Yoˇhaˬ 6:57 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁷ Daefluf-eu Aqda Miqyaer, ngaq-anr khaerghae lef-awr, ngar khawf aqyawf-euq baqda’nae daefluf-eu ma. Khoerlof-aer durni, ngaq-euq shaqjir dzaq-eu tsawrhaq khawf, ngaq-euq baqda’nae yadaef taef-a.

Akha

⁵⁷ Dehꞈ luꞈ-eu Aˬda neh ngaˬ-ahˇ kʼehˇ gʼeh leꞈ-euˬ meh. Ngaˇ kʼawꞈ, aˬ yawꞈ baˬ da neh dehꞈ luꞈ-eu ma. Kʼoeˇ gaˇ duˇ ni, ngaˬ-ahˇ kʼaˇ dzaˬ-eu tsawˇ haˬ-aˬ, ngaˇ baˬ da neh dehꞈ tehꞈ-a.

Yoˇhaˬ 6:57 Referans Kwoze

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Yoˇhaˬ 5:26

Aqjeq mirnae aernar-aq, Aqda, aqyawf-euq lafkhoer daef-eu jeq anr-eu lof-aer durni, Zaqyo-euq lafkhoer khawf daef-eu jeq anrni, aqyawf-anr biftaq-euq mae.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

1 Yoˇhaˬ 4:9

Zaqyo-euq baqda’nae aqdui daefnya’ni, Miqyaer, aqyawf-euq Zaqyo tiq ghaq taef khawf mirtsaq-euq khoertav bi’oe-euq mae. Miqyaer, aqdui-anr gaq nga laer khoergar nae siqlar-eu mae.

Yoˇhaˬ 3:17

Aqjeq mirnae aernar-aq, mirtsaqzaq-anr yarkhaq bidar-eu laer Miqyaer, aqyawf-euq Zaqyo-anr mirtsaq-euq khoertav khaerghae lef-euq maqngeur-a. Mirtsaqzaq, aqyawf-euq baqda’nae kakhof-eu jeq za’nya’ni khaerghae lef-euq mae.

1 Teˇsaˬloˇni 1:9

Nga’maf, nawmaf jawr-eu gar lar ngae, aqjeq pyeuflar-euq garkawv hawr-eu daefluf-awr aqdir aqmar Miqyaer pyeuf-eu Miqyaer-euq gar mrnya’ni, nawmaf, tanqpanq aqma mawrkawr-anr byaerdzae yaf-awr, Miqyaer jawr-eu paw ghoflar-euq garkawv deuq aqcawq jaluf-eu mae.

2 Gawˇliˬtu 13:4

Aqyawf, ghaq baq-eu lafkhoer lafyaq-euq khoertav bi tafsaef-euq mae. Aerkhawf, Miqyaer-euq baoq baqda’nae daefluf-eu mae. Nga’maf khawf, aqyawf-euq lafkhoer ghaq baq-eu tsawrhaq ma. Aerkhawf, Miqyaer-euq baoq baqda’nae, nawmaf-euq gharduq nga’maf, Kali naeq-aer yadaef taef-a.

1 Gawˇliˬtu 15:22

Aqdaq-euq lafkhoer tsawrhaq dawqtawvluf shir-euq lof-aer, Kali-euq lafkhoer tsawrhaq dawqtawvluf ya ghofdaeflar taef-a.

Yoˇhaˬ 14:19

Tiqkhaeq ghae nar-aq, mirtsaqzaq, ngaq-anr maqpar ya’mawr-ar. Aerkhawf, nawmaf, ngaq-anr ya’mawr taef-a. Aqjeq mirnae aernar-aq, ngar daefluf-eu mirnae, nawmaf khawf yadaef taef-a.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

Jaceuq 18:46

Ya’we Miqyaer daefluf mae! Ngaq-euq logur-anr jaceuq ma! Ngaq-anr kakhof-eu Miqyaer-anr ciqhuiq ciqmanr ma.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

Yoˇhaˬ 6:29

Yeqsur, aqyawf maf-anr aerkhof naeq-eu, “Nawmaf, Miqyaer nae khaerghae lef-euq ghaq-anr jan-eu-aq, Miqyaer-euq gar mr-eu jeq pyeuf-eu mae.”

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

1 Gawˇliˬtu 15:45

Khoerlof-aer durni, Yaerbof-euq lafkhoer boftaq-euq, “Tsawrhaq yawbae ghaq pyeuf-eu Aqdaq-aq, daef-eu tsawrhaq pyeuflar-euq mae.” (Adb 2:7) Arsaq saq-eu Aqdaq ghaq-aq, daef-eu jeq bif-eu saflar pyeuflar-euq mae.