Yoˇhaˬ 7:37 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Yawbui bui-eu arsaqsaq ngae nan-aq, huiqdzaeq-eu nan mae. Yeqsur gawqyawf yawf-awr, tersar yawkhav-aer heulof-aer aer-eu mae, “Ircuf kharmaef-eu tsawrhaq, ngar jawr-eu gar lar-awr dawrlar-awq.

Akha

³⁷ Sehˬ gʼawˆ-euˬ Bawˬ-iˬ gʼeh-eu aˇ saˬ saˬ-eu aˇ nah pyeuꞈ-eu huiˬ dui dui-eu aˇ nah kʼoeˇ nah-ahˇ, Yeˬsuˇ tuˇ -awˇ, teˇ saˇ yaw kʼaˆ kʼaˆ-ehˇ -ehˇ-eu, “Iˇ cuꞈ kʼaˇ mehꞈ-eu tsawˇ haˬ ngaˇ jawˇ gaˇ laˇ-awˇ dawˇ laˇ-awˬ.

Yoˇhaˬ 7:37 Referans Kwoze

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yoˇhaˬ 6:35

Yeqsur, aqyawf maf-anr heulof-aer aernaeq-euq mae: “Ngar-aq, daef-eu jeq bif-eu kaqmur ma. Ngar jawr-eu gar lar-eu tsawrhaq-aq, hawq maqpar maef-ar. Ngaq-anr jan-eu tsawrhaq-aq, ircuf tiqjawr-iq maqpar maef-ar.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Panmaeq 21:6

Khoerngae, aqyawf, ngaq-anr heulof-aer aernaeq laf-euq mae, “Mrluiv jir-euq ma! Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar, ircuf kharmaef-eu tsawrhaq-anr, daef-eu jeq bif-eu ircuf irbyoe-anr nae yoerdov lef-eu ircuf yawqngaef-aer bidawr ma.

Jaceuq 42:2

Ngaq-euq nuima saflar-aq, Miqyaer-anr maef mir-a, Daefluf-eu Miqyaer-anr mawrmawf mir-a. Ngar, nawr jawr-eu gar aqmyan yalar-awr, nawq-euq maeqshi ya larmawr-eu la?

Jaceuq 63:1

Miqyaer-or! Nawr-aq, ngaq-euq Miqyaer ma; Uqshawq yawnaf-aer ngar, nawq-anr pov-eu ma; Ngaq-euq nuima saflar, ircuf maef-eu lof-aer nawq-anr maef mir-a; Ircuf maqjav-aer guicorni ghae-ir taq-euq mirtsaq tiq tsanr ircuf maef-eu lof-aer, Ngaq-euq shiqshaq, nawq-anr za’mawf mir-a.

Jaceuq 143:6

Ngar, ngaq-euq aqlaf nawr jawr-eu paw cawqdir laf-eu ma; Ngaq-euq nuima saflar, ircuf maef-eu mirtsaq lof-aer, nawq-anr maef mir-a. Sela.

Panmaeq 22:1

Khoerngae, mqtav ghaqkhaer khoerghaq, ngaq-anr daef-eu jeq bif-eu shawrjaevni ghae-eu ircuf lawrgawv bimawr naeqlaf-euq mae. Lawrgawv heugawv-aq, jeq-oq lof-aer shawr-awr, Miqyaer hawr-eu Yawrzaq-euq nuirmanq-anr nae yoerdov lef-eu mae.

1 Gawˇliˬtu 12:13

Yurdav tsawrhaq hawr-eu Heqlaqsar tsawrhaq maqaer, zaqkhav hawr-eu buq-ir-euq tsawrhaq maqaer, aqdui dawqtawvluf mawrdo tiq do taef-aer pyeuflarni, muiq-eu Saflar tiq ghaq-euq lafkhoer taef-aer bartirsaq hageuf-awr, muiq-eu Saflar tiq ghaq-anr taef-aer dawrluf-eu ma.

Yoˇhaˬ 6:55

Ngaq-euq shaqjir-aq, aqdir aqmar dzaq-eu jeq pyeuf-awr, ngaq-euq shiq khawf aqdir aqmar dawr-eu jeq pyeuf-eu mae.

Maꞈtehˬ 11:28

Khavbaev yawkan pi-awr ghaqdoer doer-eu tsawrhaq yawqghaq navluf, ngar jawr-eu gar lar-awq. Ngar, nawmaf-anr ghaqnaq bi’naq ma.

1 Gawˇliˬtu 10:21

Nawmaf, Sanqpaq Miqyaer-euq khmqmaq-anr nae dawr-euq nar-aq, naef-euq khmqmaq-anr nae maq dawrnya-a. Nawmaf, Sanqpaq Miqyaer-euq hawqje-anr jawq-euq nar-aq, naef-euq hawqje-anr maqjawq nya-a.

1 Gawˇliˬtu 10:4

dawqtawvluf saflar-euq ircuf aqyawf tiqjeq taef-aer dawr-euq mae. Aqyawfmaf nae dawr-euq ircuf-aq, aqyawf maf-euq maeqnan cantae luf-eu saflar-euq logur-anr nae yoerdov lef-euq ircuf mae. Logur khoer-aq, Kali mae.

Eˇpeˇsu 5:18

Jirbaq taq dawryaef. Dawryaef nar-aq, yawuq uq-ir nya-eu mae. Aerkhawf, nawmaf-euq lafkhoer muiq-eu Saflar bi byanlar-awq.

1 Gawˇliˬtu 11:25

Khoerlof-aer durni, cifhawq dzaqghaq ngae, aqyawf, khmqmaq ciq-awr aer-eu, “Khmqmaq heu-aq, ngaq-euq shiq-anr ghoe-awr nae bif-eu dawqma sarjax yawshuif ma. Nawmaf khardawr ngae, ngaq-anr noeqkeuv-eu gharduq heulof-aer janr-awq.”

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Yoˇhaˬ 5:40

Aerkhawf, nawmaf saflar daef-eu jeq za’ni, ngar jawr-eu gar maq larmawf-a.

Yoˇhaˬ 1:23

Yorhaq aerkhof naeq-eu, “Ngar-aq, Miqyaer gharduq ngaeqdan-eu Irsaqyar nae aertaq-euq lof-aer, ‘ Sanqpaq Miqyaer -euq garma shardawr-awq’ (Isy 40:3) laer, bawrtsanq bawrdanr-anr jawr-awr gurluf-eu khoerghaq ma.”

Yoˇhaˬ 7:28

Khoerngae, Yeqsur, uqduq tanqnymr nymrma-euq lafkhoer maeq-awr tsov-eu lafkhoer, tersar yawkhav-aer heulof-aer aer-eu mae, “Nawmaf, ngaq-anr siqnya-awr, ngar aqgeugar nae oe-euq la laer khawf siqnya-eu mae. Aerkhawf, ngar-aq, yawqha yawqha oe-euq maqngeur. Ngaq-anr khaerghae lef-euq ghaq tsaq-awr dawr-eu mae. Nawmaf, aqyawf-anr maq siqnya-a.

Dawqdaq 8:3

Zaqsiq tsawrganr, meuq-euq maeqshi jav-eu meuq-euq lanrkhaeq, Hawr-eu urler-eu larghov-euq dawqpae gurluf-eu mae.

Maꞈtehˬ 3:3

Miqyaer gharduq ngaeqdan-eu Irsaqyar nae aertaq-euq dawq heudawq-aq, Yorhaq-anr aerkeuv mawf-eu mae, “Bawrtsanq bawrdanr-anr tsawrhaq tiq ghaq-euq tersar gur-eu, ‘Sanqpaq Miqyaer-euq garma shardanr-awr, aqyawf-euq garma dawrcoeni lavdawr-awq.’ ” (Isy 40:3)

Dawqdaq 9:3

Aqyawf, aqyawf-euq aqbur zaqkhav deuq khaerdov ghae-awr, Meuq-euq lafkhoer gordzaeq dzaeq-eu jawrduq-anr nae aqyawf gur-eu,

Dawqdaq 8:1

Zaqsiq tsawrganr kurluf-eu maqngeur-a lor? Ghovshaw nya-eu jeq tersar lavkhav-awr ngaeqluf-eu maqngeur-a laq?

Dawqdaq 1:20

Zaqsiq tsawrganr, tersar yawkhav-aer povka doeni kurluf-eu mae. Aqyawf, tersar lavkhav-awr laevkawv doeni gurluf-eu mae.

Dawqdaq 8:17

Ngaq-anr gaq-eu tsawrhaq-anr ngar gaq-awr, Laejae-awr ngaq-anr pov-eu deuq, Ngaq-anr povmawr taef-a.

Maꞈtehˬ 5:6

“Tsaq-awr dawr-eu jeq-anr maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf ya dzaqdaev ya dawrdaev taef-a.

Yoˇhaˬ 4:11

Khoerngae, zaqmiq aqbur khoerghaq heulof-aer aer-eu mae: “Saqlaq-or! Nawr ircuf khawf-eu keuka maqanr-eu uqtaf, landuq heuduq yawnaf mae. Nawr, daef-eu jeq bif-eu ircuf aqgeugar nae khawflaq-ir-eu?