Yoˇhaˬ 6:68 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁸ Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

Akha

⁶⁸ Siˇmoˬ Beˬtuˆluˆ ehˇ-eu, “Sahˬpaˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ biꞈ-eu dawˬ nawˇ jawˇ gaˇ jaˆ ngeh keuˆ keuˆ-ehˇ-aˬ, nga maꞈ aˬ suˇ gʼaˬ jawˇ gaˇ paˇ iˇ nmˇ.

Yoˇhaˬ 6:68 Referans Kwoze

Jaceuq 73:25

Mq-euq khoertav, nawr maqngeur nar-aq, ngar, aqsur ghaq parjawr-eu? Mirtsaq-euq khoertav, nawr maqngeur nar-aq, Ngar geufmawf-eu tiqghaq-iq maqjawr.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Gʼaˬkʼehˇ 4:12

Aqyawf-euq lafkhoer maqngeur nar-aq, nuighaq tiqghaq-iq kakhof-eu jeq maqanr-a. Aqjeq mirnae aernar-aq, mq-euq uqmov, aqdui-anr bibuq-ir nya-eu tsawrmyanr yawqmyanryawq maqbif taq-aq.”

Gʼaˬkʼehˇ 5:20

“Nawmaf le-awr, uqduq tanqnymr nymrma-euq lafkhoer yawf-awr, aqyawf maf-anr daef-eu jeq bif-eu dawq dawqtawvluf ja’maeq naeqler-awq.”

Gʼaˬkʼehˇ 7:38

“Morseq-aq, bawrtsanq bawrdanr-anr uiqler-euq baqmaf-euq lafkhoer keuq-eu mae. Sirnav gawqjawq-euq khoertav aqyawf-anr dawq ngaeqcawq-euq mqtav ghaqkhaer khoerghaq naeq-aer jawr-awr, aqdui-euq aqpoeq deuq naeq-aer khawf jawr-euq mae. Bi daeflar nya-eu dawq aqdui-anr bif-eu laer aqyawf hageuf-euq mae.

Yoˇhaˬ 6:63

Muiq-eu Saflar taef-aer daef-eu jeq bif-eu ghaq pyeuf-eu mae. Shiqshaq-aq, tiqjeq-iq gardanr maqtsoeq-a. Ngaq nae nawmaf-anr aernaeq-euq dawq-aq, saflar hawr-eu daef-eu jeq pyeuf-eu mae.

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Maˬkuˆ 8:29

Yeqsur, aqyawf maf-anr narhaq-eu, “Nawmaf lawr nae? Ngar, aqsur ghaq nga laer aer-eu le?” Khoerngae, Beqtuvluv, aqyawf-anr aerkhof naeq-eu, “Nawr-aq, Kali ngar-a.”

Luˇkaꞈ 9:20

Yeqsur, aqyawf maf-anr narhaq-eu, “Nawmaf lawr nae? Ngar, aqsur ghaq nga laer aer-eu le?” Beqtuvluv aerkhof naeq-eu, “Nawr-aq, Miqyaer-euq Kali mae.”

Yoˇhaˬ 12:49

Aqjeq mirnae aernar-aq, ngar, ngaq-euq aryaq nae tiqjeq-iq maqngaeq-aq. Ngaq-anr khaerghae lef-euq Aqda-aq, ngar aqjeq ya’ngaeq-awr ngar aqjeq yatmr-eu la laer aqyawf, ngaq-anr dawq biflaf-euq mae.

Yoˇhaˬ 12:50

Aqyawf nae biflaf-euq dawq-aq, mqmaq maqbyav yarzir daef-eu jeq pyeuf-eu mae laer ngar siqnya ma. Khoermirnae, ngar kharngaeq-eu deuq-aq, Aqda nae ngaq-anr aernaeq laf-euq lof-aer ngar ngaeq-eu ma.”

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Gʼaˬkʼehˇ 8:37

Khoerngae, Pirlirpuv aer-eu, “Nawq-euq nuima dawqtawvluf jan nar-aq, bartirsaq hageufnya taef-a.” Khoerngae, aqyuif khoerghaq aer-eu, “Yeqsur Kali-aq, Miqyaer-euq Zaqyo ngar-a laer ngar jan ma.”