Yoˇhaˬ 6:40 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Akha

⁴⁰ Ngaˬ Da-euˬ nui kʼahˇ-aˬ, Zaˬmaˇ-ahˇ mawˇ-awˇ kʼaˇ jah-eu tsawˇ haˬ dawˬ tawˆ luꞈ, mˬ maˬ maˬ byaˆ zaˇ ziˇ dehꞈ-eu jeˬ bi za-eu gʼaˇ duˬ meh. Aˇ saˬ saˬ ngeh nah, aˬ yawꞈ maꞈ-ahˇ ngaˇ bi gʼoꞈ dehꞈ laˇ ma.”

Yoˇhaˬ 6:40 Referans Kwoze

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

Yoˇhaˬ 6:54

Ngaq-euq shaqjir dzaq-awr, ngaq-euq shiq dawr-eu aqsur ghaq maqkaq, mqmaq maqbyav yarzir daef-eu jeq za-eu mae. Arsaqsaq ngae nan, ngar, aqyawf-anr bi ghofdaeflar ma.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Yoˇhaˬ 11:25

Yeqsur, aqyawf-anr heulof-aer aernaeq-euq mae, “Ngar-aq, ghofdaef lar-eu jeq hawr-eu daef-eu jeq pyeuf-eu ma. Ngaq-anr jan-eu tsawrhaq-aq, shir-euq khawf ghofdaeflar taef-a.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yoˇhaˬ 14:19

Tiqkhaeq ghae nar-aq, mirtsaqzaq, ngaq-anr maqpar ya’mawr-ar. Aerkhawf, nawmaf, ngaq-anr ya’mawr taef-a. Aqjeq mirnae aernar-aq, ngar daefluf-eu mirnae, nawmaf khawf yadaef taef-a.

Yoˇhaˬ 12:45

Ngaq-anr mawr-euq tsawrhaq-aq, ngaq-anr khaerghae lef-euq ghaq-anr mawr-euq mae.

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Yoˇhaˬ 3:36

Zaqyo-anr jan-eu tsawrhaq-aq, mqmaq maqbyav yarzir daef-eu jeq za-eu mae. Zaqyo-anr maqjan-eu tsawrhaq-aq, daef-eu jeq-anr maqya mawr-eu uqtaf, Miqyaer nuima paer-eu jeq, yawqjawr navluf aqyawf-euq khoertav javluf-eu mae.”

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Luˇkaꞈ 2:30

Aqjeq mirnae aernar-aq, ngaq-euq myavnuiv nae nawq-euq kakhof-eu jeq-anr ya mawrghaq-euq ma.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

Yoˇhaˬ 12:50

Aqyawf nae biflaf-euq dawq-aq, mqmaq maqbyav yarzir daef-eu jeq pyeuf-eu mae laer ngar siqnya ma. Khoermirnae, ngar kharngaeq-eu deuq-aq, Aqda nae ngaq-anr aernaeq laf-euq lof-aer ngar ngaeq-eu ma.”

Yoˇhaˬ 8:56

Nawmaf-euq aqda Aqbyaqhaq-aq, ngaq-euq arnan-anr ya’mawr taef-a laer laqkhaq caer-eu mae. Aqyawf khoer-anr ya’mawr-awr laqkhaq caer-eu mae.”

Maˬkuˆ 16:16

Jan-awr bartirsaq hageuf-eu tsawrhaq-aq, kakhof-eu jeq za taef-a. Aerkhawf, maqjan-eu tsawrhaq-aq, yarkhaq dar-eu gar yadaq taef-a.

HeˬByehˇ 11:1

Jan-eu jeq-aq, noeqtmq taq-euq jeq-anr yawduq baw-awr, maq mawrlar-eu jeq-anr nuikhaq tsmq-eu mae.

HeˬByehˇ 11:27

Aqyawf jan-eu mirnae, sanqpaq nuima paer duidui-eu gar maqguvni, Irjirtuv-anr nae dov-ir-euq mae. Aqjeq mirnae aernar-aq, maq mawrlar-eu Miqyaer-anr mawrhaw-euq lof-aer, aqyawf nuima zif-eu mae.

Yoˇhaˬ 14:17

Aqyawf-aq, yawtsaq yawdawr-euq Saflar mae. Mirtsaqzaq, aqyawf-anr maq siqnya-aer maq mawrnya-eu mirnae, aqyawf-anr maq hageuf nya-a. Aerkhawf, nawmaf, aqyawf-anr siqnya-eu mae. Aqjeq mirnae aernar-aq, aqyawf, nawmaf naeq-aer jawrluf-awr, nawmaf-euq lafkhoer jawr taef-a.

Maꞈtehˬ 10:15

Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav mirtsaq navmaqtser yadaq taef-a.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Yoˇhaˬ 6:39

Ngaq-anr khaerghae lef-euq Aqda Miqyaer, aqyawf nae ngaq-anr khar bifnaeq laf-euq tsawrhaq tiqghaq-iq maqya byov-ir-eu uqtaf, arsaqsaq ngae nan, yawqghaq navluf-anr bi ghofdaef lar-eu nuima tsaq-eu mae.

Yoˇhaˬ 6:44

Ngaq-anr khaerghae lef-euq Aqda Miqyaer nae ngar jawr-eu gar maq gheulaf-euq nar-aq, tsawrhaq tiqghaq-iq ngar jawr-eu gar maq larnya-a! Khoeruqtaf, arsaqsaq ngae nan, ngar, aqyawf-anr bi ghofdaeflar ma.

Yoˇhaˬ 11:24

Maqta, aqyawf-anr aernaeq-eu, “Arsaqsaq ngae nan ghofdaef lar-eu aryamq keuvlar nar-aq, aqyawf ghofdaeflar taef-a laer ngar siqnya ma.”