqpav pavlar ngae, Yeqsur, uqduq tanqnymr nymrma-anr le-awr maeqnaeq tsovnaeq-euq mae.

Yoˇhaˬ 8:2

Uqshawq yawnaf-aer aqyawf, uqduq tanqnymr nymrma-anr par ghofler-euq mae. Tsawrhaq dawqtawvluf, aqyawf jawr-eu gar lar-euq mae. Khoerngae, Yeqsur nuir-awr, aqyawf maf-anr maeqnaeq tsovnaeq-euq mae.