Yoˇhaˬ 8:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

Akha

¹² Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

Yoˇhaˬ 8:12 Referans Kwoze

Yoˇhaˬ 12:46

Ngaq-anr kharjan-eu tsawrhaq yawzanr-euq lafkhoer maqya jawrni, ngar yawshaef lof-aer mirtsaq-euq khoertav oe-euq ma.

Yoˇhaˬ 9:5

Ngar, mirtsaq-euq khoertav kharjawr-eu khoerkeuvni, ngar-aq, mirtsaq-euq yawshaef ma.”

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Maꞈtehˬ 5:14

“Nawmaf-aq, mirtsaq-euq yawshaef mae. Gawqjawq-euq uqdu jav-eu meuq-anr maq daeqkaqzaf nya-a.

Yoˇhaˬ 3:19

Yarkhaq dar-eu jeq-aq heulof-aer mae. Mirtsaq-euq khoertav yawshaefbya le-euq khawf, tsawrhaqzaq yawdoer jeq mr-eu mirnae, yawshaef-anr navmaqtser yawzanr-anr gaq-eu mae.

Jaceuq 18:28

Nawr, ngaq-euq tsirkhmq keuqdof naeqlaf-eu mirnae; Ngaq-euq Miqyaer pyeuf-eu Ya’we Miqyaer, ngaq-euq yawzanr-anr yawshaef bi byalar-eu mae.

2 Beˬtuˆluˆ 2:4

Iqbax mr-euq mqtav ghaqkhaer deuq-anr khawf Miqyaer maq taqnaeq-aer, aqyawf maf-anr yarkhaq dar-eu gharduq, shiqbuir lanma-anr taeka ghae-awr, zanrtsuini ghae-eu lafkhoer, aqyawf maf-anr shmrcav nae paftaq-euq mae.

Gʼaˬkʼehˇ 13:47

Aqjeq mirnae aernar-aq, Sanqpaq Miqyaer, nga’maf-anr dawq heulof-aer biftaq-euq mae, ‘Nawq-euq baqda’nae, mqdzer mirdzer-anr keuvni kakhof-eu jeq za’ni, Aqcawq tsawrjeuq tsawrca-euq gharduq ngar, nawq-anr yawshaef bipyeuf-euq ma.’ ” (Isy 49:6)

Jaceuq 97:11

Tsaq-awr dawr-eu tsawrhaq-euq khoertav yawshaef saeqdav naeq-awr, Nuima-euq lafkhoer dawrcoeni ghae-eu tsawrhaq-euq khoertav, Laqkhaq caer-eu jeq saeqdavnaeq taef-a.

Gʼaˬkʼehˇ 26:23

Kali-aq, yashaq yazanq-awr, shir-euq gar nae ghofdaef baebae lar-euq ghaq pyeuf-awr, Yurdav tsawrhaq hawr-eu aqcawq tsawrjeuq tsawrca-anr yawshaef-euq garkawv dzawrnaeq taef-a.”

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Panmaeq 21:24

Kakhof-eu jeq za-euq tsawrjeuq tsawrca deuq, meuq heumeuq-euq yawshaef-anr ghoe-awr can taef-a. Mirtsaq-euq sanqpaq deuq khawf, yawqha-euq khanqsaer hawr-eu taqhuiq taqmanr-eu jeq, meuq heumeuq-anr yurlaf taef-a.

Luˇkaꞈ 2:32

Kakhof-eu jeq heu-aq, aqcawq tsawrjeuq tsawrca-anr bya’naeq-eu yawshaef pyeuf-awr, Nawq-euq tsawrjeuq tsawrca Irsaqleqlav tsawrhaq-euq yawshaef khanqsaer mae.”

Yuˇdaˆ 1:13

Aqyawf maf-aq, iqmalavshav-euq lafkhoer irluv dzae duidui-awr, buirmeuf bi meuflar-eu lof-aer yawqha-euq shafdawr-eu jeq-anr bi dovlar-eu mae. Aqyawf maf-aq, yawqha-euq garma-anr maqcan-eu aqguir lof-aer dur-awr, aqyawf maf-euq gharduq, li-eu maqbawni zanr duidui-eu yawzanr laeqhmq taq-euq mae.

2 Beˬtuˆluˆ 2:17

Tsawrhaq heudeuq-aq, ircuf maqdanq-eu landuq lof-aer dur-awr, jaqlaer laerma nae bi bawghae-euq mqdmr lof-aer dur-eu mae. Aqyawf maf-euq gharduq, li-eu maqbawni zanr-awr, zanrtsuini ghae-eu jawrduq laeqhmq taq-euq mae.

Yuˇdaˆ 1:6

Khoeruqtaf, yawqha ya’mr-eu yawbae jeq-anr byaerdzae-awr, yawqha-euq jawrduq jawrzar-anr maqjawr-euq mqtav ghaqkhaer deuq-anr, Miqyaer mqmaq maqbyav yarzir-euq shmrcav nae paf-awr, zanrtsuini ghae-eu jawrduq-euq lafkhoer kalanr taq-awr, yarkhaq dar-eu arnan nanma khoernan-euq gharduq laeqhmq taq-euq mae.

Jaceuq 49:19

Aqyawfmaf, yawshaef maqpar ya’mawr-eu mirkhanq-anr, Aqyawf, aqyawf-euq aqpoeq tsuifga deuq jawr-eu gar ya’ir taef-a.

Yoˇhaˬ 12:36

Nawmaf jawr-eu gar yawshaef byaluf ngae, nawmaf yawshaef-euq zaq pyeuflarni yawshaef-anr jan-awq.” Yeqsur dawq heudeuq ngaeqghaq ngae, aqyawfmaf jawr-eu gar nae dov-ir-awr yawzaf zaf-aer jawr-ir-euq mae.

1 Yoˇhaˬ 1:6

Aqdui, Miqyaer naeq-aer cawq cawqluf ma laer aer-eu gar nae, yawzanr-euq lafkhoer daefluf nar-aq, aqdui jaqmyawf myawf-awr, yawtsaq yawdawr-euq lafkhoer daefluf-eu maqngeur-a.