Yoˇhaˬ 7:29 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aerkhawf, ngar-aq, aqyawf-anr siqnya ma. Aqjeq mirnae aernar-aq, aqyawf, ngaq-anr khaerghae lef-awr, ngar-aq, aqyawf jawr-eu gar nae oe-euq ma.”

Akha

²⁹ Ehˇ kʼawꞈ, ngaˇ aˬ yawꞈ-ahˇ siˬ nya ma. Aˬ jeˬ miˇ neh ehˇ naˇ, ngaˇ aˬ yawꞈ jawˇ gaˇ neh oe-awˇ, aˬ yawꞈ neh ngaˬ-ahˇ kʼehˇ gʼeh leꞈ-euˬ meh.”

Yoˇhaˬ 7:29 Referans Kwoze

Yoˇhaˬ 8:55

Nawmaf, aqyawf-anr maq siqnya-aq. Aerkhawf, ngar, aqyawf-anr siqnya ma. ‘Ngar, aqyawf-anr maq siqnya nya’ laer aer lawnmr-aq, ngar khawf nawmaf lof-aer jaqmyawf myawf-eu tsawrhaq pyeuf-eu mae. Ngar, aqyawf-anr siqnya-awr, aqyawf-euq dawq-anr mrcaw-eu ma.

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Yoˇhaˬ 17:18

Nawq nae ngaq-anr mirtsaq-euq khoertav khaerghae lef-euq lof-aer, ngar khawf aqyawf maf-anr mirtsaq-euq khoertav khaerghae-euq ma.

Yoˇhaˬ 6:46

Tsawrhaq tiqghaq-iq Aqda Miqyaer-anr maq mawrhaw-aq, Miqyaer jawr-eu gar nae oe-euq ghaq taef-aer Aqda Miqyaer-anr mawrhaw-euq mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

1 Yoˇhaˬ 4:9

Zaqyo-euq baqda’nae aqdui daefnya’ni, Miqyaer, aqyawf-euq Zaqyo tiq ghaq taef khawf mirtsaq-euq khoertav bi’oe-euq mae. Miqyaer, aqdui-anr gaq nga laer khoergar nae siqlar-eu mae.

1 Yoˇhaˬ 1:2

Daef-eu jeq khoer byacaevni dovlar-euq gar nga’maf ya’mawr-awr sarkir kamq-eu ma. Khoeruqtaf, yawbae, Aqda Miqyaer naeq-aer jawr-euq li-eu maqbawni daef-eu jeq khoer, nga’maf-anr bimawr naeqlaf-euq garkawv khawf, nawmaf-anr dzawrnaeq-eu ma.

Yoˇhaˬ 13:3

Aqda Miqyaer nae aqyawf-euq aqlaf-euq lafkhoer yawqjeq navluf a’naeq jir-awr, aqyawf, Miqyaer jawr-eu gar nae oe-awr, Miqyaer jawr-eu gar ya ghofler-eu mae laer Yeqsur siqnya luf-eu mae.

Yoˇhaˬ 10:15

Khoerlof-aer durni, Aqda, ngaq-anr siqnya-awr, ngar khawf Aqda-anr siqnya-eu ma. Ngar, ngaq-euq daefzir yawrdeuq-euq gharduq shirdan peuq-eu ma.