Yoˇhaˬ 6:46 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ Tsawrhaq tiqghaq-iq Aqda Miqyaer-anr maq mawrhaw-aq, Miqyaer jawr-eu gar nae oe-euq ghaq taef-aer Aqda Miqyaer-anr mawrhaw-euq mae.

Akha

⁴⁶ Heu loꞈ-ehˇ ehˇ-eu-aˬ, tsawˇ haˬ tiˬ gʼaˬ na Aˬda-ahˇ mawˇ haw-euˬ meh lehˇ ehˇ mawꞈ-eu maˬ ngeuˇ. Miˬyehˇ jawˇ gaˇ neh oe-euˬ gʼaˬ tehꞈ-ehˇ Aˬda-ahˇ mawˇ haw-euˬ meh.

Yoˇhaˬ 6:46 Referans Kwoze

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Yoˇhaˬ 7:29

Aerkhawf, ngar-aq, aqyawf-anr siqnya ma. Aqjeq mirnae aernar-aq, aqyawf, ngaq-anr khaerghae lef-awr, ngar-aq, aqyawf jawr-eu gar nae oe-euq ma.”

Luˇkaꞈ 10:22

Heudeuq dawqtawvluf ngaqDa nae, ngaq-anr bifnaeq laf-euq mae. Aqda maqngeur nar-aq, Zaqyo aqsur ghaq-a laer tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda aqsur ghaq-a laer tiqghaq-iq maq siqnya-a.”

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

1 Tiˆmoˇseˬ 6:16

Aqyawf tiq ghaq taef-aer shir-eu maqbaw-aer tiqghaq-iq maq lepae nya-eu yawshaef-euq lafkhoer jawr-eu mae. Tsawrhaq tiqghaq-iq aqyawf-anr maq mawrhaw-aer, mawr khawf maq mawrnya-a. Taqhuiq taqmanr-eu jeq hawr-eu li-eu maqbawni baoq huiq-eu jeq aqyawf-anr of luf-ur. Aqmeq.

1 Yoˇhaˬ 4:12

Tsawrhaq tiqghaq-iq Miqyaer-anr maq mawrhaw-aq. Aqdui tiqghaq tirghaq gaq nar-aq, Miqyaer, aqdui-euq lafkhoer jawr-awr, aqyawf-euq gaq-eu jeq aqdui-euq lafkhoer byanlar taef-a.

Gawˇlawˇsehˇ 1:15

Kali-aq, maq mawrlar-eu Miqyaer-euq shaevdzeuf pyeuf-awr, baetaq-euq yawqjeq navluf-euq khoertav huqbaw zaqyo ghaq pyeuf-eu mae.

Yoˇhaˬ 15:24

Tsawrhaq tiqghaq nae-iq maq mrhaw-euq gardeuq, ngar, aqyawf maf-euq ghanrcae maqmr-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf gar khoerdeuq-anr ya’mawr-awr, ngaq-anr khawf, ngaqDa-anr khawf byae-eu mae.

Yoˇhaˬ 8:55

Nawmaf, aqyawf-anr maq siqnya-aq. Aerkhawf, ngar, aqyawf-anr siqnya ma. ‘Ngar, aqyawf-anr maq siqnya nya’ laer aer lawnmr-aq, ngar khawf nawmaf lof-aer jaqmyawf myawf-eu tsawrhaq pyeuf-eu mae. Ngar, aqyawf-anr siqnya-awr, aqyawf-euq dawq-anr mrcaw-eu ma.

Yoˇhaˬ 8:19

Khoerngae, aqyawfmaf, aqyawf-anr aernaeq-eu, “NawqDa aqgeugar jawr-eu la?” Yeqsur aerkhof naeq-eu, “Nawmaf, ngaq-anr maq siqnya-a, ngaqDa-anr khawf maq siqnya-a. Nawmaf, ngaq-anr siqnya lawnmr-aq, ngaqDa-anr khawf siqnya taef-a.”

Yoˇhaˬ 5:37

Ngaq-anr khaerghae lef-euq Aqda khawf ngaq-euq garkawv sarkir kamq-eu mae. Nawmaf-aq, aqyawf-euq tersar tiqpov-iq maq gaqhaw-aer, aqyawf-euq pyawqnaq-anr khawf maq mawrhaw-aq.

Yoˇhaˬ 14:7

Nawmaf, ngaq-anr siqnya-euq nar-aq, ngaqDa-anr khawf siqnya-euq mae. Iqnan tafnar-aq, nawmaf, aqyawf-anr ya’mawr-awr, aqyawf-anr ya siqnya-euq mae.”