Yoˇhaˬ 6:45 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Miqyaer gharduq ngaeqdan-eu deuq-euq sanqbof-euq lafkhoer, ‘Miqyaer, tsawrhaq yawqghaq navluf-anr maeqnaeq taef-a,’ (Isy 54:13) laer boftaq-euq mae. Khoermirnae, Aqda Miqyaer maeq-eu dawq-anr yagaq-awr dzawgeuf-euq tsawrhaq yawqghaq navluf ngar jawr-eu gar lar taef-a.

Akha

⁴⁵ “‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Yoˇhaˬ 6:45 Referans Kwoze

HeˬByehˇ 10:16

“Sanqpaq Miqyaer aer-eu, khoerngae yamq dzeur-euq nar-aq, Ngar, aqyawf maf-anr dawqma sarjax heulof-aer bifnaeq ma. Ngar, ngaq-euq zanrdawq aqyawf maf-euq nuima-anr dawvanr naeq-awr, Aqyawf maf-euq nuinoeq-euq lafkhoer bofanrnaeq ma.

1 Teˇsaˬloˇni 4:9

Aqyuif aqnyir yawkaq gaq-eu garkawv, nga’maf, nawmaf-anr sanqbof bofanr lef-eu laer maqya ghae-ar. Aqjeq mirnae aernar-aq, tiqghaq tirghaq gaq-awq laer Miqyaer, nawmaf-anr maeqnaeq tsovnaeq-euq mae.

Yoˇhaˬ 6:65

Yeqsur aer-eu, “Khoermirnae, ngaqDa nae maqbi lar-euq nar-aq, tsawrhaq tiqghaq-iq ngar jawr-eu gar maq larnya-a laer ngar, nawmaf-anr aernaeq-euq ma.”

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Eˇpeˇsu 1:17

Aqdui-euq Sanqpaq Yeqsur Kali-euq Miqyaer pyeuf-eu, yawshaef khanqsaer-euq Aqda, nawmaf-anr zaqsiq tsawrganr hawr-eu panmaeq-eu Saflar bifnaeq-awr, aqyawf-anr siqnya-eu tsawrganr anrlarni, ngar guiqlanq sharluf-eu ma.

Yoˇhaˬ 10:27

Ngaq-euq yawrdeuq-aq, ngaq-euq tersar-anr narhaq-eu mae. Ngar, aqyawf maf-anr siqnya-awr, aqyawfmaf khawf ngaq-euq maeqnan cantae-eu mae.

Luˇkaꞈ 18:31

Khoerngae, Yeqsur, ghaqkhaer 12 ghaq-anr sheuqceuv dov-awr heulof-aer aernaeq-euq mae: “Narhaq sher-eq, Aqduimaf, Yeqlursaqlaeq-anr leluf-eu ma. Tsawrhaq-euq Zaqyo-euq garkawv, Miqyaer gharduq ngaeqdan-eu deuq nae khar boftaq-euq dawqtawvluf ya byanlar taef-a.

Luˇkaꞈ 1:70

Sanqpaq Miqyaer khoerlof-aer janr-eu-aq, Arhuba nae shawr-eu Miqyaer gharduq ngaeqdan-eu tsawrhaq deuq-anr ghoe-awr aertaq-euq lof-aer janr-euq mae.

Maˬkuˆ 1:2

Miqyaer gharduq ngaeqdan-eu Irsaqyar heulof-aer boftaq-euq mae: “Hawde-eq! Ngar, nawq-euq garma bi shardanr-eu gharduq, Nawq-euq maeqhu ngaq-euq ghaqzaq ghaqkhaer-anr khaerghae-awr bi’ir ma. (Mlk 3:1)

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Gʼaˬkʼehˇ 7:42

Miqyaer yawqpawyawq ciqpyawr-awr nae aqyawf maf-anr byaer-awr, mq-euq khoertav jav-eu jeq-anr uqduq bitanq-euq mae. Khoer-anr tafler-awr nae, Miqyaer gharduq ngaeqdan-eu deuq-euq sanqbof-euq lafkhoer heulof-aer boftaq-euq mae: ‘Irsaqleqlav-euq nymrkhanq deuq-or! Nawmaf bawrtsanq bawrdanr-anr 40 khof byanni can ngae, Jeqzaq saef-awr lawr-euq khoer, nawmaf, ngaq-anr lawrnaeq-euq ma lor?

Gʼaˬkʼehˇ 13:40

Khoermirnae, Miqyaer gharduq ngaeqdan-eu deuq-euq sanqbof-euq lafkhoer aertaq-euq lof-aer, nawmaf-euq khoertav maqya keuvleni yanr-awq:

Piˇliˇpiˆ 3:15

Khoermirnae, aqdui saflar paw tsawrkhav khavlar-euq yawqghaq navluf nuima khoerlof-aer taq kar-eur. Nawmaf noeq-eu tiqjeqnav beugar-eu nar-aq, Miqyaer, nawmaf-anr garkawv khoer panmaeq naeqlaf taef-a.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.