Yoˇhaˬ 6:44 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Ngaq-anr khaerghae lef-euq Aqda Miqyaer nae ngar jawr-eu gar maq gheulaf-euq nar-aq, tsawrhaq tiqghaq-iq ngar jawr-eu gar maq larnya-a! Khoeruqtaf, arsaqsaq ngae nan, ngar, aqyawf-anr bi ghofdaeflar ma.

Akha

⁴⁴ Aˬda neh sheuˬ ha laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a. Aˬda neh sheuˬ ha laˇ-euˬ tsawˇ haˬ-ahˇ, aˇ saˬ saˬ ngeh nah ngaˇ bi gʼoꞈ dehꞈ laˇ ma.

Yoˇhaˬ 6:44 Referans Kwoze

Yoˇhaˬ 6:65

Yeqsur aer-eu, “Khoermirnae, ngaqDa nae maqbi lar-euq nar-aq, tsawrhaq tiqghaq-iq ngar jawr-eu gar maq larnya-a laer ngar, nawmaf-anr aernaeq-euq ma.”

Yoˇhaˬ 12:32

Mirtsaq-anr nae ngaq-anr ciqgor ngae, ngar, tsawrhaq dawqtawv luf-anr ngar jawr-eu gar gheu’ur laf ma.”

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Yoˇhaˬ 6:45

Miqyaer gharduq ngaeqdan-eu deuq-euq sanqbof-euq lafkhoer, ‘Miqyaer, tsawrhaq yawqghaq navluf-anr maeqnaeq taef-a,’ (Isy 54:13) laer boftaq-euq mae. Khoermirnae, Aqda Miqyaer maeq-eu dawq-anr yagaq-awr dzawgeuf-euq tsawrhaq yawqghaq navluf ngar jawr-eu gar lar taef-a.

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

Gawˇlawˇsehˇ 2:12

Nawmaf bartirsaq hageuf ngae, Kali naeq-aer bi bafpanq-euq mae. Aqyawf-anr shir-euq gar nae bi ghofdaef lar-euq Miqyaer gar mrluf-eu gar jan-eu mirnae, bartirsaq hageuf-eu lafkhoer, nawmaf, aqyawf naeq-aer tiqkawv lof-aer ghofdaef lar-euq mae.

Piˇliˇpiˆ 1:29

Aqjeq mirnae aernar-aq, nawmaf, Kali-anr janni taef-aer maqngeur-eu, aqyawf-euq gharduq daqnya’ni khawf guiqlanq bifnaeq taq-euq mae.

Yoˇhaˬ 8:43

Ngar aer-eu dawq-anr nawmaf aqjeq mirnae maq ghovshaw nya-eu nya? Ngaq-euq dawq nawmaf maq narhaq coer-eu mirnae mae.

Maꞈtehˬ 12:34

Dof khav-eu arlawr-euq zaqdeuq-or! Nawmaf-aq, tsawrdoer mirnae, dawqmuiq aqjox-aer ngaeqnya-eu lawr? Aqjeq mirnae aernar-aq, nuima-euq lafkhoer khar dawvbyan taq-euq jeq khaqmae-anr ngaeqdov laf-eu mae.

Yoˇhaˬ 6:43

Khoerngae, Yeqsur, aqyawf maf-anr aerkhof naeq-eu, “Nawmaf-euq yawkaq dawqghof taqdov.