Yoˇhaˬ 8:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoerngae, aqyawfmaf, aqyawf-anr aernaeq-eu, “NawqDa aqgeugar jawr-eu la?” Yeqsur aerkhof naeq-eu, “Nawmaf, ngaq-anr maq siqnya-a, ngaqDa-anr khawf maq siqnya-a. Nawmaf, ngaq-anr siqnya lawnmr-aq, ngaqDa-anr khawf siqnya taef-a.”

Akha

¹⁹ Aˬ yawꞈ maꞈ ehˇ-eu, “Nawˬ da aˬ gaˇ jawˇ ta.” Yeˬsuˇ ehˇ-eu, “Ngaˬ-ahˇ maˬ ehˇ, ngaˬ Da-ahˇ maˬ ehˇ, naw maꞈ maˬ siˬ nya-a. Naw maꞈ ngaˬ-ahˇ siˬ nya law nmˇ-aˬ, ngaˬ Da-ahˇ kʼawꞈ siˬ nya tehꞈ-a.”

Yoˇhaˬ 8:19 Referans Kwoze

Yoˇhaˬ 16:3

Aqyawfmaf, Aqda-anr maq siqnya-aer, ngaq-anr khawf maq siqnya-euq mirnae, nawmaf-anr khoerlof-aer janrlar taef-a.

1 Gawˇliˬtu 15:34

Nawmaf, tsaq-awr dawr-eu paw uqnoeq beurlar-awr, iqbax taqmr. Aqjeq mirnae aernar-aq, tsawrhaq tiqpavnav deuq Miqyaer-anr siqnya-eu tsawrganr maqanr nga. Ngar, nawmaf bi shafdawr-eu laer heulof-aer aer-eu ma.

Yoˇhaˬ 7:28

Khoerngae, Yeqsur, uqduq tanqnymr nymrma-euq lafkhoer maeq-awr tsov-eu lafkhoer, tersar yawkhav-aer heulof-aer aer-eu mae, “Nawmaf, ngaq-anr siqnya-awr, ngar aqgeugar nae oe-euq la laer khawf siqnya-eu mae. Aerkhawf, ngar-aq, yawqha yawqha oe-euq maqngeur. Ngaq-anr khaerghae lef-euq ghaq tsaq-awr dawr-eu mae. Nawmaf, aqyawf-anr maq siqnya-a.

Yoˇhaˬ 1:10

Aqyawf, mirtsaq-euq khoertav jawr-eu mae. Mirtsaq heusiq aqyawf-anr ghoe-awr baetaq-euq khawf mirtsaqzaq, aqyawf-anr maq siqnya-a.

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

2 Yoˇhaˬ 1:9

Kali-euq dawqmaeq dawqtsov-euq lafkhoer maqdaefni, daefbanq daeflaeq-eu aqsur ghaq maqkaq, aqyawf-euq lafkhoer Miqyaer maqjawr-a. Kali-euq dawqmaeq dawqtsov-euq lafkhoer daef-eu aqsur ghaq maqkaq, Aqda Miqyaer hawr-eu Zaqyo-anr taf-eu mae.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

Gaˬlaˬtiˆ 4:9

Nymq-mr nawmaf, Miqyaer-anr siqnya lar-euq mae. Aqdir aernar-aq, Miqyaer, nawmaf-anr siqnya luf-eu mae. Ghaq baq-awr gardanr maqtsoeq-eu deuq jawr-eu paw aqjeq mirnae par ghof-ir-awr, khoerdeuq-euq zaqkhav par geufmawf-eu nya?

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

Yoˇhaˬ 15:21

Aerkhawf, ngaq-euq tsawrmyanr baqda’nae, khoerdeuq dawqtawvluf, aqyawfmaf, nawmaf-anr janrlar taef-a. Aqjeq mirnae aernar-aq, aqyawfmaf, ngaq-anr khaerghae lef-euq ghaq-anr maq siqnya-a.

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

Gawˇlawˇsehˇ 1:15

Kali-aq, maq mawrlar-eu Miqyaer-euq shaevdzeuf pyeuf-awr, baetaq-euq yawqjeq navluf-euq khoertav huqbaw zaqyo ghaq pyeuf-eu mae.

Eˇpeˇsu 1:17

Aqdui-euq Sanqpaq Yeqsur Kali-euq Miqyaer pyeuf-eu, yawshaef khanqsaer-euq Aqda, nawmaf-anr zaqsiq tsawrganr hawr-eu panmaeq-eu Saflar bifnaeq-awr, aqyawf-anr siqnya-eu tsawrganr anrlarni, ngar guiqlanq sharluf-eu ma.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

1 Yoˇhaˬ 2:23

Zaqyo-anr khar byaerdzae-eu ghaq-aq, Aqda Miqyaer-anr maqtaf-a. Ngar, Zaqyo-anr jan ma laer aer-eu ghaq-aq, Aqda Miqyaer-anr khawf taf-eu mae.